IBRANI 10:27 - Allah Wene Fano Wene Hupla Inane

²⁷ Allah a'mage lagambik o wurep oba wene inoba figik, kotik, igin andiba, at inom weak mene halok inebe endu aik oba inoati logolik, nit at ane herakfisaluk weak hilingiti logogun halok, ninomat ninoasinogo iluk, niren futfuluk ninailorogoat logouwogo.

IBRANI 10:27 ပူးပေါင်းရင်းမြစ်များ

MAZMUR 21:9

Aren he afuni mondogat at inom inaseleirogo werek mene omanogo hele warogo fisigik, it afuni Tuhan oba inabit anggagarek mene halok senfisigik, ikherek

YESAYA 26:11

Tuhan nineisena, Hat he it haselei mene unggum wogisagain iluk fouksek welagen oba nen, it he inonggorengge inafe wonghogo werek. Haren hagainafuri faget hendawi hundik hilinginafi lagen mene andoma ineilenggen isaluk he, it inenggali nen yinggil-yinggil kwikhi logouwak. Haren it unggum wogisagain iluk foukhogo fegen mene andiba it inebe mondogat funhogo legasuwak.

YESAYA 33:14

Afuni weak hilingitarek mene o Sion werek mene andoma re inailo nen inoak legeti logouwak. It inane ikhi logolik he, ”Allah nen wene sikhiphogo palherek mene andi re endu amulok lagaikherek andi hak mondok-mondok logogin mene palhere'ma re, afuni nen endu nolinafarek mene andiba nen amulok lagagunem hambuget hogoin mene ekhe logogun nogo?

YEREMIA 4:4

Hit An hineisena Tuhan ninom wene wat-wat agagu mene a'nogo pukhogo fisogo logoni o, nen hit afuni Yehuda mene inom Yerusalem mene inom he hinebe An nobaget enogo fakhaluk logoni o. A'nogo hilingiti logogun lek halok he An nanini endu wabunak ninggerek higit hilingi'mo, ap sa nen ogo nagulu mondok elo'lek a'nogo higit hinoba lakfei wesigin o. Mondogat andoma re hiren hina'mageba nek hilingiti logolik weak mondok hilingiti lagep andiba re enggin mene hinoba asi wesigin andi,” iluk ikhe isikhe.

YEHEZKIEL 36:5

An nanini noba louksek logolik An nen it inunggulenu hit haningisogo werek mene andoma inoasigin iluk nane arat igimo o, nen ebe tukhumhogo re it Edom mene andi faget igi. Andi erore iren inagaiyekhogo inalitnorati logolik An nanggweang a'nogo heligik, nen o lei engga werek mene teligik, aga andi nen hilingisigin.

YEHEZKIEL 38:19

Na'mage hokho meneba lagakhi logombik, linggene andi sambul o Israel kweang oba andoma lugul hokho mene langfang isagain.

DANIEL 5:6

A'nogo hasikhesik ailo agaikhemo re elokhe heiselogo, eindep leik-leigenggeti logolik he oak omame mondogat lek agaikhe.

HOSEA 10:8

O Betel punuba kembu awi wuri'mo afuni Israel mene nen fogerari'lagwi kwe andoma mondogat wolelenggen isogoin. Iren mezbah wurik mene ebene andoma re engga inom alok-alogengge inom wulibigin. A'nogo wulifunem iren inane tom andomaba kweti logolik, ”Nit salninabime o,” igik, nen punu-punukwe andomaba woleti logolik he, ”Nit sebelninabime o,” igik, ikhi logogun.

YOEL 2:30

O pogoroba inom, kweangma inom, An nen elalin mene hokhorogo hilingisigin. A'nogo hilingitunem, mep eil enek hilinglagik, endu amulok inom, so'le inom foinaluk lagagik, igin.

NAHUM 1:2

Nineisana Tuhan Allah re afuni nen At inom higirabetarek mene andi re mondok abit. Nen, ap At ane oak sagalharek mene andi re unggum helogoin werek. Nen At a'mage mondok hokho a'nogoba re, it inoba onggo lagalogo inoaterek.

ZEFANYA 1:18

Linggene mondok elalin mene andi sambul Tuhan anini fikherek mene a'nogo inukhamo re, it inangge emas inom perak inom omanogo nen inagap telinabigin lego. O kweangma yoma mondogat he At anini nen endu foumo re mondok wolelenggenhogo legasigin. Nen ferekhogoat o kweangma yoma ineluk welagaikharek mene oma mondogat he Aren wokhilik lagain.

ZEFANYA 3:8

Oba nen he hinelurogo! An nebe menlasimbik hinabusakwe sagal-fagal hinabigin sambul andi yerogo logoni. An nen anggikhi logolik yi afuni ti afuni inuggulenu lombok inom o kerajaan andoma inom andoget fisambik, An anini a'nogo it inoba kweisaligiluk hilingiti lagi. Ma re, o kweangma yoma mondogat he An nanini nen endu fasigin mene a'nogoba endu nagain.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

BILANGAN 16:35

A'nogo hilingitukwasik it ap inebe 250 nen a'nogo amben engge dupa nolhi lagaukwa mene omanogo Tuhan nen endu lakfei wagaikhemo endu nen nasikhe.

MATIUS 13:42

mondogat endumo lakfisamo logolik, inaik himbirogo li ago le ago mondok logogun o.

MATIUS 13:50

endu ai'mo lakfisamo inaik himbirogo li ago le ago mondok logogun o,” iluk yagaisasikhe.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MATIUS 3:10

E ero lombok enggen fano mene iti'lek halok, mugusogo endumo lakfisageluk posie e omanggen oba lego werego,” iluk yagaisasikhe.

MATIUS 3:12

Gandum enggen folugun mene faget garpu hangge meneba fologo lakfagain mene at eisewerek mene enggimo werek andi. Tegeligin oba higit asi waga halok, fano mene halok, tegelogo fikherek oba fanoma figik, afulfulengge mene halok endu nagulagarek le'ma a'nogoba lakfisigik, igin o,” iluk yagaisasikhe.

MATIUS 8:29

inane hokhorogoat mel yagatukwa: ”Allah amlogo yi. Haren he, nit ninggi'nogo hilingninabigeluk wagen. Nit ninoasigin oba oan werek kwelegat he, hat tak ninoasigiluk wagen yoma ri!” iluk yagatukwa.

LUKAS 16:24

Eilenggen liagisasikhesik, ane hokhorogo mel yagatikhe: Abraham neisena e! An endu aik hokhoma yoma heinet hokho wati lagi yoma hendawi nean o. Lazarus nen enggi tum ima pelakfembigen, i magaisogo re, nameliba sakho uageluk, fei wesuageluk yagasin o, iluk yagatikhemo,

LUKAS 19:27

A'nogo yagaisasikhesik he: It ap an ninom inaselei mene hangge hilingninabi'logo ikhi logolik: At andi nit ninoe kain enupogot logogin he ninabit, iluk aga mene andi inebe woginarek wesimbik he, an neilhanem yaat inoasubagaigo, iluk yagaisasikhe,” iluk he, at Yesus nen afuni omanogo yagaisasikhe.

LUKAS 21:26

Nen, pogoroba inomame hokho mene inabologet hikhi logoumo, afuni o yi awi ti awi welagaikharek mene nen he: Yi'nogo hilinglagik, ti'nogo hilinglagik, igin a'nogo arat hilinglasigin higi, iluk inailo nen inendawinggen mondok legasigin o.

LUKAS 23:30

Andi sambul afuni nen he, ninebe alperelninabigin iluk he, tom hokhondek mene yagatik, ninebe sebelogo ninobagagin, iluk tom magendek mene omanogo yagatik, ugun o.

ULANGAN 32:43

Nineisena Enupogot, againafuri inoatarek mene, it inebe mondogat he, wene inoba fagain, Againafuri inunggulmo, it andi inoasigin, Inoasigin andi nenat, inunggulenu lombogen, Allah Enupogot, againafuri andi fogerinabini, Aren it weak hilingitarek mene, sagalogo legetfisikherego, iluk iren wuni wati logouwagaluk yagaisasukwa.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

IBRANI 9:27

Nit afuni misigam faget wa'lagunem en, hobuk wene ninoba figik, kotik, igin iluk, at Allah nenat isikhe andi hak,

YAKOBUS 5:3

hit mene emas inom, perak inom, kulumage falogo fikhemo werek andi ri! Hinebe o wurep oba logoligat he, yi mene ti mene hinonggwarek faget fologo fakhaluk welagep andi nen, hobuk Allah nen wene hinoba fugunem, kulumage falek andi nenat, ”It inobabut ariginik,” iluk, enegat sele'mat fugunem yi mene ti mene endu nen ninggerek andi hak, hinebe kulumage falek andi nenat weagethinabigino.

1 SAMUEL 2:25

Afuni nen it afuniat weak hilingisogo fisogoin halok he, Allah nen it werekwe asimbik elok telinabigin o. A'nogo meneat he, Allah weak hilingisogo fogoin halok he, sa nen elok telninabigin anggegep? Mondok elo'lego nagainafuri,” iluk komorinafikhe. A'nogo komorinafikhe meneat he, At Tuhan nen it inoasigiluk arat anggasikhesi'mo nogo nen he, ineisena nen komorinafikhe mene andi inendawimo seramet fesukwasik herakfisasukwa.