IBRANI 10:23 - Allah Wene Fano Wene Hupla Inane

²³ At obabut he, ”Wokhisagain,” iluk abok yaganisikheresigen he, ebe wo'nisikheregat andi, niren he, ”Eberogoat tiphogo wo'nisagain,” iluk afuni ineilhanem ninane fakhogo ogorek mene andi ugu mondok logolik, ninghogo fisogo logouwogo.

IBRANI 10:23 ပူးပေါင်းရင်းမြစ်များ

MAZMUR 26:1

Tuhan neisena, an he nendawinggenma nen mondok higithogo welagimo re, Haren katokhogo nek hilingnobagain o. An he Tuhan hoba nek nendawimo eberek mondok logolik he, we endebengge iluk ogo nendawinggen ekhe pire pare ili'lago mondok lek.

RATAPAN 3:23

o hubet hundik-handik andoma re ket mene nek hilingnobagali'logo, eberogo nenat Tuhan andi re tiphogo nek hilingiterek!

1 KORINTUS 1:9

At Allah nen amlogo ninoe Enupogot Yesus Kristus hinom hundik logobagaigeluk hinayonggo fesikhe andi. A'nogo, at obabut humbun mene nen hinayonggo fesikhe andi nen he, ebe asigin iluk hinendawinggen menenei ebeti'lek humbunhogo logoni o.

1 KORINTUS 10:13

Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.

2 KORINTUS 9:13

A'nogo leberisikhi logogun andiba, it Allah againafuri o Yudea mene nen he, ”It afuni Korintus mene Kristus hilingitikhe wene fano wene a'nogo wanhukwasik, Ninobabut higithogo hilingiti logoguno, iluk isukwa higithogoat hilingiri'lagwi. A'nogo hilingiti logolik it mene ekhe agi'lek nit lebe'nisigik, it ekhe mondogat leberisigik, aga o,” iluk hinobabut enegat paliluk Allah fogerasugun aro.

1 TESALONIKA 5:24

At nineisena Enupogot Allah ninayonggo fesikhe mene a'nogo nen: ”Yi'nogo hilinghinabigin,” iluk abok yaganisikherek higithogo hilingiterek a'nogo nen fethinarek logombik, eberogoat hilinghinabigin aro.

2 TESALONIKA 3:3

Menere, ninendawinggen ninoe Enupogot oba himbiret fugunem, ninane hologo hilingiterek mene a'nogo nen hinendawinggen wuriget hinafi logolik, at obabut mondok weak mene a'nogo nen weaget hinabigeluk ugunem fethinarek logogin andi nen, hinendawinggen at oba himbiret fuluk logoino o.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

IBRANI 11:11

Nen, at Abraham ebe yaman agaikhesik agwe Sara abili welagaikhe meneat he, at Abraham endawimo nen he, ”Allah nen abok yaganisasikhe a'nogo eberogoat wo'nisagain aro,” iluk endawinggen Allah oba eberogo nen himbiret fuluk welagaikhe andiba, amlogo he Sara eak takhagain elok agaikhemo, takhasikhe.

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

IBRANI 3:14

A'nogo ikhi logolik, omanggum ninendawinggen at oba himbiret fesugu mene andiat ninenggi pukhogo huli wurep oba fisogo logogun halok he, nit Kristus erugwi agaila'lak agosik welago o.

IBRANI 3:6

Meneat he, at Yesus enek he, Allah ebe amlogo andi nen he, at eiseweregenat hilingiterek. Nit fanotninabigin wene andi faget ninendawinggen ninghogo oba himbirik mondok logogun halok he, Allah awi wurik andi, nit ninebe aro.

IBRANI 4:14

Nit ninoe kain Allah eisewerek Allah amlogo Yesus pogot pelakha wagik, pogot abel ponggwe Allah were'ma lagasikhesik nit faget werek andi nen he, nit ninendawinggen at oba himbiret fuluk ninane fakhogo ikhi lago mene andi, ninenggi ninghogo fisogo logouwogo.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

YAKOBUS 1:6

Afuni ekhe nen he, ”Allah nen wo'nesigina? Lega,” iluk, menenei ebeti logolik kino yagatarek mene andi re, sogoi en i ha'abu hesangge-pesangge waterek andi hak yagati lagep andi nen he, wo'nisoageluk halok he, hinendawinggen nineisena Allahba eberogoat himbiret fulugen kino yagati logoino o.

WAHYU 3:11

An weak-weagat wesigin o. A'nogo wesimbik he, sa awewerek-sa awewerek laga logolik, inomame asugun mene onggo kware-kware ikfisagarek andi hak, onggo hit wokhisagain mene, it afuni ekhe nen telogo helanogo iluk, hit ebe wanhigip mene andi, hinenggi ninghogo fisogo logoino o.