IBRANI 10:19 - Allah Wene Fano Wene Hupla Inane

¹⁹ Nerugwi nagaila'lak. At Yesus amep wulagaisogo wa'lagaikhe andiba, nit Allah onggwarek aiba andoma ninailo lekhogoat kuogo.

IBRANI 10:19 ပူးပေါင်းရင်းမြစ်များ

ROMA 5:2

Nit ninendawinggen Yesus oba himbiret fesugu andibaat, at Allah obabut fano nen fanotninaferek mene andi awe a'ma ninobagaikhe andiba himbiret fuluk welago. Logolik, Allah fogeratu mondok welagaikharek andi hak, nit a'nogoat fogetninabigin o, iluk ninendawimo ninagaiyegeti lago.

EFESUS 3:12

Nit ninendawinggen at oba eberogoat himbiret fuluk, at ninom hundik logolik, ninailo lekhogo ninendawinggen hambukhogo Allah oba kugun andi.

2 TIMOTIUS 1:7

Allah nen ninobabut wo'nisikherek andi re, ninailorogo logouwageluk wo'nisikherek fuk. We, ninomamerogo welagik, afuni ekhe ninendawirogo welagik, ninendawinggen sebelek welagik, ikhi logouwageluk wo'nisikherek andi.

IBRANI 10:18

Andi nen he, nit afuni komore'lek ninobabut weak hilingitorek mene, at Allah nen arat sebelogo legetfisasikhe andi nen he, nit weak hilingitorek mene ho'ninabuageluk ninanggo Allah faget warogo hobuk fisogoin mondok lego.

IBRANI 10:35

Halok he, attak weak hilinghinafu kwelek hinendawimo puk welagagip mene andi kobokhogo herakfisigi'lek, yogondak ya a'nogoat logogun halok, onggo hokho mene wokhisagain andi nen he, ninghogo logoino o.

IBRANI 12:28

A'nogo abologet hagain meneat he, nit enek he, Allah awe a'ma ninobagaikherek oba abolok igin mondok lek mene wo'nisasikhemo eise agosik welago andi nen he, ”Allah neisena,” iluk hai wati logouwogo. Nen, at Allah ebe re, endu nen yi mene ti mene ninggerek andi hagatma, nit a'nogo weagetninabinogo iluk, at ebe ninailorogo hilingitik, agaukhogo hilingitik, ikhi logolik, at ane hologo endawimo amolo mene hilingiti logolik, fogerati logouwogo.

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

IBRANI 3:6

Meneat he, at Yesus enek he, Allah ebe amlogo andi nen he, at eiseweregenat hilingiterek. Nit fanotninabigin wene andi faget ninendawinggen ninghogo oba himbirik mondok logogun halok he, Allah awi wurik andi, nit ninebe aro.

IBRANI 4:16

Andi nen he, nit weak asu hak were'ma, fanoasuak, nineisena Allah obabut fano nen endawitninafik, lebetnisigik, uageluk, at Allah kain welagarek oba logolik obabut fanoba heanerogo hilingiterek andi nen, ninailo legat oba horokhogo kwikhi logouwogo.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

IBRANI 9:3

Nen, o hulu ti'mo suba huli warek andi enu re, o hulu mondok ebe wesama u hak, Allah onggwarek awi ikhi lagaukwa.

1 YOHANES 4:17

At Kristus welagarek andi hak, nit kweangma a'nogo welago andi nen, hobuk Allah nen nit ninanema waganogo wene ninoba figik, kotik, igin andi sambul ninenggali lek logogun. Ninenggali lekhogo logouwageluk he, attak Allah nen endawitninafi logolik, endawimo anggasikhe andi hagat, yi mene ti mene fano katokhogo hilingitarek andi hak, nit-nit nendawi-hendawirogo logouwageluk katokhogo hilingninabi'logo andi.