IBRANI 10:11 - Allah Wene Fano Wene Hupla Inane11 It ap Allah eisewerek inebe lombogen afuni faget hilingiti logolik he, hundik-handik hobugalep wam wareti lagaukwa andi mene nek warogo Allah wogeti lagaukwa andi nen, Allah nen it weak hilingiti lagaukwa mene korogo wokhagain he, mondok elo'lek agaikhe andi o. အခန်းကိုကြည့်ပါ။ |
IBRANI 10:11
21 ပူးပေါင်းရင်းမြစ်များ
Tuhan nen ikhi logolik, ”Hiren wam yi mene ti mene kabokhogo fuluk wo'neti lagep mene andoma re nagaiyek hambik wanigin iluga? Hiren domba warogo nolneti lagep mene inom, sapi eak asei nobagakhi lagep mene inom, sapi ai mene inom domba inom, kambing inom amep nobagakhi lagep mene andoma re An he nabiro.
A'nogo hilingiti logolik he aren ap sikhe fisogo inap esa o Tuhan awi wurik mene a'nogo emetfouwageluk lakfisikhi logogin. A'nogo lakfisugunem iren he wam yi mene ti mene linggene hundik-hundik warogo wogetu mene a'nogo leget fuluk he mondok inamel-mel mene wiik-weakhogo hilingfisaluk nongot fisagarek mene andi hilingiti logoni o, iluk ane menfikhi logogin.
A'nogo hilingitesigen he, aren pogoroba mene tentara inoe kain panglima a'nogo oba re an enek he nalongsek welagi iluk wonoget fakhigik, iren yi mene ti mene panglima andi faget fuluk linggene hundik-hundik wogetu mene omanogo leget figik, at andi obaget fogerasuogeluk andogotarek awi a'nogo meisal isigik, hilingiti laga.
Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.
Wene andem higithogo re hiren Tuhan obaget hinenggi 7 hari nen hambukhogo warogo nolhi logogun. Hiren nolhi logogun mene andoma re, linggene hundik-hundik nolhik, anggur agai hinago figik ikhi logogun mene omanogoba to'mongge faget. Hiren warogo nolhi logogun mene andi amben he Tuhan endawimo healhi logogin.
Warogo nolhi logogun engge omanogo re hiren weragaisogo tugi hundik-hundik tanggal satu ba wogeti logogun mene omanogo inom mangot fikhi logogun. Nen ekhere hiren linggene hundik-hundik warogo nolhi logogun mene omanogo inom, nen anggur agai hinagaisogo wogeti logogun mene omanogo inom oba mangorogo wogeti logogun. Hiren warogo nolhi logogun engge andoma amben nen he Tuhan endawimo healhi logogin.
It afuni Yahudi mene wene Allah nen komotninafikhe wene andi higithogo hilingiti logolik, ebe mene hilingiti lagaukwa fuk. We, ebe hobuk fanotninabigin mene werek kwelek, oba lirogo hilingitik, alik waganogo hilingitik, ikhi lagaukwa. It a'nogo hilingiti logolik, o mo lagagik, pigik, ugu kwelek, yi tahun ti tahun wam Allah faget wareti lagaukwa mene andi mene nek wareto mondok welagaukwa andi nen he, it afuni wam Allah faget waresi waga lagaukwa mene halok andiba nen katokhogo fanorinabigin elo'lek aga lagaikhe andi.
It ap Allah eisewerek kaindek andi re, hundik-handigat inonggwarek weak hilingitarek mene faget tak inanggo Allah faget waretaresigen, hobuk afuni ekhe weak hilingitarek mene faget inanggo Allah faget warogo wogotarek meneat he, at Yesus enek he, nit weak hilingitorek mene faget ninanggo Allah waresu hak, at ebe misigamat faget wa'laga logolik, ebe Allah wogetikhe andi.
ကြော်ငြာတွေ