IBRANI 1:2 - Allah Wene Fano Wene Hupla Inane

² Meneat he, o wurep oba, nit yogondak welago yaba re, Allah nen wene andi amlogo yagatikhemo, aren nit yaganisa wagaikhe. Amlogo andi re, eroba Allah nen yi mene ti mene mondogat elalhikhe andi, ebe at amlogo nenat elalhikhemo, eisewerek logouwageluk menfesikhemo welagarek andi.

IBRANI 1:2 ပူးပေါင်းရင်းမြစ်များ

KEJADIAN 49:1

Hobuk at Yakub en againafuri wolisasikhemo wagaukwama mel yagaisasikhe: ”Hit hobuk hinoba hilinglagunem hikhi logogun mene yagahisagen he, an noba horokhogo ya andogosi we'ni,” iluk isikhesik wuni agarek hak nginugane yi'nogo yagaisasikhe:

YESAYA 2:2

Hinenggi hobuk logogun andem oba re, punu o Tuhan Awi wuri'mo andi re ekhe sebelek kwelek andi nek he mondok lego mene wolonghogo liabe'ma re, yi afuni ti afuni inunggulenu lombok andoma uluk-uluk waga logogun.

YESAYA 44:24

Tuhan hinagap telhinaferek mene, hagaisa alabutmo oan werek kwelek pugun hafe mene a'nogo nen ikhi logolik, ”An hineisena Tuhan Allah nen yi mene ti mene andoma mondogat elalogo fesigi, An namu nenat pogot tiaganet figik, nen it ekhe nen lebetniigi'lek kwelek, kweang elalogo figik, isigi.

YESAYA 45:12

An he Tuhan kweang walhasigisik, afuni logouwageluk ogo elalinafigiat. An nomameba pogot tiaganet fesigi, higithogo hilingitu mene nek omamet lasuageluk hilingitigi, nen mo inom, tugi inom hesagal inom fanorogo afe halogo fisasigi.

YESAYA 45:18

Tuhan nenat pogot walhasikhe, At ebere Allah! Arenat kweang walhogo fesikhesik, kweang oba werek mene mondogat elalogo fesikhe, a'nogo hilingfesikhesik, hambuk lele warogo menfesikhemo werek andi. Aren obalik we selek logouwageluk elalhikhe fuk, oba nen he obalik andomaba logouwageluk elalogo fesikhe. At ane ikhi logolik, ”Tuhan he An namunek welagi o, amu mene ekhe werek lek,” isikhe.

YEREMIA 48:47

Oba nen hobugen he An nen o Moab kweang oba andoma halogo fisagain o. Iluk An Tuhan nen nane mondogat igi!” ikhe. At Tuhan nen Moab oba hilingfagain mene re a'nogo andi.

YEHEZKIEL 38:16

A'nogo we'luk haren An nagainafuri Israel mene re sogoi sielu nen funhogo leik-kweik isikherek hak inoasi wesigin. Linggene higit asigin sambul he An nen hat hebe An nanggweang oba andoma sebeli lambik logoinogen iluk lakhobagagin. An nen hat Gog hebene nen hilingitunem he, yi afuni ti afuni inunggulenu lombogen he An andi re sa nogo iluk hera'nabimbik, An Allah Tegelek Mondok welagirek mene a'nogo nebe inelu asugun.

DANIEL 10:14

Haren habikanggoba hegen mene andi re linggene elokhe fikhit andoma asigin mene faget hegen o. Nen an he afuni hat hunggulenu mene inoba hobuk ninggi'nogo asigin iluk hat fut feinogen iluk wagi o, iluk yaganete.

DANIEL 2:28

A'nogo meneat he, we At Allah pogoroba mene andi nek he, yi wene ti wene hinago mene elok fakhogo yagaisikherego. Andi nen he Aren wene hobuk hilinglasigin mene noe henupogot yagahetemo o. Yogondak he noe hat nogo ikhi lagen oba nen habi higik, habikanggo oba hilinglagunem heilenggen higik egen mene andi ebe yi'nogo faget hegenma o, iluk yagahesigeluk igi o noe. Andi nen he, wene ebe yagahesik.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

MIKHA 4:1

O hobuk logogun oba andoma re, punu amu-amukwe andoma sebelek hak werek kwelek, punu Tuhan awi wuri'mo andi nek he, mondok mitmorengge andom wolonghogo liabek logogin. A'nogo wolongse'ma re afuni inunggulenu lombok he, andoma uluk-uluk waga logogun.

BILANGAN 24:14

At Bileam en at Balak a'nogo yagatikhesik ekhe mel yagatikhe: ”An yogondak afuni an nunggulenu mene inoba nambotkwe lagain. A'nogo oan lagi'lek logolik, afuni inunggulenu Israel mene nen afuni inunggulenu hat mene hobuk hilinginabugun mene faget yagahesik,” iluk yagatikhesik,

MATIUS 13:39

At ap yabu eisewerek emberek weak logolik, awi weak mene yatikhe andi ebe re, at Iblis andi aro. Enggen palugun higit andi ebe re, o wurep oba fageraro. Nen, it ap enggen palharek mene andi ebe re, it malaikat Allah pogoroba nen yonggo pelakfisa wagarek mene andi aro.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MATIUS 21:38

Lakfei wagaikhemo wagunem, it ap yabu kwalogo welagaukwa mene omanogo nen, ineilenggen yethasukwasik he, it-it ikhi logolik, ”Ap ari eisena obali'mo yabu eisewerek asigin mene a'nogo ebe waga a'li. Halok, yabu yi nirat eisewerek asuogen he, ebe wasuogo,” iluk,

MATIUS 26:63

at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,

MATIUS 28:18

A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

MARKUS 1:1

Fano wene, Yesus Kristus, Allah amlogo nen hilingiti lagaikhe wene yagahisak.

MARKUS 12:6

A'nogo felelenghogo inoatukwama re at eabu eisewerek mene a'nogo amlogo endawinggen hundik mene misigat andi nek agaikhemo re, aren he, ”An namlogo yiat inoba lakfoumo re, inane agaukhogo hai warogo wanugun o,” iluk anggasikhesik he, ebe hobuk inoba lakfei wagaikheat.

MARKUS 12:7

Lakfei wagaikhemo wagunem, it ap yabu kwalogo welagaukwa mene omanogo nen, it-it ikhi logolik he, mel isukwa: Elege ari eisena obali'mo yabu eisewerek asigin mene a'nogo ebe waga a'li. Halok yabu yi re nirat eisewerek asuogen he, ebe wasuogo, iluk isukwasik,

YOHANES 1:10

Arenat pogot kweang eleahikhe meneat he, at ebe kweangma wagaikhesik were'ma re, it afuni kweangma mene yoma nen, at ebe futfigi'lek welagaukwa.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 1:3

Allah nen yi mene ti mene mondogat elalik wagaikhe andi ebe re, at Ebe Wene nenat elalhikhe. At ebe lek logoilepma re, misigat ekhe elalilep legat.

YOHANES 13:3

A'nogo endawimo kagalhikhemo, at Yesus endawimo nen he, ”Neisena nen yi mene ti mene mondogat an nenggiba fikhemo werek anggigi. Nen, an nebe Allah were'ma nen pi wagagisik, hombuk nambotkwe at oba lagagin anggigi,” iluk elu welagaikheat.

YOHANES 13:32

Nen, an nen hilingisigin andiba Allah fogeratu halok, at onggwarek ebe fogeratarek andi hak, an nemberegat fogetninafi logouwageluk, aren weak-weak esinet nobagagin o.

YOHANES 15:15

It afuni inamingmingengge mene andi, inogogwi hilingitarek mene inonggot andi nen he, an nen huli yogondak yiba nen, hit an namingmingengge, iluk yagahisagain lego. Yi wene ti wene neisena nen yaganetikhe mene mondogat yagahisikhi lagi andi nen he, nagaila'lak, iluk yagahisikhi lagi andi o.

YOHANES 16:15

Yi mene ti mene neisena mene mondagat he, an mene andi nen he, Allah Areagun andi an nane wanimbik, hit yagahisikhi logogin iluk yagahisigi andi o,” iluk yagaisasikhe.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

YOHANES 3:25

A'nogo ima pelaginafu were'ma, at Yohanes agoromi ane wanhi lagaukwa mene inom, it ap Yahudi mene ekhe inom, inomen it afuni Yahudi mene nen yi mene ti mene ebene sobalogo nek hilingitaresi'mo andi nen he, wene andi faget hokhorogo palhi lagaukwa.

YOHANES 5:26

Ineluk mondok welagaikharek mene ero an neisena onggwarek eise welagarek andi hak, an amlogo nenggiba fikhemo eisewerek welagi o.

YOHANES 5:27

An nebe abat ta'lasi wagagi andi nen, afuni oak lologo wene inoba figik, kotik, uageluk, neisena nen anat nenggiba fesikhemo welagi.

YOHANES 9:29

Nen, ap Musa faget he, wene Allah nenat yagatikhe, iluk nit ninelu meneat he, ap andi faget enek he, ebe o koma nen waga mene he, nit ninonggoro,” iluk ikhi lagaukwama,

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

KISAH PARA RASUL 2:17

Aren he, mel isikhe: At Allah nen ikhi logolik he, O wurep oba an Nareagun andi, hokhorogoat afuni mondogat inoba pelakfei wesigin o. Pelakfei wagunem he, hinagainafuri alage yenggerugwi inom, en helimenggerugwi inom, iren an nane afuni yagaisigik, hinagoromi alage nen inabikanggo higik, hineisenalak yamanugwi nen inabiba higik, ikhi logogun o.

ROMA 8:17

Nit ninebe Allah againafuri halok he, at Kristus yi enggin ti enggin hasikhe hak, hogoin halok, Allah nen nit Kristus ninomat fogetninabigin andi nen he, Allah nen yi mene ti mene at againafuri wogisageluk abok yagaisasikhe mene andi, at Kristus ninomat wo'nisamo, eise logogun o.

1 KORINTUS 2:7

Wene andi Allah endawimo kagalek wene hinago welagaikhe mene fakhogo yagaisogorek. Wene andi afuni kweangma mene inonggot meneat he, attak Allah nen yi mene ti mene elalhi'lek logolik he, arenat nit fanotninafunem ninendawimo agaiyek asuageluk endawimo anggasikhe mene hinagoat welagaikhe.

1 KORINTUS 8:6

A'nogo meneat he, nit nineisena Allah ebe misigat. Ekhe lek. Yi mene ti mene mondogat aren elalhikhemo re, ninebe at fagerat welago. Andi nen he, ninoe Enupogot Yesus Kristus ebe misigaro. Yi mene ti mene mondogat Allah nen elalhikhe andi, ebe at Yesus nen elalhikhesik, ninebe arenat telninafikhemo nineluk welago.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.

EFESUS 1:10

Wene at endawimo hinago welagaikhe andi ebe re, hobuk hilinglasigin oba hilinglasi lagunem, aren yi mene ti mene pogoroba welagarek mene inom, kweangma welagarek mene inom, mondogat lambukhogo Kristus alegat awe a'ma ninobagagin mene faget abok yaganisasikhe andi aro.

EFESUS 3:9

At Allah yi mene ti mene mondogat elalhikhe mene a'nogo nen anggikhi logolik, ebe yi'nogo hilinglasigin, iluk, wene endawimo hinago welagaikhe mene, afuni mondogat weinamhogo yagaisilik nikhi logouwageluk nayonggo fesikhe andi. Nen, it ap malaikat pogoroba kwe yonggo nikharek mene omanogo inogogwi kaindek inom, inane hologo welagaikharek mene inom, nit Allah againafuri nen he, ”At Allah yi mene ti mene faget endawimo mondok wenggelek,” iluk he, yagaisugunem yogondak ya inelu asuageluk, fagearen wene andi Allah endawimo hinago mondok welagaikhe.

ULANGAN 18:15

We, an nen At ane yagahisigirek andi hak yagahisikhi logouwagaluk, Aren ap ekhe unggulenu nit mene ayonggo fembik hinoba lakfei wesigin o. A'nogo hinoba lakfei waga halok, hiren At ane hologo hilingiti logoino o.

ULANGAN 31:29

An nebe arat wa'lagunem he, it afuni yi inobabut mondok weak asimbik, wene an nen it yagaisigi mene andi, iren he, wene andi nit ninabiro, iluk herakfisogoin andi, an nelu o. A'nogo herakfisikhi logolik, nineisena a'mage lagauwagaluk, wene aren, hilingitup, iluk isikhe mene hilingitunem wene hokho meneat inoba fagain o,” iluk yagaisasikhe.

ULANGAN 4:30

Hit he, yi enggin ti enggin mondogat andi hinoba agunem weak arat halugen, hobuk hinelokhe hebekhogo nineisena Tuhan Allah oba we'luk ane hologo hilingiti logogun o.

IBRANI 1:5

Allah nen at yagati logolik, ”Hat An namlogo o. Hebe yogondak takhafi,” iluk, yagatikhe andi hak, it malaikat mene ekhe wene a'nogo yagaisasikhe nogo? Lego. Nen ekhe re, ”An he, at eisena asigin. Nen, athe, an namlogo asuak,” iluk it malaikat ekhe yagaisasikhe nogo? Legaro.

IBRANI 1:8

Meneat he, amlogo yagati logolik: ”Hat hebe Allah at logolik, yi afuni ti afuni ferinarek mondok logogin. A'nogo logolik, wene higithogo nek pilingisikhi logogin o.

IBRANI 11:3

Allah aneba nen pogot kweang yi mene ti mene mondogat nineilenggen hikhi lago yoma re, niren he, ”Nineilenggen hogorek lek meneba elalhikhemo werek,” iluk, ninendawinggen at oba himbiret fembik futfogoin o.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

IBRANI 3:6

Meneat he, at Yesus enek he, Allah ebe amlogo andi nen he, at eiseweregenat hilingiterek. Nit fanotninabigin wene andi faget ninendawinggen ninghogo oba himbirik mondok logogun halok he, Allah awi wurik andi, nit ninebe aro.

IBRANI 4:14

Nit ninoe kain Allah eisewerek Allah amlogo Yesus pogot pelakha wagik, pogot abel ponggwe Allah were'ma lagasikhesik nit faget werek andi nen he, nit ninendawinggen at oba himbiret fuluk ninane fakhogo ikhi lago mene andi, ninenggi ninghogo fisogo logouwogo.

IBRANI 5:8

A'nogo yagatikhe andi re, at Yesus Allah ebe amlogo meneat he, yi enggin ti enggin hikhi logolik, Allah ane hologo hilingisigin mene faget yanggulhikhe andi.

IBRANI 7:28

Attak wene Allah nen komotninafikhe wene andiba re, ap we elo'lek mene Allah eisewerek menfisikhi lagaukwa meneat he, hobuk Allah nen hombuk palhikhe andiba re, at ebe amlogo nit telninaferek mene wurep kobokhogo menfesikhemo, at eisewerek kain mondok werego.

IBRANI 9:26

Aren he, it attak hilingiti lagaukwa andi hak hilingi'lepma re, kweang elalhikhe huli nen pikhit yogondak huli, enggi hobugalep yi enggin ti enggin hikhi logolik wa'laga logoilep. A'nogo meneat he, o wurep oba nit weak hilingitorek mene legetfisageluk enggi misigam fagerat wam Allah faget waresu hak, onggwarek ebe wa'lasi wagaikhe andi.

1 PETRUS 1:20

Kristus, Allah nen kweang pogot oan elalhi'lek logolik, endawimo nen anggaluk ayonggo fesikhesik welagaikhesigen, ebe yogondak o wurep oba hit faget weinamhogo lakfei wagaikhemo hinebe telhinafikhe andi.

2 PETRUS 3:3

Wene ebe yi tak futfogoin. O wurep oba re, afuni ekhe inane asegen weak mene inendawinggen en nunggunem inendawimo nen kagalogo weak hilingiti logolik, hinoba wesimbik, inane asegen wokhisikhi logolik he,

YUDAS 1:18

Iren he, wene mel iluk yagahisasukwa andi: ”O wurep kobokhogo logolik he, it afuni ekhe Allah ebe inabit logolik inendawimo nen, yi mene ti mene inendawinggen en nunggunem, namolo, iluk andi meneat weak mondok hilingiti logolik, inane asegen wokhisa wesugun o,” iluk yagahisasukwa andi.