IBRANI 1:11 - Allah Wene Fano Wene Hupla Inane

¹¹ Mondogat elalhigin mene andi, su hangge mining asimbik hobuk legasigin meneat he, hat enek he, hetok mondok logogin o.

IBRANI 1:11 ပူးပေါင်းရင်းမြစ်များ

MAZMUR 10:16

At Tuhan ebe Raja lego mene logolik ninhup nanhup melalinafu mondok were'ma re, it inunggulenu ekhe mene-ekhe mene At ebe inonggot mene omanogo re it inanggweang oba andoma nen inebe mondogat leget fisagain o.

MAZMUR 102:26

o attak he Haren kweang tik warogo fesigin, nen pogot he Hat henggi nenat talogo fesigin.

MAZMUR 29:10

I fu lagarek mene ogore At Tuhan a'ma nek werek, At ebere Raja mondok-mondok faget lego mene logolik mendek werek.

MAZMUR 90:2

Haren o tom-tom inom kweang inom, yi mene ti mene kweangma welagarek mene inom, oan elalhi'lek logolik andoma re, Hat hebe hero weinam agu aple inom, herembulmo wa'lagu aple inom he legengge welagagin.

YESAYA 34:4

Mo, tugi, hesagalenggen, mondogat he wolelenggenhogo legasigin. Pogot he suesingga yinggilharek hakhogo yinggil isagain, hesagalenggen he e engga sawet a'luk lolhigik pikherek hak pi wesigin.

YESAYA 41:4

Mondogat andoma re, sa nen hilingiterek nogo? Ap sa nen eroma nen hilinglarik wagaikhe mene andoma faget penogo fikherek nogo? An he Tuhan, Attak mene re Anat, netok mondok werek kwelek enek o wurep kobokhogo andoma ogore Anat logogin.

YESAYA 44:6

Tuhan Omame Mondok Hokho mene, Raja Israel mene inagap telogo ferinarek welagarek mene a'nogo nen ikhe mene re yi: ”An hineisena Allah re nami-namuat welagi o, eroma nen pikhit erumbul oba we An namuat welagi.

YESAYA 50:9

Ibi-eberogo nen he Tuhan Lego Mondok welagarek mene a'nogo nen an nebikhit ari'logo, ma re ap sa nen ambong serogo an noba weak hilingiti lagen iluk yaganesigin nogo? Afuni an noba to'mot hagarek mene omanogo inebe mondogat he su misik masik enek engge eluk elugengge nen palogo leget fikherek andi hak inebe legasugun o.

YESAYA 51:6

Pogot liakhaluk he kweangma hineilenggen lourogo pelakhani, Pogot he so'le higit mondogat legasigin, nen kweang he su tiliphogo lagarek hak legasigin, afuni elonggoma logogun mene mondogat he kolum wa'lagarek andi hak wa'lasugun. Oba nen he An nen woghisagain mene andi re hinagap telek mondok-mondok logogin mene, nen An nomame asigin mene andi re lek asigin lek mene wokhisagain o.

YESAYA 51:8

It mondogat he su eluk- elugengge nen palherek andi hak, kain domba esi mene pel-pel en palhunem hangge mondogat legasugun o. Oba nen he, inagap telhu mene An nen wogisagain mene andi re mondok-mondok logogin, nen An nen inalonget fisagain mene andi re hinerembul oba andoma mondok-mondogat logogin o,” iluk ikhe.

YESAYA 65:17

Tuhan nen ikhi logolik, ”An nen he pogot ket mene inom, kweang ket mene inom elalogo fagain o. O attak aga lagaikhe mene andoma re mondogat inonggot asumo re hobuk ekhe ebet hogoin lek.

MATIUS 24:35

Pogot inom, kweang inom, legasigin meneat he, an nane andi legasigin mondok lego,” iluk yagaisasikhe.

MARKUS 13:31

Pogot inom kweang inom mondogat legasigin meneat he, an nane andi legasigin lego mondogat logogin,” iluk yagaisasikhe.

LUKAS 21:33

Pogot inom, kweang inom, legasigin meneat he, an nane andi legasigin lego, etok mondok logogin” iluk yagaisasikhe.

IBRANI 12:27

A'nogo, ”Misigam faget abologet hagain,” iluk isikhe andi re, abolok ugun lek ningsek mene logouwageluk herakfembik he, kweang, pogot aren elalhikhe mene mondogat abologet hageluk isikhe andi.

IBRANI 8:13

Aren, ”Wene ket mene warogo woginabigin,” iluk isikhe andi re, wene fageat mene legetfeigeluk isikhe. Yi mene ti mene fageat mene eil weak agunem weak-weak herakfisagarek andi hak, wene attak mene legetfeigeluk isikhe andi.

WAHYU 1:11

”Hat heilenggen hagain mene andi, lisu palino o. Palogo re, it Allah againafuri 7 gereja nen andogotarek mene, o enu Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba lakfeino o,” iluk yaganete.

WAHYU 2:8

A'nogo yaganetesik, hobuk yaganeti logolik, ”An he, eroba nen pikhit erembul oba mondok logogin mene a'nogo arat wa'lagagisigen hobuk neluk agagisik welagirek mene a'nogo nen, wene yi yagahesik: At Allah nen malaikat ayonggo fesikhesik lakfei wesu hak, at againafuri o Smirna andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yagahesik:

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

WAHYU 21:1

A'nogo higiri'mo nen ombo'ne re, Allah nen pogot inom kweang inom attak mene legetfigik, i laut yenggelek legetfigik, ikhesik obali'mo re pogot inom kweang inom ket mene hilingisogo fikhemo were'ma higi.