A'nogo hilinglagaikhe andem sambul he, ap ekhe Allah ane yagaisikhi lagaikhe mene enu Elia, aiba Gilead mene, o kota enu Tisbe andi welagaikhe. Logolik, inenggi ekhe sambul he, at Elia andi ap raja Ahab oba lagaikhesik mel yagatikhe: ”Nit afuni Israel mene nineisena Tuhan Allah eluk mondok welagarek mene, an nen At obaget hilingitirek mene a'nogo oak. Hobuk tahun pire hea? henagan hea, logogun andem oba re, lilengge engga bene ekhe welagik, o meiso endebat halok ekhe ninggik, igin mondok lego. We, an nen lilengge hea, moiso hea, wesuak igin halok enek he, wesigin o,” iluk yagatikhe.
HOSEA 9:8 - Allah Wene Fano Wene Hupla Inane8 An he, nebe nabi logolik hit Tuhan againafuri hineluet hinobagakhi logouwageluk Allah nen la'nobagai wagaikhe, oba nen an o ekhema-ekhema laga lagikwe omanogo re, sue faget hakhogo an nobaget hele webet nobagakhi lagep. O kweang Allah onggwarek anggweangma a'nogoba nen afuni nit nabi ninap omanogo eil ninabi'lagwi. အခန်းကိုကြည့်ပါ။ |
HOSEA 9:8
42 ပူးပေါင်းရင်းမြစ်များ
Yogondak afuni Israel mene inebe mondogat, an ninom ambi asugun engge re, tom Karmel oba lagauwagen yagaisano o. Lagakhi logolik, ap tugwi kembu Baal ane yagaisagarek mene inebe 450 nen andi inom, nen ap, ninagaisa Asyera andiat, iluk ane yagaisagarek mene inebe 400 nen andi inom, inenggi onggo at he Izebel en wogisikherek mene andi, woginarek lagaino o,” iluk yagatikhe.
A'nogo yagaisikhi logolik, ap it mene ekhe enu Zedekia ap Kenaana amlogo andi nen he, posiemanggen mene wam sapi andimuk ungguloa'ma wulibik mene hangge hilingisogo fesikhesik he, Ahab mel yagatikhe: ”Nineisena Tuhan nen he, mel ikhe: Wam aik yi hak meneba re, haren afuni Siria mene inoasimbik, inebe mondok legetfisagain o, iluk ikhe,” iluk yagatikhe.
A'nogo ugunem, Tuhan nen heinok wokhikhi logolik he, ninggi'nogo hilingiti logoligen, endawimo kagaligin, iluk heinok wokhikhemo, munggwarengge a'nogo nen he, ap nabi-nabi Hat hane yagaisagarek mene andoma nen, ap Ahab wene ineranen wene yagasuagaluk an nebe nenat inendawimo kagali lagain o, iluk yagatemo, Aren he, fano mondok. Haren a'nogoat hilinginabimbik, ap Ahab endawimo kagalhunem ebe asiginmo re, lan o, iluk yagati laga o,” iluk yagatikhe.
A'nogo yagaisasikhemo, at Mikha nen he, mel yagatikhe: ”Hat noe hebe hambotkwe selek fano wagen halok he, wene an nen yagaheti mene andi re, Tuhan nen yaganete mene re fuk. We, an nendawimo kagalogo yagahetimo iluk enegat asigin o,” iluk yagatikhesik, hobuk afe hebekhogo afuni era'lukwe mendek welagaukwa mene omanogo inoba yagaisikhi logolik he, ”Hit mondogat hinesanggo holek werek kwelek wene yagati andi, hineluat logoino o,” iluk yagaisasikhe.
A'nogo yagatikhemo, at Ahab en he, ap Allah ane yagaisikhi lagaukwa mene inebe 400 hangge andogorogo fisasikhesik he, mel yagaisasikhe: ”An nen o Ramot sebeligen he, elok inoasi lagain anggikhi lageba? Elo'lega,” iluk heinok wogisasikhe. A'nogo yagaisasikhemo, iren he, ”Elogo. Nineisena Tuhan nen afuni o kota andoma mene inebe henggiba fagain werego,” iluk yagatukwa.
Andi nen he, inenggi ekhe sambul ap Israel mene ekhe nen, ap ekhe wa'lagaikhe mene ebe warek kweangma salhu aple inobakhe palagaikhemo were'ma, ap o Moab mene weim yabuogeluk wagunem yerisasukwasik he, ap warek a'nogo at Elisa ebe warek salhukwaba andoma, we hesanggema wugisaluk heise hela wagaukwa. A'nogo hela wagaukwama, ap warek a'nogo at Elisa oak omanogoba senhasikhemo re, ebe eluk agaikhesik, menlagaikhe.
Andiba re Elisa nen yagaisikhi logolik, ”Tepung endebengge ekhe wanini o! Wanimbik he belanga elema pelakfeni,” iluk yagaisasikhe. A'nogo yagaisasikhesik hobuk ikhi logolik he, ”Nunggu mene isago andi nekhengge sumburisani o,” iluk yagaisasikhemo sumburisugunem en he, attak aleweak welagaikhe a'nogo lek welagaikhe.
Oba nen he, at amingmingengge a'nogo nen ikhi logolik he, ”Ap inebe 100 mene arem inom higit asu lek hak,” iluk yagatikhe. Andi isikhemo Elisa nen onggo ikhi logolik he, ”Tuhan nen ikhi logolik, it inebe nogoin oba nen ando tindelogo fogoin aro iluk isikhe hilingi'mo re it inoba sumburisan o,” iluk yagatikhe.
Hat a'nogo wanhen andi nen, ap Naaman ebene oumo henanggo inailo mene welaga mene andi hat helegen aro. A'nogo helegendi'mo re, afuni haren tagongge mene hombalak ta'larik laga logogun mene henanggo andi inoba mondok logogin o,” iluk yagatikhemo, at Gehasi enda'ma wulibi wagu kwelek aremnogoat, oumo henanggo inailo mene a'nogo oba agaikhesik, agap mondok kut agaikhe.
A'nogo yagatikhemo, ap raja onggwarek agot lebethikhi lagaikhe mene nen he, ”A'nogo elok hilinglasigin nogo? Mondok elo'lego. O yogondak yiba Tuhan pogoroba nen meiso hokho mene kwe hurogo pelabi wesumo mene ogore, a'nogo hilinglasigin mondok lego,” iluk yagatikhe. A'nogo yagatikhe meneat he, at Elisa nen he, ”Wene andi eberogoat hilinglagunem, hat heilenggen tomok hagain aro. A'nogo hagain meneat he, gandum enggen andi endebengge halok ogo haren ekhe enduk mikhagain mondok lego,” iluk yagatikhe.
An he domba ebe watarek oba nen wasuogeluk waluk lagunem endawi menenei agi'lek lagarek a'nogo higit welagi. Iren hilingisugun mene iluk wene palogo fagarek mene andi re an nobaget ugu kwelek meneat he an nobakhe palegat welagi. Iren ikhi logolik, ”Niren e ari enggen oan itu kwelek aremat musuogen he we'ni o. Niren leget fogoin halok he afuni nen at enu ekhe ebethikhi logogun lego,” iluk ikhi lagaikha.
A'nogo ikhemo an nen ikhi logolik, ”Tuhan neisena, Hat hebe lego welagen mene, Haren wene wati logolik o kweang yiba re mondok fano liokhogo inendawi serogo nek logogun o, iluk isigin andiba, it ap nabi nen afuni yagaisikhi logolik ou inom weim abok inom logogin lego, iluk yagaisikhi lagaukwa mene andi re Hat he helu welagen o,” iluk yagatigi.
A'nogo agama re Tuhan nen yi sambul ti sambul he enegenggerogo iluk trompet ane hokho mene anethugunem he, Andi re inebe wagaikhama iluk inafe hebelaga logouwagaluk ap kagalek logogun mene menfisugu mondok welagaikhe meneat he, iren he, ”Nit he pinggong ane andi ninesanggo holek logou re, ninabiro,” iluk ikhi lagaukwa.
It ap nabi nen hat yagaheti lagaukwa mene omanogo re, we ineranhogo wene inom lalogo wene inom enek yagaheti lagaukwa. Iren he hat haweak werek mene a'nogo weinamet fikhi lagaukwa lek, andiba re hat hobabut agaum eti lagagin lek andi o. Hebekhogore iren hat hoba yagaheti logolik inane nen lalek wene inom hendawinggen wanhu mene inom enek yagaheti lagaikha.
Tuhan nen ikhi logolik, ”Hit ap an eisewerek welagep mene yi inom, hit afuni Israel mene mondogat inom, hit afuni ap inenupogoren tagomangge mene yi inom, hinesanggo fanorogo holini o, hiren he it ekhe wene inoba figik, kotik, higithogo u werek kwelegat he, o Mizpa nen paik ke'noguageluk hele figik, o tom Tabor oba nen ikan kwalasuageluk su webet figik, o Sitim kweang uanhogo habuli'mo puageluk fougetik, egepma werek andi hak, it ekhe weak asuageluk hilingiti lagep andi nen he, An nen wene hit mondogat hinoba fagain o.
Unggum helogoin oba arat horogasi waga, iren hilingiri'lagwi mene andoma ambisangma helogoin oba faget arat horogasi waga. Israel mene andoma re, ambisangma hogoin mene werek! Hiren ikhi logolik, ”Nabi yi re munggwarengge endawimo kwikhesik! At ebe mondok wenenebo mene!” iluk ikhi lagep. Hiren a'nogo ikhi lagep andi re hit hinaweak hokhore'ma re, an noba hinabit logolik ikhi lagebo.
Ap it inanggele'ma andoma mene ekhe mondok fanorogo hilingiterek mene welagik, nen ekhe mondok higithogo hilingiterek mene welagik, agarek oba nen ogore, e alok weak mene andoma hak enek hilingik. A'nogo hilingitunem At Allah nen amingmingengge nabi bene nen afuni inelurogo yagaisoageluk yagaisikhi lagaikhe mene omanogo higithogo Allah nen At againafuri mene inoba wene fagain mene a'nogo arat horogasi waga. Nen, yogondak he it inebe inanggelekwe andoma mondogat nonghong ikhe.
Mene re, hat ekhe nen ikhi logolik he: ”An nane nen pelalogo igirek oba, Allah ane eberogoat, iluk, enegat mondok ari'logo andi. A'nogo enegat agunem he, it afuni ekhe nen Allah ebe fogerari'lagwi andi. Halok he, an nobabut palogo re, at Allah nen, At weak hilingiri'logo, iluk wene nenahalok noba fagain,” iluk elok ugun nogo?
Hobuk Allah nen he, hit hinogogwi mel yagaisagain: It inendawinggen faget ninggi'nogo hilingiti lagepsik, iluk yagaisugunem, it inendawimo nen he, ”Nit ninoba lombogat onggo yagasugun higi,” iluk, fanorogo kwelakhinarek mondok welagaikharek andi nen he, it inawe a'ma soma iluk inane hologo hilingiti logoino o. A'nogo hilingiti logogun halok he, it inendawimo inagaiyekhogo, hit faget hilingiti logogun andi. Meneat he, hiren it inane hologo hilingiti logogun lek halok he, it inendawimo weak logolik, hit faget we tulemat hilingiti logogun o.
ကြော်ငြာတွေ