An nen hit nagainafuri Israel mene o wokhisasigiba yoma nen mugisogo wulakhinobagambik he, o An faget hilingitu mondok logogun oba nawi wurogo nobagegen mene yi, nebe welagi'lek herakfisaluk wulibigin o. A'nogo herakhinobagaumo re, afuni ekhe o yi awi ti awi nen hit Israel mene inendawimo seramet hinobagaluk, endo yakhinafi logogun o.
HOSEA 9:3 - Allah Wene Fano Wene Hupla Inane3 Yago, hit afuni Israel mene re kweang hineisena Tuhan nen wokhisasikheba andoma femhogo logogun lek. Hit mene fena re nekhengge sugulogo o Mesir logoin, nen fena re o Asyur oba andoma nen nunggunggere saliogengge mene omanogo ninggi logogun. အခန်းကိုကြည့်ပါ။ |
HOSEA 9:3
24 ပူးပေါင်းရင်းမြစ်များ
at Hosea re afuni melalinafu 9 tahun werek kwelek at Salmaneser en o Samaria sebeli wagaikhe. A'nogo sebeli wagaikhesik afuni Israel mene hele warek welagaukwa mene omanogo woginarek he o Asyur lagaikhe. Nen, woginarek lagaikhesik it omanogo fenakwe re o kota Halah ba andoma fisasikhe, nen fenakwe re o wilayah Gozan oba nen i Habor horokhogo andoma fisasikhe, nen, fena fikhit he o Medai kweang oba kota-kota andoma fisilik lagaikhe.
Inenu a'nogo salinafikhemo were'ma, Allah nen he, ap Aspenas a'nogo nen at Daniel ebe endawirasimbik endawi hundik hilingiti logouwageluk hilingisogo fesikhe. A'nogo hilingisogo fesikhemo were'ma, at Daniel endawimo nen he, ”An nen raja aiba mene amburu inom, agai anggur amusu ninggerek mene inom nunggunem, nebe weaget fakhigi hanogo,” iluk endawimo anggasikhesik he, ap enupogot agoromi inoe a'nogoba yagati logolik, an namburu inom, nagai inom nunggu mene re we amu mene wo'neti logogun o,” iluk yagatikhe.
It he hundik-handik dewa inomame werek lek mene omanogo faget mu'luk lili'lagwi. It faget he werek angga lek hak, it inebere sikhe enggela sapulangsek mene hangge werek. It inogogwi kaindegen he inane wonoget fakhikhi logolik agarek andiba re, it inebe weim ambisangma nen inoasumo wa'lasugun. Nen, it afuni Mesir mene nen endo yaginafi logogun,” iluk ikhe.
Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.
Enggin mene hinoba asi wagunem, nen hit hinebe wokhinarek o ekhema hinobagai lagunem, it fena hit hinanggele'kwe werek mene andoma re afuni Mesir mene nen inoa'luk he inebe warek o Memfis andoma salinafi logogun. Engga inom alok-alogengge inomen he, hit hinaiba wurik logogin kwe andoma inom, hinangge onggo hokho mene perak andoma inom, sebelogo fagain.
Tuhan nen ikhi logolik, hat hagwe re yanani hilingirik nugu mene hilinglasimbik, o kota kwe andoma yugunat hilingirik nikhi logogin. Nen, hat hagainafuri re inebe weim oba nen enek inoasugun. Hat hanggweang he ap amu mene inoba sumburisogoin, nen hat hebe re o kweang afuni Tuhan inonggot mene were'ma andoma nen wa'lasigin o. It Israel mene re inawi eroma nen yatma andoma woginapluk lakfisa logoin o,” iluk wenagetikhe.
At hineisena Tuhan nen agaiyek oba hit hinangge yi mene ti mene werek enek logouwageluk wokhisigik, hinebe ekhe inom hokhot hinobagagik hilingiterek hak, Arenat agaiyek oba hit hinebe hinoatik, leget hinobagagik igin. O kweang horok yogondak ya kwilambik logogun oba andi nen henogo wulak hinobagagin.
At hineisena Tuhan nen hit O Mesir en wokhinarek wulibi wagaikhesik, Aren ikhi logolik, o andoma nekhengge sugulogo kapal oba lakhinobagagin o. Andoma re, hit hinonggwaregen hinomamerogo afuni inamingmingengge logogun nen ninebe onggo paloageluk it hinaselei mene inoba onggo huniti logogun oba nen he, ap misigen iluk ogo ekhe onggo palu re elo'lek hilingik logogin o,” iluk yagaisasikhe.
ကြော်ငြာတွေ