HOSEA 9:11 - Allah Wene Fano Wene Hupla Inane

¹¹ Israel mene inalong welagaikharek mene andi re, sue tarogo longgo i lagarek hak legasigin, iren inomalik ina'ma agik, inagainafuri taginafik, ikhi logogun mondok lek.

HOSEA 9:11 ပူးပေါင်းရင်းမြစ်များ

KEJADIAN 41:52

A'nogo salhikhesik, ekhe mel isikheat: ”Allah nen he, an nebe weak were'ma nagainafuri ya wo'nete,” iluk isikhesik amlogo hobuk mene andi enu re, ”Efraim,” iluk salhikhe.

KEJADIAN 49:22

Nen, hat Yusuf hobabut he, wam keledai eak mene hangge o. Keledai eil poloksek mene i elesi, wulibi wagare'ma welagarek mene hangge. Logolik, humusek tom a'makwe Lagerek mene hangge welagen o.

2 SAMUEL 6:23

Nen he Mikhal hun Saul a'logo andi re at eluk welagaikhe huli andoma re omalik ekhe taginafi'lek mondok welagaikhe.

AYUB 18:5

Wene ebe weinamhogo re, ”Ap kwanirogo hilingiri'lagwi mene andi inaesage re ombak-bak eti'lek welagik, nen inagandou amulok he ibilagi'lek welagik, ikhi logogin.

MAZMUR 58:8

It inebe re i age wuliferesik palogo lek agarek a'nogo hak hilinglagik, togengge ambisang sugulherek a'nogo hak hilinglagik, uago.

PENGKHOTBAH 6:3

Ap ekhe againafuri inebe seratus nen taginafe mene ebe eluk uanhogo logolik umur uanat welaga meneba nen ogore, at endawimo agaiyekhogo welagi'lek, nen at ebe ogo afuni salinafarek oba fanoma omanogo salhi'lek hesanggema salfisugunem he, an nen anggikhi logolik he omalik inamep laga la'luk waregengge taginafarek andi re eil misik fanoba nen, ap eluk a'nogo werek andi nek he mondok weak anggigi.

YESAYA 17:3

Israel he at along palogo fakhugu mene a'nogo longgo igin nen Damsyk he omame logogin mene a'nogo legasigin. It ap Siria mene alinlan logogun mene re it afuni Israel mene welagaukwa hakhogo li'norinafu kwelek logogun. An Tuhan Nomame Mondok Hokho mene a'nogo nen mondogat igi o,” isikhe.

HOSEA 10:5

Afuni o kota Samaria werek mene re inailo asugun; nen it inebe inom, imam omanogo inom o Betel oba andoma nen sapi emas mene obaget hilingiri'lagwi mene andoma re, iren kembu elokhe pugun-bagansek mene a'nogo mondogat legarik wagu nen he inendawi heiselhi logolik le asugun.

HOSEA 4:7

Hit hinebe hokhorogo sik-pik ikhi logolik, An nelokhoma weak hokhorogoat hilingirik laga lagep. Yago, hit imam hinap yoma sani! Ariginhi lagep andiba re, hit hinebe hilingik welagep mene andi re An nen agamesigin. Hit he legeisogo hinobagakhi logogun lek oba nen weaget hinobagakhi logogun.

HOSEA 5:9

Hit afuni Israel mene yi sani, hinesanggo fanorogo holini o, wene hinoba fou higit obaat hinawi wei igin andi nen he alomat lasugun o,” iluk igi andi eberogoat hilinglasigin aro.

HOSEA 9:14

It ap andoma faget he an nen Hat hoba nenamene kino yagaheti ha? Hemi it mene andoma re abili mene hilingfisan o! Nen, it inagainafuri andoma eilak huninafi'legengge herakfisoageluk hilinginabin, neisena.

AMOS 1:13

Tuhan nen ikhi logolik he, ”It afuni inunggulenu Amon mene re hundik-handik weagenek hilingitu weregen he, eberogoat An nen wene inoba fagain o. Iren it inaiba wilayah omanogo hokhorogo wialasuageluk hilingiti logolik, iren hemi o Gilead hemi ineagwi ina'ma mene inalabut pelanghigik inoata andi.

LUKAS 23:29

Hobuk weak asigin werek. Andi sambul he, it afuni nen ikhi logolik: Hemi abili mene, ineagwi taginafi'lek mene, ineilak unggul yenggerugwi inambe aben lek mene, andi nek he, inendawimo inagaiyek hogoin hangge o, ugun.

ULANGAN 28:18

Hit hinebe homan hinoba were'ma re, hinomalik inebe endebengge taginafik, hineabukwe enggen endebat itik, hinanggo sapi, domba inom we endebengge nek hilingik logogin.

ULANGAN 33:17

Yusuf he, wam sapi ai mene omame hokho mene hangge asuak. Wam sapi ai mene enggama mene andimuk ungguloa'ma werek andi hangge ap Manasye mene esa re, mondok hokhorogo ribuan hilinglasuak. Nen, ap Efraim mene esa re, mondok hokhorogoat puluhan ribu hilinglasuak. Wam sapi ai mene andimuk ungguloa'ma taunghogo inoaterek andi hak, at Yusuf en tagomangge mene ap esa hokhorogo andi nen, afuni ekhe inunggulenu hokhorogoat mene warogo o yi awi ti awi huli pogot ero-ero a'lima lakfisikhi logouwago,” iluk yagatikhe.