HOSEA 8:6 - Allah Wene Fano Wene Hupla Inane

⁶ Sapi emas iren fogeratarek mene andi re it Israel inap elalhu inelu mene nen elalek engge! Andi re ebe Allah re lek enggere mondok wolelenggen isogoin halok fano!

HOSEA 8:6 ပူးပေါင်းရင်းမြစ်များ

2 RAJA-RAJA 23:15

A'nogo fesikhesik, endamat ap Nebat amlogo Yerobeam afuni Israel mene inoe raja logolik, it weak hilingiti logouwageluk, tugwi kembu fogerati logogun kwe inom, yi mene ti mene noleti logogun kwe inom, o Betel wutikhe mene andoma were'ma, at Yosia nen meisalogo nolhikhesik, endu nasikhe mene al sagalogo wulhangge hilingisogo figik, tugwi kembu, he Asyera alik hilingisogo e hangge menogo were'ma fogerati lagaukwa mene meisalogo nolhik, isikhe.

2 RAJA-RAJA 23:19

At raja Yosia nen, afuni Israel mene inogogwi raja-raja attak mene nen tugwi kembu faget fogerati logogun kwe obuluk afuni Israel mene inawi kota ekhema-ekhema mondogat wurik lagaukwama, Tuhan a'mage het perikhi lagaikhe mene andi mondogat meisa'lambukhogo lakfisilik lagaikhe. Aren he, o Betel andoma wam yi mene ti mene tugwi kembu faget noleti lagaukwa kwe obuluk meisa'lambukhogo lakfisasikhe andi hak, afuni Israel mene werekwe mondogat a'nogo nek hilingirik lagaikhe.

2 TAWARIKH 13:8

Hit hinebe esa hokho ari nen hit hinanggo sapi emas mene kembu dewa iluk at Yerobeam en wuthisikhe mene andiet werek andi nen he, Tuhan nen at Daud ambisangma meneba inomame werek inap logouwageluk wokhisikhe mene ari sagalogo fogoin iluk hilingiti lageba?

2 TAWARIKH 31:1

Seni Paskah isasuogeluk kabogetukwa mene a'nogo mondogat hilingfuluk he, it afuni a'nogo inebe abirengge o it afuni Yehuda mene werek kwe kota omanogo lagaukwasik he aben kembu agut ilirenggerogo menogo fesukwa mene omanogo halik halokhogo figik, kembu he mene Dewi Asyera ilirengge elalek welagaikhe a'nogo tukhumhogo lakfisigik, wam kembu faget warogo nolhuba mezbah omanogo wolelenggen isigik, kembu apne wanhukwe omanogo mondok molulukhogo lakfisigik, hilingitukwa. Andi higithogo at he o alek kwe it afuni Yehuda mene werekwe inom, nen wilayah it Benyamin mene werekwe omanogo inom, Efraim, Manasye werekwe inom, a'nogo nek hilingirik lagaukwasik he, it inebe inawi lombok lagaukwa.

YEREMIA 10:14

A'nogo hilingiterek mene andoma haluk he afuni nen wenggelhikhi logolik, an he kemburek welagi nen wenggelhu mene ogo werek lek iluk futfou hago. Ap emas elalhu inelu mene re, iren alik waganogo elalharek mene andi re eluk mene re fuk, andi re we ineranhogo hilingitarek hilingi'more, it inelokhe mondogat legasugun.

YEREMIA 48:13

Afuni Israel mene nen Betel oba inendawinggen himbirik welagaukwa mene a'nogo faget inendawimo weak agaikhe hak, Moab he it mene Dewa Kamos andi faget inendawinggen weak asigin.

YEREMIA 50:2

”Enek engge porogo hilingfuluk he yi afuni ti afuni inunggulenu lombok faget wene menfikhi logolik Babel he sebelaga o ino! Wene andi re sebelogo fou fuk! It inanggembu Dewa Merodakh a'nogore mondogat wolelenggen ete, nen alik waganek mene hemi inom ap inom inalfulukwa kogouk hilingik mene omanogo re eraphogo yinhun ikhe, nen kembu aren mene mondogat inenggalirogo hilingik mene omanogo re wolelenggenhogo lek aga o, iluk yagaisano.

HOSEA 10:2

Yogondak he afuni henarogo hilingiri'lagwi mene andoma it inaweak onggo ambisangma hogoin. Allah nen he iren mezbah wuta mene andoma wolelenggenhogo lakfisambik iren tugwi kembu fogerari'lagwi kwe andoma meisalogo lakfisagain.

HOSEA 13:2

O yogondak ogore, afuni Efrayim mene andi re, Allah ane sagalogo weak hilingituat werek. Iren he, tugwi kembu afuni inendawimo nen wenggelfuluk perak mene agauwak hilingisogo inenggiba wuri'lagwi. A'nogo wutfuluk iren ikhi logolik he: ”Wam, yi mene ti mene tugwi kembu yoma faget warogo nole'ni o,” iluk ugunem, afuni nen he sapi eak alik waganek meneba hai inambe saluk watarek andi re higit nogo a!

HOSEA 14:3

Andi nen he, hinebe hinambotkwe Tuhan oba we'luk he, wam, yi mene ti mene At obaget fisa hak, samban yi'nogo ikhi logoino: ”Tuhan neisena, nit hat hane sagalogo fogosik weak hilingiti lago mene yi sagalogo legetfisanogen iluk, yagaheti lago mene yi ninane hesanggo holin o. Ninane holhen halok, niren wene wathetugu higithogoat fogethafi logogun o.

MIKHA 1:7

A'nogo hilingfembik, inandugwi kembu onggo hokho mene weaget fisigik, nen hemi tugwi kembu awi wuri'mo obaget hilingitunem, yi mene ti mene ebe lombok wogisagarek mene andoma mondogat endu nolfisigik, tugwi kembu afuni inalik hilingik mene andi mondogat legetfisigik, igin o. Nen inangge yi mene ti mene tugwi kembu obaget hilingitunem inenggimo mene fano agarek iluk werek mene omanogo, yogondak he mondogat it inaselei mene nen felelenghogo helaluk laluk he it mene inandugwi kembu omanogo obaget hai warogo iluk hilingiti logogun o,” iluk ikhe.

HABAKUK 2:18

Hineranen e mene pugunhogo agauwak hilingisogo fuluk, ”Nineisena, ebe yi aro” iluk ikhi lagep andi nenahalok? We, tulemaro. Andi mene nen ebe wene yagahisikherek nogo? Lalhinaferek mene o. Ane mondok lek meneat he, hiren ebe pugunhogo afe halogo hilingfuluk tulemat oba himbirik welagep andi.

KISAH PARA RASUL 17:29

Nit a'nogo at againafuri welago halok he, at ebe hangge nit afuni nen ninendawimo anggaluk, ninenggi nen tugwi kembu emas mene, perak mene, helep mene, hilingisogo wusugun lek higi, iluk futfogoin o.

KISAH PARA RASUL 19:26

Mene re, yogondak at Paulus andi hilingiri'logo mene, hineilenggen tomok higik, hinesanggo holhik, ikhi lagep. Aren he, afuni inenggi nen su kembu hilingitarek andi re, ebe walhasikhe mene lego, iluk yagaisugunem, afuni hokhorogoaren, wene andi eberogoat, iluk wanha andi, horok o kota Efesus yoma mene nek fuk. O propinsi Asia mondogat hangge wanhama aro.