HOSEA 8:13 - Allah Wene Fano Wene Hupla Inane

¹³ Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

HOSEA 8:13 ပူးပေါင်းရင်းမြစ်များ

KELUARAN 20:3

Hiren hineisena allah hunogoat mene ekhe fogerati'lek, An namunek foge'nafi logoino.

KELUARAN 32:34

It andi o An nen yagahetiba omanogo woginarek lanogen he, pin o. An nagot malaikat mene nen wokhinarek lagain o. A'nogo meneat he, it afuni weak hilingita mene andi unggum inoba fagain weregaro,” iluk yagatikhe.

AMSAL 21:27

Tuhan he afuni weak hilingitarek mene nen At obaget fagarek mene andi re apsiri inoba fikherek, ap andi endawimo nen weagasuak anggikhi logolik hilingisigin halok andi re ebenagaik.

YESAYA 1:11

Tuhan nen ikhi logolik, ”Hiren wam yi mene ti mene kabokhogo fuluk wo'neti lagep mene andoma re nagaiyek hambik wanigin iluga? Hiren domba warogo nolneti lagep mene inom, sapi eak asei nobagakhi lagep mene inom, sapi ai mene inom domba inom, kambing inom amep nobagakhi lagep mene andoma re An he nabiro.

YEREMIA 14:10

It inunggulenu andi faget Tuhan nen ikhi logolik, ”An he ap An noba nen heise longgo agarek mene inom, inonggwaregen inebe halfakhagarek lek mene andoma inom inoba re nabit welagi o. An nen it inaweak nonggorasigin lek, nen iren weak hilingiri'lagwi andiba re An nen unggum wogisagain o,” ikhe.

YEREMIA 6:20

Iren kemenyan amben fanongge a'nogo o Syeba nen inom, nen yi mene ti mene enduk fano mene ekhe o yatma nen inom, An faget waluk weri'lagwi andi nenahalok nogo? Andoma re tulem aro. Iren yi mene ti mene An nobaget nobagali'lagwi mene andoma re, An nen wanhi lagi mondok lek. Wam warogo nolneri'lagwi mene andoma ogore, An noba liok ili'lago legat.

YEHEZKIEL 29:16

Israel mene nen he hiren lebetninapni iluk ekhe yagahisogoin lek. Hit Mesir mene yi sani, hit hinoba ambisangma hilinglasugun mene andi re Israel mene nen hit hinoba himbirik logolik hilingiti lagaukwa mene andi re nonghonghogo, iluk iren hilingitukwa mene andi faget eberisikhi logogun o. Andiba re An Tuhan Lego Mondok welagirek mene a'nogo it Israel mene nen inelu asugun,” ikhe.

HOSEA 11:5

it afuni Israel mene andi inobabut hebela'luk inambotkwe an noba wesu re, inabit mondok welagaikharek. Andi nen he, it hobuk inambotkwe o Mesir loago. A'nogo lamo, it afuni Asyur mene inoe raja nen ferinarek logogin o.

HOSEA 12:11

An nen it nabi-nabi ninom nane mondogat igi, inabikanggo hagarek hakhogo wene hokhorogo wogisigik, nen it inebene nen An nen hit An nagainafuri hinobaget wene kagalogo welagi mene omanogo mondogat yagaisigik, isigi.

HOSEA 4:9

Ma re, afuni inoba enggin-fenggin hili'lagwi andem higit he hirogo a'nogoat hogoin o! Nen hiren hilingiti lagep andem higithogo re An nen unggum hinoba wokhisagain aro.

HOSEA 5:6

Iren he ineisena Tuhan ebe herasugun iluk wam, domba inom, sapi inom, At faget warogo noleri'lagwi meneat he, Aren it inebe herakfisasikhe andi nen he, hinom ambi asugun lek, andoma mondogat he alomarogo hilingiri'lagwi.

HOSEA 6:6

Hiren wam, yi mene ti mene An nobaget warogo nolneti lagep andi nabit hangge. Oba nen he, An nebe tukhumhogo hinelu agik, hinendawinggen hundik mondok welagik, ikhi logogun andi nek he, an namolo re andi o,” iluk yagaisasikhe.

HOSEA 7:11

Israel he, sue yalma mongol mene nen lagik wagik ikherek hak hilingiri'lagwi. Attak he iren Mesir mene nen lebetninapni o iluk kino lagaikha. Andi nen hobuk he Asyur mene nen lebetninapni iluk yagaisa lagaikha!

HOSEA 7:16

It he hundik-handik dewa inomame werek lek mene omanogo faget mu'luk lili'lagwi. It faget he werek angga lek hak, it inebere sikhe enggela sapulangsek mene hangge werek. It inogogwi kaindegen he inane wonoget fakhikhi logolik agarek andiba re, it inebe weim ambisangma nen inoasumo wa'lasugun. Nen, it afuni Mesir mene nen endo yaginafi logogun,” iluk ikhe.

HOSEA 7:2

Iren ina'mageba hilingiri'lagwi mene andoma faget An nen eberisagain mene a'nogo inendawimo eberi'lagwi lek. Oba nen he it inaweagen sebelinafunem An nen weinamat isikhi lagi.”

HOSEA 9:6

Enggin mene hinoba asi wagunem, nen hit hinebe wokhinarek o ekhema hinobagai lagunem, it fena hit hinanggele'kwe werek mene andoma re afuni Mesir mene nen inoa'luk he inebe warek o Memfis andoma salinafi logogun. Engga inom alok-alogengge inomen he, hit hinaiba wurik logogin kwe andoma inom, hinangge onggo hokho mene perak andoma inom, sebelogo fagain.

HOSEA 9:7

Unggum helogoin oba arat horogasi waga, iren hilingiri'lagwi mene andoma ambisangma helogoin oba faget arat horogasi waga. Israel mene andoma re, ambisangma hogoin mene werek! Hiren ikhi logolik, ”Nabi yi re munggwarengge endawimo kwikhesik! At ebe mondok wenenebo mene!” iluk ikhi lagep. Hiren a'nogo ikhi lagep andi re hit hinaweak hokhore'ma re, an noba hinabit logolik ikhi lagebo.

HOSEA 9:9

Hiren hinobarogo mondok hokho mene fikhi lagep mene andoma re, afuni o Gibea mene nen hilingiti lagaukwa hakhogo hilingiti lagebo, ma re hit kwanirogo hilingiti lagep mene andoma Allah nen ebethambik he, hinaweak oba unggum wokhisagain.

AMOS 3:2

”O kweangma yoma yi afuni ti afuni hokhorogo werek kwelek meneat he, hirenek he An nagainafuri Nonggwaregen wenagaisogo fakhasigi mene hilingi'mo re, hinobabut weak mondok hokhorogo hilingiti lagep andi onggo re hit hinoba eberogo nenat An nen wene hinoba engginhogo fagain o,” iluk ikhe isikhe.

AMOS 5:22

Hiren wam, sue inom, gandum inom, An faget nobagaluk nolnesuogoluk waluk wesugun halok, An nen wanigin mondok lego. Nen, hiren An nane sagalogo weak hilingitigip mene andi faget, ninom lambuluogoluk hinanggo sei hokho mene warogo nolnesi wesugun mene re, An nen wanigin mondok legaro.

AMOS 8:7

It afuni Israel mene ineisena Tuhan Allah nen hombuk palogo mel ikhe: ”An nen it weak hilingiri'lagwi mene inoba nonggoret fisigi'lek nendawimo eberek mondok logogin o.

LUKAS 12:2

Mene re, yi mene ti mene sebelek mene andi faget figik, hinago werek mene andi inelurogo sele'mat figik, igin enego.

1 KORINTUS 11:20

Meneat he, hit ninoe Enupogot oba eberek logolik, enggen amusu nuogeluk misi'mo andoget fuluk he, hinamburu lombok, hinagai lombok, helaluk, ”An tak nagain,” iluk nilik lagunem he, it ekhe lek mene neleat kamo igik, it ekhe amusu hokhorogoat naluk lugulugwi palhik, ikhi lagep andi re, ninoe Enupogot amburu ninggik, agai hinago ninggik, ninggi lagep fuk.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

ULANGAN 28:68

At hineisena Tuhan nen hit O Mesir en wokhinarek wulibi wagaikhesik, Aren ikhi logolik, o andoma nekhengge sugulogo kapal oba lakhinobagagin o. Andoma re, hit hinonggwaregen hinomamerogo afuni inamingmingengge logogun nen ninebe onggo paloageluk it hinaselei mene inoba onggo huniti logogun oba nen he, ap misigen iluk ogo ekhe onggo palu re elo'lek hilingik logogin o,” iluk yagaisasikhe.

WAHYU 16:19

A'nogo ugunem he, o sili hokho a'nogo kweang pakhogo henagan minggilogo hilinglagik, afuni inunggulenu lombok Allah ebe inonggot mene inawi sili lombok mondogat sanik-sanokhogo wolelenggen tagalagik, ugunem, Allah nen he, ”An na'mage hokho anggur amusu hinago hak a'nogo, at o Babel hokho a'nogo wogosigin,” iluk abok yagatikhe mene andi endawimo ebetesik, wogeti laga higi.

1 SAMUEL 15:22

A'nogo yagatikhe meneat he, at Samuel en he, ”At nineisena Tuhan amolore, At ane hologo hilingisugun andi esin a? Athe, wam warogo nolesugun andi esin a. At nineisena Tuhan ane hologo hilingisugun andi esin mondok meneat he, at wam warogo nolesugun andi re elo'lek hangge o. Wam asei andi re elo'lek hak oba nen he, yi'nogo hilingi'no iluk ikherek mene andi hologo hilingitu mene nek he mondok fano o.