HOSEA 7:7 - Allah Wene Fano Wene Hupla Inane

⁷ It inanini nen ina'mage lagaikherek mene a'nogoba re inogogwi kaindek ferinarek werek mene omanogo mondogat inoari'lagwi. Iren raja omanogo mondogat ekhe inoatik-ekhe inoatik hilingita andi. Oba nen he, inebeba elokhe mondok weakhogo hilinglagu kwelek oba nenat he, ap misigen iluk ogo An nen leberisoageluk samban noba kino ili'lagwi mondok lego,” iluk ikhe.

HOSEA 7:7 ပူးပေါင်းရင်းမြစ်များ

1RAJA-RAJA 15:28

Andi re, at Asa afuni Yehuda inap faget raja menlagaikhesik melalinafi lagaikhe mene a'nogo re tahun henaganek mene werek kwelek agaikhe. A'nogo hilingitukwasik he at Baesa a'nogo afuni Israel mene inobaget inoe raja menlagaikhe.

1RAJA-RAJA 16:18

A'nogo hilingitukwama re, at Zimri nen hasikhe re kota a'nogo iren mondogat sebel fakhasukwama hasikhesik he, at ebe awi istana ba omanogo kwi lagaikhesik, at ebe inom, o at ebe werek oba omanogo inomat endu fakfesikhemo ninggi logolik at ebe inomat nasikhe.

1RAJA-RAJA 16:22

A'nogo hilingitukwasik ambisangma nen he it Omri fikhit agaukwa mene a'nogo inalong agaukwa. Nen at Tipni wa'lagaikhemo re Omri inoe raja menlagaikhe.

2 RAJA-RAJA 10:14

A'nogo isukwama at Yehu nen agoromi inoba yagaisikhi logolik he, ”It ari inebe inelugengge fakfisani!” iluk yagaisasikhe. Andi isikhemo it ap omanogo fakfisasukwasik woginarek he i yenggelhuba obalik enekhogo hilingi'mo omanogo inebe 42 nen engge mondogat pinggi warogo pelaginafukwa. Ap misik iluk ogo ineluk ekhe fisasukwa mondok lek.

2 RAJA-RAJA 10:7

Nen, iren at Yehu nen lisu palhikhe mene a'nogo wanhukwasik iren hun Ahab againafuri inom, togongge mene inom inebe 70 nen aremnogo inoatukwasik, it inunggul palek omanogo re si ugu mene elema kwelagaisogo hun Yehu oba o Yizreel were'ma lakfesukwa.

2 RAJA-RAJA 15:10

Salum hun Yabes amlogo a'nogo nen raja Zakharia wasigin iluk weim yonggo fesikhesik he, at ebe o Yibleam andoma nen watukwasik Salum ebe obali'mo raja menlagaikhe.

2 RAJA-RAJA 15:14

Oba nen he, at Mehanem, hun Gadi amlogo a'nogo o Tirza nen Samaria lagaikhesik Salum ebe watfesikhesik o Samaria ba andoma tugi we misik oba nek melalinafi lagaikhe.

2 RAJA-RAJA 15:25

A'nogo hilingitu were'ma at agoromi sikhe fisogo mene inoe perwira misik ekhe enu re Pekah hun Remalya amlogo andi nen he, ap o Gilead mene inebe 50 nen inom weim awene palhukwa. A'nogo palhukwasik o Samaria andoma nen ap raja ebe were'ma eil palogo iluk elonggo leget wagane'ma omanogo nen hun Pekahya a'nogo wati logolik he ap inebe pire mene inom seberogo inoatukwa. It andem inenu re, hun Argob inom, Arye inom. A'nogo inoatukwasik he at Pekah a'nogo hun Pekahya a'nogo obali'mo raja menlagaikhe.

2 RAJA-RAJA 15:30

Yotam amlogo Uzia a'nogo afuni Yehuda mene melalinafu werek kwelek 20 tahun hilinglagaikhemo, at Ela amlogo Hosea a'nogo nen he raja Pekah a'nogo wasugun iluk weim abok isikhesik, ebe pinggi watikhesik he, at ebe obali'mo inoe raja menlagaikhe.

2 RAJA-RAJA 9:24

A'nogo lagunem at Yehu nen he asikhe enggi omamerogo lithasikhesik he at Yoram ebe amboloak oba nen endawinggen oba fo'lokhogo watfesikhemo re at Yoram a'nogo talotikhesik he angge kereta a'nogo elelema nen wa'lagaikhe.

2 RAJA-RAJA 9:33

pelakha wagunem, at Yehu nen it inoba ikhi logolik, ”At ari hugisa pi we'ni o!” isikhemo re iren he Izebel a'nogo hugisa pisukwama, he a'nogo kereta nen al perelogo wathikhemo, amep he kwe terogo oak ebene inom nen kereta wam kuda nen li'luk laga lagaikhe mene aremnogo bene inom labu lagaikhe.

AYUB 36:13

It afuni ineisena tuhan lek mene we yugunat hilingitarek mene nen he ina'mage nek inendawimo wut-warogo fetaluk logolik he, At Tuhan nen unggum inoba fikherek oba nen ogore nit lebetninapni mel agarek lek.

MAZMUR 14:4

Tuhan nen yagaisikhi logolik mel isikhe, ”Hit afuni weak hilingiti lagep mene yi, hinobabut hebelhi lagep lek yi nenahalok? Hiren he an nayonggo figi'lek logolik, sumburu haumhogo nenggarek andi hak an nagainafuri weagerinafu welagebo,” iluk wenagisasikhe.

YESAYA 43:22

Tuhan nen mel ikhe: ”A'nogo meneat he, hit he afuni Israel mene welagep oba nen, An fogetnafi'lek welagik, An nobaandogosi wagi'lek welagik, ikhi lagep.

YESAYA 64:4

Afuni ekhe nen, ilah amu mene faget nineisena ebe yi aro. Nit faget hilingisigin werego, iluk hunogo mene faget agarek mene andi nen, it faget hilingitunem ninesanggo ekhe holhik, nineilenggen ekhe higik ogorek mondok lek. We, Hat hamu nen nit faget hilingitunem hogorek andi.

YESAYA 64:6

Nit afuni ninebe mondogat he emerek mene nek hilinglagosik welago andiba re, niren fano mene hilingiti lago meneba nen ogore mondok weak hilingi'mo elokhe mondok weagat andi. Engga puk agunem sogoien furogo waluk lagarek andi hak, nit ninobabut weak mene nek hilingitorek andiba ninebe mondok lek asugun andi.

YESAYA 64:7

Haren he, ”It weak hilingiri'lagwi andiba inebe lek akhoak he,” iluk ninagaiserogo helokhe hinago welagen andiba re, nit ekhe nen henu hombuk palogo samban ogorek mondok legat. Nen, Haren lebetninabuageluk ninane ninghogo yagahetorek legaro.

YESAYA 9:13

Andiba re linggene misik oba nek he Tuhan nen it Israel mene inogogwi ferinarek welagaikharek mene inom afuni holharek mene inom unggum wogisagain. Aren he inunggul inom, inagenggum inom tegethigik hugisagain.

YEHEZKIEL 22:30

It ap Israel mene inanggele'ma nen ap leget pa'leget wanu higit mene inom, nen An nanini hanghogo leget pak waganek mene wolelenggen isagain iluk hilingitunem, o kweang andi ili waganogo leget pak mene meisalekwe omanogo mendek werek mene inom, ekhe werek hea iluk An nen herati lagiba nen nelokhoma ekhe ari'lago lek.

DANIEL 9:13

Haren he, Mondok weak mene hinoba fagain, iluk isiginmo, wene Musa nen lisu palogo fesikhe mene andi mondogat nit ninoba fesigin meneat he, niren Hat hendawimo fano asuageluk ekhe hilingiti'lego. Ninobabut weak hilingitorek mene andi herakfisaluk, Haren ebe wene yaganisegendek mene andi higithogo hilingisu ninabirat welago andi, neisena.

HOSEA 13:10

Hiren he, Nit ninogogwi raja inom, athe ninogogwi kaindek mene inom ekhe wo'nisan o, iluk kino yaganetigip, A'nogo meneat he, yogondak it mondogat inebe koma werek nogo? Iren he hit holhu mene oma elok telhinabugun nogo?

HOSEA 5:15

Nane sagalogo weak hilingiti lagep andi nen, yi enggin ti enggin hokhorogo hikhi logobagaigeluk hinebe herakhinobagagin o. A'nogo herakhinobagaumo, hiren, Nit weak hilingito, iluk futfembik, yi enggin ti enggin a'nogo hikhi logolik enek he, hinendawinggen oba nenat hera'nabik wesugun he a,” iluk yagaisasikhe.

HOSEA 7:10

It Israel mene nen wonoget fakhili'lagwi mene a'nogo re mondogat weinam hilingi'mo re, it inaweak hilingiri'lagwi mene a'nogo ero weinam ari'lago andi. Mondogat andoma ari'lagoba nen iren sugulogo An ineisena Tuhan Allah a'nogo nambit wagik, An hera'nafik, hilingiri'lagwi lek.

HOSEA 7:14

Iren inendawinggenma ibi-eberogo nen samban An noba ili'lagwi lek. Iren samban ikhi logolik he it inebe nogoli'lagwiba omanogo weing la'luk, afuni An noba eberogo anggili'lagwi lek mene nen hilingiri'lagwi omanogo hakhogo re le ari'lagwi. Iren ambi gandum inom anggur inom kino yaga'neti logolik halok he, ap kembu dewa fogerari'lagwi mene nen hilingitarek hakhogo inebene inagap palikhi logolik kino yaganeri'lagwi. It he mondok ibi-eberogo nenat An nane sagalogo hilingiri'lagwi.

HOSEA 8:4

An nagainafuri nen he An anggigirek mene heinok wo'niigi'legengge re ap raja wenagaisogo menfili'lagwi. An nen fano hilingi'ni iluk mel yagaisigi'lek kwelek it mene inogogwi kaindek omanogo heragaisogo menfisili'lagwiat. Nen iren he emas, perak iren mene helaluk kembu alik wokfuluk hilingiri'lagwiba re it inonggwarek inebe alomat fakhili'lagwi aro.

MIKHA 2:1

It afuni ekhe nen it ekhe weagerinabugun iluk o hubanggo inebe nogo agarek oba wengik logolik inendawimo wene weak mene ebetaresik, o wei ilik lagunem hilingirik lagaikharek mene andoma re weagerinabigin o.