HOSEA 7:3 - Allah Wene Fano Wene Hupla Inane

³ Tuhan ane ikhi logolik he, ”Afuni holhu mene nen ineranhogo wene lalhigik raja inom at agoromi at a'ma yabu hilingiri'lagwi mene inom inendawimo inagaiyeget fisogoin iluk hilingiti logolik inobabut hafeba hilingiri'lagwi andi.

HOSEA 7:3 ပူးပေါင်းရင်းမြစ်များ

1RAJA-RAJA 22:13

Iren a'nogo yagatu kwelek, ap Mikha wani loagaluk lakfesikhe mene a'nogo Mikha oba lagaikhesik he, mel yagatikhe: ”Ap Allah ane yagaisagarek mene mondogat omanogo nen he, at ninoe raja nen hobuk selei mene mabenetfisaluk fano omame asigin mene faget yagari'lagwi andi hak, haren ogo re, a'nogoat wene ekhe fano mene yaga'nogeniluk hondok habigiluk wagi o,” iluk yagatikhe.

1RAJA-RAJA 22:6

A'nogo yagatikhemo, at Ahab en he, ap Allah ane yagaisikhi lagaukwa mene inebe 400 hangge andogorogo fisasikhesik he, mel yagaisasikhe: ”An nen o Ramot sebeligen he, elok inoasi lagain anggikhi lageba? Elo'lega,” iluk heinok wogisasikhe. A'nogo yagaisasikhemo, iren he, ”Elogo. Nineisena Tuhan nen afuni o kota andoma mene inebe henggiba fagain werego,” iluk yagatukwa.

YEREMIA 37:19

Neisena haren mene nabi nen ikhi logolik raja Babel mene nen he o yoma pin talogo kwi wagik, neisena hat hebe fakhobagagik ugun lego, iluk ikhi lagaikha mene omanogo koma werek?

YEREMIA 5:31

Andi re it ap nabi nen he ineranhogo wene igik, nen it imam en he inendawimo nen anggaluk hilingisugun mene nek hilingitik ugunem, hit An nagainafuri nen ogore ariginik mene andoma faget hinagaiyekhogo nek hilingiti lagep. Oba nen he hobuk wurep kobok i wesigin oba re hiren ninggi'nogo mene ekhe hilingisugun nogo?” iluk ikhe o,

YEREMIA 9:2

O walkwe lei enek pirimsekwe andoma ap ebekhalem laga logolik nogoguba ekhe were'ma herasilema nen he, an nunggulenu mene agaiserogo lagain iluk it an nunggulenu mene herakfisaluk heise andoma lele. It he ap inabulagam weak mene, tiphogo mel hilingiti'lek esa misik folek logolik,

HOSEA 10:13

Oba nen a'nogo hilingisu mene werek kwelek haren agaumhogo amu mene hilingiti lagen, haren weak aple hilingitu mene faget enek hilingiti logolik, enggen ugu hakhogo re katokhogo hilingitarek lek mene a'nogo palhi lagen. Hat he hane heranhogo ugu meneba enggen ugu palhigik, ninggik,” ikhi lagen. Tuhan nen ane nekhengge ikhi logolik, ”Yago hit hinunggulenu Israel mene yi! Hiren he inangge kereta weim yafi lagep mene omanogo inom, nen hinagoromi sikhe fisogo inap hokho-pokhorogo werek omanogoba inom, inoba himbiret fuluk logolik hilingiti lagep,

HOSEA 4:2

Iren hilingiti logogun anggaluk hombuk pali'lagwi oba nen, ili'lagwi mene higithogo hilingiri'lagwi mondok lek, it he ineranen wene igik, ap inoatik, yogot wanhik, pabi lagik, hilingitunem weak mene omanogo ekhe inom hilinglarik laga logolik, ap watu aple nek ekhe inom inoarik lagu mondok werek.

HOSEA 5:11

Hit afuni Israel mene nen it ekhe telhinabu lek meneat he telhinabuageluk ninghogo inayonggo fikhi lagep andi nen he, it ekhe nen wene hinoba fagasik weagethinafi logolik hinawi mondogat sebelaga andi.

HOSEA 7:5

Linggene raja nen pesta hilingitu sambul he, afuni omanogo nen raja inom agoromi at a'ma yabu hilingiri'lagwi mene inom i anggur agai lugulugwit inabuageluk wogisaluk mondok kemburogo hilingiri'lagwi. A'nogo hilingitunem ambisangma re raja a'nogo it ap weagerinafarek mene omanogo inom inagaiyek-pinagaiyekhogo hilingitarek.

MIKHA 6:16

Andoma mondogat a'nogo nek hikhi logogun andi re, hiren hun raja Omri inom, at amlogo raja Ahab inomen inobabut mondok weak hilingiti lagaukwa mene omanogo ilirenggerogo nek hilingiti lagep. Nen, ekhe re iren hilingiri'lagwi mene omanogo hiren ogo hilingiti lagebat. Andiba re, An nen hit hinebe mondogat weagerogo hinobagaumo re, yi afuni ti afuni inunggulenu lombogen piliphogo pelakhinafi logolik hinebe weaget hinobagakhi logogun o,” iluk yagaisasikhe.

MIKHA 7:3

It inebe mondogaren he weak hilingitu mene faget enek inobabut mondok hibil-hebelhogo hilingitu welagaikharek. It ap ineabu legoma welaikharek mene nen inom, nen it hakim wene tegetarek mene nen inom ogore, wene tegesuogeluk he onggo tak wo'nisani iluk kinotarek. Nen, it ap inogogwi kaindegen ogore, it inendawimo anggagarek mene nek hilingisuageluk miminginafarek. A'nogo nek hilingiti logolik it inebe mondogarenat hilingirik lagaikharek andi.

ROMA 1:32

A'nogo hilingitarek andi nen, at Allah nen he: ”Afuni inobabut a'nogo hilingitarek mene halok he, an nen wene inoba fembik inebe mondok inoasu higit obaat inoasigin o,” iluk isikhe mene inelu logoligat he, it inonggwaregen a'nogo hilingitoat welagaikharek andi. It a'nogo hilingiti logolik, it ekhe nen a'nogoat hilingitunem he: ”Elok hilingiti lagep,” iluk yagaisagaregat.

1 YOHANES 4:5

It andi inebe afuni kweangma mene inagainafuri andi nen he, iren wene kweangma weneat ugunem, inane it afuni kweangma mene nenat inesanggo holharek andi.