HOSEA 7:2 - Allah Wene Fano Wene Hupla Inane

² Iren ina'mageba hilingiri'lagwi mene andoma faget An nen eberisagain mene a'nogo inendawimo eberi'lagwi lek. Oba nen he it inaweagen sebelinafunem An nen weinamat isikhi lagi.”

HOSEA 7:2 ပူးပေါင်းရင်းမြစ်များ

AYUB 34:21

Allah nen he afuni inebe ferinarek logolik, it lagaikharekwe eilenggen welagarek.

MAZMUR 10:11

Iren anggikhi logolik he, ”Allah re mondogat onggot were'ma re fut ninobagali'lago lek, hobuk andoma ogore Aren ekhe nisagain legat!” iluk anggikhi logolik hilingitarek.

MAZMUR 25:7

An nebe souge logolik naweak hilingiti mene inom, kwanirogo hilingiti mene inom, Haren leget nobagambik he, Hat hobabut fano logolik, hendawi hundik hilingiti lagen andiba an noba ebetniugu nogo.

MAZMUR 50:22

Hit Allah hinonggot a'luk hilingitu welagep mene andoma re futfakhikhi logoni o. An nen hit hinebe alomat hinobagagi hanogo re, it afuni ekhe mene nen hinagap telhinabugun lek hilingi'mo re, kagalek logoni o.

MAZMUR 9:16

Yi afuni ti afuni inunggulenu lombok Hat hebe inonggot mene re, it inonggwaregen kweang habul fakhagarek oba andoma pilagik, nen hele webet fakhagarek oba omanogo ke'nok igik, agarek.

MAZMUR 90:8

Nit weak hilingiti lago mene a'nogo Hat helokhoma fuluk were'ma re, weak hilingitorek mene hinago werek mene re, Hat helokhoma re mondogat weinam enek werek.

YESAYA 1:3

Wam sapi re eisena halharek agun a'nogo elu welagarek. Nen, keledai re eisena nen amburu wogeterek oba obalik aremnogo elu welagaregat, oba nen he An nagainafuri Israel mene re a'nogo hilingitu aple inonggot. Nen iren futfili'lagwi legat,” iluk ikhe.

YESAYA 26:16

Haren nit unggum wo'nisasiginmo nit ninoba enggin-fenggin hilingik logolik, niren Hat nineisena Tuhan hoba samban ikhi lago.

YESAYA 44:19

Ap alik wokhigik hilingiterek mene a'nogo nen he e yi fena re e wurogo nolhik, nen endu enggen oba re roti weratik, eino an nunggu mene iringitik, igi. Andi nen fena re an nen kembu ilirengge hilingiti yi. Arigini'mo re yogondak an nen hilingiti lagi mene omare we yugunat nobakhe palek hilingitik, obaget apne waganogo fogeratik hilingiti lagimo higi, iluk mel wenggeli'lago lek.

YESAYA 5:12

Hiren pesta hilingirikhi logolik, hinambinggong kecapi, gambus, rebana, suling, kongesugun mene nek hilingiti lagep. Nen hinagai re anggur agai inom ninggi lagep, oba nen hiren he At Tuhan yi mene ti mene elalhikhe mene inom, nen Aren hilingiterek mene inom omanogo faget futfikhi lagep lek.

YEREMIA 14:10

It inunggulenu andi faget Tuhan nen ikhi logolik, ”An he ap An noba nen heise longgo agarek mene inom, inonggwaregen inebe halfakhagarek lek mene andoma inom inoba re nabit welagi o. An nen it inaweak nonggorasigin lek, nen iren weak hilingiri'lagwi andiba re An nen unggum wogisagain o,” ikhe.

YEREMIA 16:17

Iren yi'nogo ti'nogo hilingiri'lagwi mene andoma An neilenggen mondogat isikhi lagi. An nelokhoma re hinago mene ekhe werek lek. Nen, it inaweak hilingiri'lagwi mene ogore An nen neilenggen mondogat isikhi lagi nego.

YEREMIA 17:1

Tuhan nen ikhi logolik, ”Hinunggulenu Yehuda mene yi sani, hit hinaweak he hinonggwarek hinendawinggenma lisu palek werek, nen mezbah unggutmo ambisang morokse'ma andoma re lisu enggat wurikweak mene helebenggen pilibuk hangge enu intan mondok werelek meneba palek werek.

YEREMIA 2:19

Hat hobabut mondok weak hilingiti lagen andi nenat, wene hoba fakhegen o. An heisena Tuhan Allah hambotma nobagegen andi nen, yi enggin ti enggin hoba fakhegen o. An nebe hambotma fanhendik An hailorogo hilingnafi lagen lek andiba re mondok wiik-weakhogo fakhegen andi hegen. An heisena Tuhan Allah nen nane arat igi o. An he Tuhan Allah Lego Mondok logolik Nomame Mondok Hokho mene a'nogo aro,” iluk ikhe.

YEREMIA 32:19

Haren hilingisigin iluk wenggelogo fikhi lagen mene andoma re elok mondogat, nen Haren hilingiti lagen mene andoma re mondok elalin mene hilingiti lagen. Afuni nen hilingiri'lagwi mene Hat heilenggen mondogat isaluk it hilingiri'lagwi mene higithogo Haren unggum wogisikhi lagen.

YEREMIA 4:18

Yehuda ahwi, hat honggwaregenat enggin hokho mene andi hoba fakhegen o. Hat hobaburigiba inom, hobabut hilingiti lagen oba inom yi enggin ti enggin hikhi lagen andiba re hendawinggenma taunget hiili'lago andi o.

YEREMIA 44:21

”O kota Yehuda bene inom, Yerusalem kwe bene inom, it inombawi nen ogo, inogogwi raja nen ogo, hit hinombawi yabu legoma hilingitarek mene nen ogo, afuni o yoma mene nen ogo, hiren ogo, yi mene ti mene kembu obaget fuluk, wogeti lagep mene omanogo re, Tuhan he onggot logolik eberek werek lek iluk ikhi lageba?

YEHEZKIEL 21:29

Hit hinabikanggoba hakhogo hogoin mene andi re eberogo mene re fuk, nen hobuk yi'nogo asigin iluk husumbi isigip mene andoma ogore hinane nen lalogo hineranhogo wene isigip. Hit he, hinanini mondok weak logolik Tuhan ane sagalogo hilingiti lagep hinap welagep, nen hit unggum wurep kobokhogo wokhisagain oba re mondogat horogasi waga. Karok andiba re hit hinalonggop paligin.

HOSEA 12:2

Yi'nogo ti'nogo ap Israel mene nen huberen pikhit hubanggo hilingiri'lagwi mene andoma re, alomarogo nek hilingiri'lagwi, obaburugwi re sogoi timur fikhiren furogo legetfikherek hak hilingitik, inobabut haferogo nek inaniniba hilingitarek mene andi it inanggele'ma nen hokhoabet fili'lagwi. Iren he it afuni Asyur mene inom sebe'luk, ninom hundik logouwogo iluk wene wat-wat uogeluk enegengge re minyak wokhagaresik o Mesir logoin iluk hilingiri'lagwi,” ikhe.

HOSEA 4:9

Ma re, afuni inoba enggin-fenggin hili'lagwi andem higit he hirogo a'nogoat hogoin o! Nen hiren hilingiti lagep andem higithogo re An nen unggum hinoba wokhisagain aro.

HOSEA 6:2

Ninenggi pire henagan yaba re ninoba ou welago mene Aren fano hilingninabigin o. Nen nit ninebe nineluk At awe a'ma ninobagaumo logogun.

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

HOSEA 9:15

Tuhan nen ikhi logolik, ”Iren weak mondok hokhorogo hilingiri'lagwi mene andoma re, o Gilgal en eroratukwa. A'nogo hilingitukwa andem huli nen An nen it inoba nabit anggugu mene a'nogo eroratigi. Nen, iren ina'mageba hilingitarek mene andi nen An nen o An nanggweang oba yoma nen mugisogo wulaginabigin, An nen it inoba nendawi hundik hilinginabigin lek; it inogogwi ferinarek mene andoma mondogaren he, An nane oak sagalogo mondok hilingiri'lagwi.

HOSEA 9:9

Hiren hinobarogo mondok hokho mene fikhi lagep mene andoma re, afuni o Gibea mene nen hilingiti lagaukwa hakhogo hilingiti lagebo, ma re hit kwanirogo hilingiti lagep mene andoma Allah nen ebethambik he, hinaweak oba unggum wokhisagain.

AMOS 8:7

It afuni Israel mene ineisena Tuhan Allah nen hombuk palogo mel ikhe: ”An nen it weak hilingiri'lagwi mene inoba nonggoret fisigi'lek nendawimo eberek mondok logogin o.

YUNUS 1:2

”Hat he hebe weak-weakhogo o kota Niniwe hokho sili a'nogoba lan o. Lambik he, it weak mondok hilingiri'lagwi andi An arat nelu agarik welagi andi nen he, Tuhan nen weagethinabigin o, iluk husumbi hane ninghogo yagaisano o,” iluk yagatikhe.

BILANGAN 32:23

Oba nen he wenggel hano, hiren wene watep mene andi higithogo hilingisugun lek halok he Tuhan oba weak hilingisumo hinaweak andi onggo unggum helogoin a'naga.

LUKAS 12:2

Mene re, yi mene ti mene sebelek mene andi faget figik, hinago werek mene andi inelurogo sele'mat figik, igin enego.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

ULANGAN 32:29

Inendawimo kagalek logoilepma re, yi'nogo hilinglasugun higi, iluk futfeilebo.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.