HOSEA 7:12 - Allah Wene Fano Wene Hupla Inane

¹² Oba nen he iren hundik-handik a'nogo logoin iluk lagunem he, afuni nen hele webet fugunem sue ke'nok ikherek hak An nen it inebe elema kwalasuageluk su ugu legeisogo fuluk logogin. Iren inaweak hilingiri'lagwi mene andi An nelu welagimo re An nanini mene hilingiri'lagwi mene andem faget unggum wogisagain.

HOSEA 7:12 ပူးပေါင်းရင်းမြစ်များ

AYUB 19:6

A'nogo anggikhi lagep halok he, wene yi futfeni. At Allah nenat yi enggin ti enggin noba fikhesik, heina su elema kwalharek andi hak, At elonggoma nobagaikhemo welagi o.

PENGKHOTBAH 9:12

Yi sambul hilinglasigin ti sambul hilinglasigin iluk inonggot were'ma, sue hele fagarek oba ke'nok igik, nen ikan onggotma su webet fagarek oba elema kwalagik ikherek hak, nit afuni ninoba ogo ninonggot were'ma enggin mene ninoba asi wagarek andi o,” iluk isikhe.

YEREMIA 16:16

Tuhan nen ikhi logolik, ”An nen he afuni hokhorogo ikan wanharek inaben afuni yoma hele warinabi wesuageluk inayonggo fisagain o. Andi nen he An nen ap sue, paik, watarek mene nen he it oma tomkwe inom, punukwe inom helep oumokwe inom andoma nen inoasi wesuageluk wolinabigin.

YEREMIA 44:4

An nen he, hit hinoba hundik-handik ap An namingmingengge nabi omanogo inayonggo fuluk lakfisa wagunem, iren hit hinaniniba mondok hilingiti lagep mene An nabit anggigirek mene andoma a'nogo hilingitu lego, iluk yagahisikhi lagaukwa.

YEHEZKIEL 12:13

Oba nen he An nen nasu kwalhu asu a'nogo at ebe kwalasuageluk ambe hokhorogo wurilogo fagain. Andi nen An nen at ebe waluk o kota Babel lambik he, andoma nen o kota andi aren eilenggen endephogo ekhe higi'legengge wa'lasigin.

YEHEZKIEL 17:20

An nen at hele wasigiluk he su ikan watarek asu andi hangge meneba elema kwalasuageluk webet fagain. At ebe An noba tiphogo hilingiterek lek andi nen he An nen o Babel waluk lambik andoma nen unggum wogosigin.

YEHEZKIEL 32:3

Yi afuni ti afuni inunggulenu lombok andoma kabogesugun sambul andi re An nen hat su ikan kwalharek asu meneba kwalhobagambik it ap inunggulenu andi nen litharek esanggoma hobagai wulibi wesuageluk herakfisagain.

HOSEA 5:9

Hit afuni Israel mene yi sani, hinesanggo fanorogo holini o, wene hinoba fou higit obaat hinawi wei igin andi nen he alomat lasugun o,” iluk igi andi eberogoat hilinglasigin aro.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.