HOSEA 7:11 - Allah Wene Fano Wene Hupla Inane

¹¹ Israel he, sue yalma mongol mene nen lagik wagik ikherek hak hilingiri'lagwi. Attak he iren Mesir mene nen lebetninapni o iluk kino lagaikha. Andi nen hobuk he Asyur mene nen lebetninapni iluk yagaisa lagaikha!

HOSEA 7:11 ပူးပေါင်းရင်းမြစ်များ

2 RAJA-RAJA 15:19

Afuni Asyur mene inoe raja Pul a'nogo it afuni Israel mene were'ma weim sineli kwi wagaikhemo at Menahem en he, ’An afuni Israel mene inoe hilingi'mo andoma nebe nomamerogo melalinafi logogin,’ iluk hun Pul andi nen legeisogo nobagauwak, iluk he perak 34.000 kilogram en mene wogetikhe.

2 RAJA-RAJA 16:7

A'nogo hilingitukwa le'ma re Ahas nen wene yonggo hun Tiglat-Peleser afuni Asyur mene inoe raja oba lakfikhi logolik he, wene yi'nogo iluk lakfesikhe, ”An he noe hamingmingengge mondok tiphogo nek hilingiti lagi mene a'nogo hilingi'mo re, it raja Israel mene inom raja Siria mene inomen an noasuogeluk hobet nea weri'lagwi mene yi, haren telnabinogen iluk kino ikhi lagi o, noe,” iluk lakfesikhe.

AMSAL 15:32

Ap ekhe komo wene holu abit anggikherek mene halok he onggwarek ebe ogal fakhikherek legat, ap komo wene andi fanorogo holherek mene halok he hebelek mene agarek.

AMSAL 17:16

Ap kembu mene nen inendawinggen kagalek mene andi herati logolik uang hokhorogo leget fikherek andi re alomarogo hak, meneba nen at andi re fanorogo wenggelhu mene ungguloa'ma lek andi nen hilingiterek.

AMSAL 6:32

Oba nen he, ap ekhe nen it ekhe inagagwi mene inom pailak hilingite halok at andi ebe kembu nen hilingisiginmo, onggwaregen weagerogo fakhagain andi!

YEREMIA 2:18

Hat o Mesir lagalagen andi re, nena mene saburageluk lagalagen nogo? i Nil nageluk lagalagen nogo a? O Asyur lagalagen andi re, nena mene saburageluk lagalagen nogo? I Efrat nageluk lagalagen nogo a?

YEREMIA 2:36

Hit he, afuni inunggulenu ekhe mene inandugwi kembu omanogo nen lebethisoageluk weak-weak laga lagep. Ma re, eberogo nen hit he afuni Asyur mene nen hinenggali warogo hinobagasukwa hak, it Mesir mene nen ogo hinenggali wasugunat andi o.

HOSEA 11:11

It he sue nen tarogo lagarek hak o Mesir en weak-weak wesugun, nen o Asyur en he sue fibe nen elang paluk lagarek hak wesugun. A'nogo wagunem he An nen it inebe sugulogo woginarek it inonggwarek inailoba fisa lagain, iluk An Tuhan nen nane mondogat igi o,” ikhe isikhe.

HOSEA 12:1

Tuhan nen ikhi logolik he, ”It afuni inunggulenu Israel mene nen he An nebe haningisogo kwelaknarek logolik, ineranhogo wene nek igik, inunggulenu Yehuda mene re An Allah nebe horek mondok logolik tiphogo nek hilingiti lagi mene a'nogo nane sagalogo hilingitik, ugu mondok logolik lalogo nobagali'lagwi.

HOSEA 12:2

Yi'nogo ti'nogo ap Israel mene nen huberen pikhit hubanggo hilingiri'lagwi mene andoma re, alomarogo nek hilingiri'lagwi, obaburugwi re sogoi timur fikhiren furogo legetfikherek hak hilingitik, inobabut haferogo nek inaniniba hilingitarek mene andi it inanggele'ma nen hokhoabet fili'lagwi. Iren he it afuni Asyur mene inom sebe'luk, ninom hundik logouwogo iluk wene wat-wat uogeluk enegengge re minyak wokhagaresik o Mesir logoin iluk hilingiri'lagwi,” ikhe.

HOSEA 14:3

Andi nen he, hinebe hinambotkwe Tuhan oba we'luk he, wam, yi mene ti mene At obaget fisa hak, samban yi'nogo ikhi logoino: ”Tuhan neisena, nit hat hane sagalogo fogosik weak hilingiti lago mene yi sagalogo legetfisanogen iluk, yagaheti lago mene yi ninane hesanggo holin o. Ninane holhen halok, niren wene wathetugu higithogoat fogethafi logogun o.

HOSEA 4:11

Tuhan ane ikhi logolik, ”An nagainafuri yi sani, anggur attak mene ogo, ket mene ogo, hiren fanorogo hilingisuogeluk wenggeluageluk mene andoma legaphogo hinobagaikhemo welagebo.

HOSEA 4:6

Hit imam hinap omanogo nen An noba tibet figi'lek hilingiti lagep, andiba re afuni An nagainafuri nen ogo An noba fut figi'lek hilingitunem, it inebe alomat fakhili'lagwi andi. Hit he wene An nen yagahisikhi lagi mene omanogo filikhogo lakfisikhi lagep. Ma re, An nen ogo hit filikhogo lakhinobagagin aro. Nen hit hinagainafuri mene ogore An nobaget imam logogun iluk fagesigin legaro.

HOSEA 5:13

Hit afuni hinunggulenu Israel mene inom, Yehuda mene inom, weak welagep andi futfembik he, hit Israel mene nen afuni Asyur mene inoe raja lego welagarek mene ekhe nen telhinabuagaluk ayonggo lagep meneat he, aren telhinafik, hinebe fano logobagaigeluk hiligisogo hinobagagik, u re, elo'legat aga andi.

HOSEA 5:4

It Israel mene inaweak hokhorogo hilingiti lagaukwba re it inebe inambotkwe sugulogo ineisena Allah oba wesu re elo'lek hilinglaga. It inebe re tugwi kembu andoma nen mondogat pik pugerisikhemo re Tuhan a'nogo faget ebet-higi'legengge hilingiri'lagwi andi.

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

HOSEA 9:3

Yago, hit afuni Israel mene re kweang hineisena Tuhan nen wokhisasikheba andoma femhogo logogun lek. Hit mene fena re nekhengge sugulogo o Mesir logoin, nen fena re o Asyur oba andoma nen nunggunggere saliogengge mene omanogo ninggi logogun.

HOSEA 9:6

Enggin mene hinoba asi wagunem, nen hit hinebe wokhinarek o ekhema hinobagai lagunem, it fena hit hinanggele'kwe werek mene andoma re afuni Mesir mene nen inoa'luk he inebe warek o Memfis andoma salinafi logogun. Engga inom alok-alogengge inomen he, hit hinaiba wurik logogin kwe andoma inom, hinangge onggo hokho mene perak andoma inom, sebelogo fagain.

OBAJA 1:7

Hat he it hinom sebe'luk hilingiti lagep mene omanogo nen lalhealuk he o hat hebe welagen oba andoma nen mugusogo wulak hobagagun. Hat he it hinom hundik welagep mene omanogo nen mabenet hobagagik, nen it hinom sumburu misi'mo ninggi lagep mene omanogo nen alomat hobagagik, imbik he iren hat hebe faget afuni inoba heinok woginafi logolik, ”Attak he at mondok elu-pelurek welaga agun a'nogo re yogondak he elu mene a'nogo koma lagama?” iluk yagaheti logogun.

MATIUS 10:16

A'nogo yagaisasikhesik he, ekhe mel yagaisasikhe: ”An nen, hit hinobabut wam domba obabut hangge mene, it afuni inobabut mene olo mene obabut weak andi hangge mene inanggele'ma heakhogo lakhinobagagin andi re, hinobabut kisu obabut hibil-hebelhogo hilingiterek andi hak hilingitik, sue pel obabut enago welagarek andi hak welagik, ikhi logoino.