HOSEA 7:10 - Allah Wene Fano Wene Hupla Inane

¹⁰ It Israel mene nen wonoget fakhili'lagwi mene a'nogo re mondogat weinam hilingi'mo re, it inaweak hilingiri'lagwi mene a'nogo ero weinam ari'lago andi. Mondogat andoma ari'lagoba nen iren sugulogo An ineisena Tuhan Allah a'nogo nambit wagik, An hera'nafik, hilingiri'lagwi lek.

HOSEA 7:10 ပူးပေါင်းရင်းမြစ်များ

MAZMUR 10:4

It ap weak hilingitarek mene nen he Tuhan faget inafe wonget fisaluk inobakhe nigik hilingirik lagaikharek, a'nogo hilingitarek andi re iren foget fakhikhi logolik Allah re ebe lego, iluk hilingitarek.

MAZMUR 14:2

Tuhan ebe pogoroba nen afuni inobabut hebelek logolik At ebe fogeratarek mene ekhe werega lega iluk pelaginarek logolik eil woginaferek.

MAZMUR 53:2

Afuni morue mene inendawimo nen anggikhi logolik he, ”Allah re werek lek,” iluk anggagarek. It inobabut he fano mene ekhe hilingitarek lek, we mondok weak mene inom, kwanirek mene inom enek hilingitarek.

AMSAL 27:22

Ap kembu mene andi re yei ourogo inoasugun meneba nen ogore, kemburogo hilingitarek mene andi hobuk ogo inobabut hebelugun lek.

YESAYA 9:12

At Tuhan Omame Mondok Hokho mene a'nogo nen it Israel mene inoba unggum wogisikheba nen he, it inendawinggen warili'lagwi lek. Nen, iren inobabut agamhogo at oba weri'lagwi legat.

YESAYA 9:13

Andiba re linggene misik oba nek he Tuhan nen it Israel mene inogogwi ferinarek welagaikharek mene inom afuni holharek mene inom unggum wogisagain. Aren he inunggul inom, inagenggum inom tegethigik hugisagain.

YEREMIA 3:3

Andiba re i pogoroba nen pelabi wagi'lek, meiso e ilit sabelherek oba weak-weak wagi'lek werek andi o. Hat he henggali lek logolik, hambenan hilingirik nikharek mene andoma hinom higitsek welagen.

HOSEA 13:14

Unggulenu ari mene arire wa'lagaikharek mene omameba nen An nen telinabigin mondok lego. Wa'lagaikharek mene yi, ou enggin mene andoma sagarogo lakfei me o! Hat heabu inebe legetfisikhi lagen mene a'nogo hilingisin o. An nen afuni inunggulenu yi mene hobuk nendawirinabigin mondok nabiro.

HOSEA 5:5

It afuni inunggulenu Israel mene inonggwaregen fogerakhagarek andiba re, inobabut enegat ari'lago. It Allah ane sagalogo weak hilingitarek andi nen he, ineisok a'lip tunghogo warili'lagwi andi. A'nogo warugunem afuni inunggulenu Yehuda mene inomat warili'lagwi aro.

HOSEA 6:1

It afuni Israel mene nen inane ikhi logolik, ”Nit hobuk nineisena Tuhan oba ninambotkwe sugulogo louwogen we'ni o. Nit ninoba enggin-fenggin hikhi lago andi re Aren hilingninobagali'lago o, oba nen Arenat nit ninoba fanotninobagagin werego. Nen Aren ninoari'lago, oba nen Arenat nit ninoba ou werek andi fano hilingninobagagin werego.

HOSEA 7:7

It inanini nen ina'mage lagaikherek mene a'nogoba re inogogwi kaindek ferinarek werek mene omanogo mondogat inoari'lagwi. Iren raja omanogo mondogat ekhe inoatik-ekhe inoatik hilingita andi. Oba nen he, inebeba elokhe mondok weakhogo hilinglagu kwelek oba nenat he, ap misigen iluk ogo An nen leberisoageluk samban noba kino ili'lagwi mondok lego,” iluk ikhe.

ZEFANYA 1:6

It afuni an nambit wagi'legengge nen, An noba, ’Yi'nogo yaganisoageluk’ kino yaganeti legengge hilingitik, An nombo'ne lagi'legengge hera'nobagaluk lagik, agarek mene andoma re An nen mondogat legetfisagain o,” iluk yagaisasikhe.

ZAKHARIA 1:4

It hinobawi nen hilingiti lagaukwa hak hilingiti logou fuk. O attak andoma it nabi nen weak hilingitarek mene inom, kwanirogo hilingitarek mene inom hilingiti logou fuk iluk yagaisikhi lagaukwa. Oba nen iren he, a'nogo hilingitu mene a'nogo hologo hilingiti'lek herakfisaluk An noba ogo tiphogo hilingiti lagaukwa lek.

ROMA 3:11

Nen, afuni wene futfili'lagwi mene ekhe legaro. An Allah nebe furogo inelu asuogeluk hera'nabi'lagwi mene ekhe legaro.