HOSEA 6:7 - Allah Wene Fano Wene Hupla Inane7 Oba nen he at Adam en hilingitikhe higit, hiren ogo An ninom wene watigip mene a'nogo sagalhi lagep. အခန်းကိုကြည့်ပါ။ |
HOSEA 6:7
18 ပူးပေါင်းရင်းမြစ်များ
A'nogo yagatikhemo, at he a'nogo nen e a'nogo eilenggen kwelakhasikhe re, fano mondok were'ma hasikhe. A'nogo hasikhesik, endawimo nen he, ”E ari enggen inendawinggen palu hak werek ari re, afuni inobabut hebelinabu hak higi,” iluk anggasikhesik, e enggen a'nogo palhikhesik he, nasikhesik, fena agun wogetikhemo nasikheat.
It Israel mene inom Yehuda mene inom he Tuhan en wene yi'nogo hilingi'no ti'nogo hilingi'no iluk yagaisasikhe mene omanogo hilingiti'lek, nen Tuhan nen wene it ineisugwi inom wat-wat agaukwa mene a'nogoba tiphogo welagi'lek hilingiti lagaukwa. It he Tuhan en a'nogo hilingusugun lek iluk komo wene yagaisugu mene a'nogo re fut figi'lek he, iren kembu weak mene omanogoba fogerati lagaukwaba it inebe inom weak arik laga lagaukwa. Tuhan nen a'nogo hilingisu fuk iluk yagaisikhi lagaikheba nen iren afuni inunggulenu amu mene it were'ma andoma maserogo welagaukwa mene nen hilingiti lagaukwa mene omanogo inobabut waganogo hilingiti lagaukwa.
O kweang yi eroma andoma nen he it Israel mene inunggulenu higithogo hilingitarek mene omanogo faget inawuni watunem inane holi'lagwi. Oba nen an he alomat lasigin mene welagi! An he nendawi ane ugunem welagi. Ap henarogo hilingiri'lagwi mene re henarogo nek hilingitu mondok werek, iren ekhe inom henarogo hilingiti logolik werek!
An nen ebeti logolik he, at mondogat a'nogo hilingirik nikhi logombik he sugulogo ambotkwe An noba wesigin iluk ebeti. Oba nen he at a'nogo sugulogo An nambit wagi'lek hambenan hilingirik nugu nen he, An nen at a'nogo herakfisigirik mugusogo wulakfisigi andi. A'nogo hilingitunem at Yehuda, agailak Israel en kwanirogo hilingiri'lago mene omanogo mondogat eilenggen hikherek oba nen he, andi faget aren ailo ekhe aga mondok lek. We aren enggali endephogo ekhe higi'legat he,
Tuhan nen ikhi logolik, ”Ap inaselei mene re sue kuri nen senggelherek engge senggeligiluk sebeli wagarek hak, An naiba omanogo it selei mene nen weim yabi weri'lagwingge re, weim waga iluk enek engge re trompet ane fu'ni o! An nagainafuri nen he An ninom wene watugu mene a'nogo taganhogo hilingitik, An nen yagaisikhi lagi mene omanogo sagalogo hilingitik, ili'lagwi andi.
Wene inoba figi'lek meneat he, ap Adam welagaikhe huli nen, pikhit Musa welagaikhe andem huli re, wa'lagaikharek ero afuni mondogat inoba omameat agaikhesik he, wa'larik wagaukwa andi. Afuni ekhe nen, at Adam Allah nen komotikhe wene sebelogo weak hilingitikhe hak, a'nogo hilingiti'le'maat he, wa'lagaikharek ero andi inoba agaikhesik he, wa'larik wagaukwaat. Nen, at Adam hilingitikhe andi re, At hobuk wagaikhe mene andi we'luk ebe hilingisigin mene faget walhogo hak hilingitikhe.
An nen he, o kweang muli fano yi mene ti mene mondok hokhore'ma hit hinombalak wogisagaluk wene warisasigiba andoma woginarek kwigin o. Kugunem, it o andoma yi mene ti mene inamolo anggikhi logogun mene mondok hokhorogo ninggi logolik, it inebe ineluk fano logogun o. A'nogo meneat he, An nen wene warogo woginafigimo, iren he, nit hat hagainafuri logogun, iluk isukwa mene andi herakfisambik, hobuk an nebe heraknobagaluk wilibimbik he, it afuni ekhe nen, hunogo mene faget, Nineisena ebe andiat, iluk fogeratarek mene andi fogerati logogun o.
ကြော်ငြာတွေ