HOSEA 6:3 - Allah Wene Fano Wene Hupla Inane3 Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi. အခန်းကိုကြည့်ပါ။ |
HOSEA 6:3
36 ပူးပေါင်းရင်းမြစ်များ
Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.
A'nogo waga logolik iren he mel ikhi logogun, ”Nit he afuni Israel mene nineisena Tuhan Allah awi wuri'mo, louwogen we'ni o. At Tuhan ebe Andom Sion oba awi kota Yerusalem logolik, ane ili'logo andi nen he Aren nit komotninafunem he niren At ane furogo hologo hilingitu mene faget yanggul ninabuakhogo re louwogen we'ni o,” iluk ikhi logogun.
Arigin foumo re yi engga ti engga weak mene sagarogo wulibigin. nen anggur ebe mene andi ogore enggi tegeti'lek herakfisamo re selegerati logogin lek. Arigin foumo re engga inom alok alogengge inom hokhorogo wilibimbik sebelek logouwageluk herakfisagain, nen ohena nen ogo at oba meiso pelabi wesinogo iluk nane waik paliginat,” iluk ikhe.
An nen ikhi logolik, ”Hat Israel yi! Heabu ket mene senfuluk enggen awi yatu mene re katokhogo hilingitu mene andi yasin o, nen enggen palhu mene re haren hendawinggen An noba ibi-eberogo tibet fikhi logogin andiba fanot hobagagu mene palikhi logogin. Haren An heisena Tuhan hera'nabigin oba o arat horogasi waga. An wesimbik fanothinafirek mene a'nogo meiso pelabi wagarek hak pelakhisa wesigin.
An nen afuni Israel mene faget he, o meiso nen kweang puk amusu mondok lek mene sakhotfikherek andi hak, fanot fisagain o. A'nogo hilinginafunem, yi mene ti mene enggen ukwalagarek andi hak sik-pik igik, e wombi hangge mene enu cemara omanggen kweang elema mondok ninghogo yaterek andi hak hilinglagik, ugun o.
A'nogo we'luk iren ikhi logolik, ”Nit he, afuni Israel mene ineisena Tuhan Allah aiba lagauwogen we'ni o. Lagaumo re, At ebe o Sion kota Yerusalem oba logolik, ane At againafuri yagaisigik, komorinafik, hilingiti logogin andiba re, Aren nit wene hilingiti logogun mene yaganisugunem, higithogo hilingiti logogun nen he, lagauwogen we'ni o,” iluk ikhi logogun.
Tuhan nen hobuk a'nogo hilinginabigin iluk, yogondak we elama ya it ninaselei mene nen fetninarek logolik yaganisikhi logouwageluk ninobagaikhemo logogun andi. A'nogo fetninarek logolik werek kwelek at raja andi agaisa nen tasigin iluk Allah nen anggasikhe higithogo ta'lagu halok, afuni at unggulenu mene hele warogo woginarek lagaukwa mene andoma re hobuk it inunggulenu Israel mene inom sebesi wesugun.
Afuni Israel mene fena ineluk werek mene andoma, afuni inunggulenu lombok inanggelekwe andoma werek mene re enggama mene singa nen paik watik, nen oloba nen he wam domba senggelhik ikherek hak hilingiti logogun. Mene singa nen he wam domba omanogo eisogen tandamerisaluk he, aigen libik-labakhogo ninggik, ugunem afuni nen ambemangge telu elo'lek andi hak hilingik logogin.
A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.
A'nogo holhugu andi nenat, Ninendawimo nen he, ”It ap Allah ane yagaisikhi lagaukwa mene nen isukwa mene andi eberogoat,” iluk attak endebat hak anggikhi lagagu mene, hobuk ninesanggo holhugu andiba nen, mondok furogo futfesugu andi. Halok he, o mumat were'ma, afuni nen esage ibilogo fugunem, selekhogo mondok welagaikharek andi hak, wene andi hinendawinggenma eberogo mondok wanhi logoino. A'nogo wanhu were'ma, hobuk o mum mene wei ugu kwelek, hesagal wap liabi wagarek andi hak, at Kristus hinendawinggenma selegethinabi wesigino.
A'nogo yaganetesik, at Yesus nenat hobuk yaganeti logolik he, ”Yi wene ti wene yi abok, an nagot malaikat en hit nagainafuri o yi awi ti awi andogoti lagep mene mondogat yagahisoageluk hinoba lakfei wagi andi re, an Yesus nen aro. Nen, e asimit fulelherek andi hak, ap Daud en tagongge mene a'nogo re, an nebe aro. Nen, hesagal wap o mo yegelogo lagai wagarek higiren, liabi wagarek mene amulit hokho a'nogo re, an aro,” iluk yaganete.
ကြော်ငြာတွေ