HOSEA 6:1 - Allah Wene Fano Wene Hupla Inane

¹ It afuni Israel mene nen inane ikhi logolik, ”Nit hobuk nineisena Tuhan oba ninambotkwe sugulogo louwogen we'ni o. Nit ninoba enggin-fenggin hikhi lago andi re Aren hilingninobagali'lago o, oba nen Arenat nit ninoba fanotninobagagin werego. Nen Aren ninoari'lago, oba nen Arenat nit ninoba ou werek andi fano hilingninobagagin werego.

HOSEA 6:1 ပူးပေါင်းရင်းမြစ်များ

2 TAWARIKH 30:6

A'nogo yonggo filik laga logolik he, at raja awene melalek oba re surat palek a'nogo waluk it afuni Israel mene werek kwe inom, it Yehuda mene werek kwe inom agoromi pegawai omanogo yonggo wulaginafikhe. Iren surat waluk lagaukwa mene andiba re ane yi'nogo palek welagaikhe: ”Hit afuni Israel mene nagainafuri! Hit he it afuni Asyur mene inenggi omameba nen obogerisaluk wulibi wagagip mene a'nogo, At Tuhan nen nekhengge hit lebethinafi logouwakhogo re, yogondak he it Abraham Ishak, Yakub inom, en apne wanhi lagaukwa mene hineisena Tuhan Allah a'nogo obaget enek hilingiti logobagaigen sugulogo we'ni o.

AYUB 16:9

Allah aniniba an nagap mondok pil-palhogo nobagaikhe. Nen, At a'mageba an eil kwelakniugu werek.

AYUB 22:23

Hat hawiloba nen kwanirogo hilingiti lagen mene andoma herakfuluk he, hendawinggen sebel fakhaluk Tuhan ambit waga logoin o.

AYUB 34:29

At Allah nen An nane legengge logogin iluk hilingisigin halok he, ap misigen ogo ekhe ailo legengge nenahalok hane lek welagen iluk u lek hak. Aren elokhe hinakfuluk were'ma re ap misigen iluk ogo ekhe herasu re elo'legaro.

MAZMUR 30:7

An nailo legengge logolik nane ikhi logolik he, ”An he nabolok igi'lek mondok-mondogat logogin,” iluk ikhi lagi.

MAZMUR 6:2

Tuhan neisena, Haren he ha'mageba yei noatik, nen helokhe ageba wene noba figik u fugo.

MAZMUR 71:20

Haren he an noba enggin-fenggin hokhorogo hilingnobagakhi lagen, oba nen he, Harenat an nebe fano hilingnobagagin o, nen an nebe ap warek mene salinafuba nen neluk mennobagagin aro.

PENGKHOTBAH 3:3

nen, at ebe o ti sambul wasuak, nen, ti sambul ebe oba ou mene fano asuak, anggigik, nen, o ti sambul o meisalhik, ti sambul wutik uwak iluk, Aren anggikherek oba nek hilinglagarek.

YESAYA 17:7

A'nogo hilinglasigin andiba re afuni nen hobuk it Isarel mene ineisena Allah Mondok Horek logolik pogot kweang elalhikhe mene a'nogo oba telninabin iluk yagati logogun.

YESAYA 2:3

A'nogo waga logolik iren he mel ikhi logogun, ”Nit he afuni Israel mene nineisena Tuhan Allah awi wuri'mo, louwogen we'ni o. At Tuhan ebe Andom Sion oba awi kota Yerusalem logolik, ane ili'logo andi nen he Aren nit komotninafunem he niren At ane furogo hologo hilingitu mene faget yanggul ninabuakhogo re louwogen we'ni o,” iluk ikhi logogun.

YESAYA 30:22

Hit hinanggembu emas meneba elalegengge inom perak meneba misikwe mulelogo hilingik engge inom andoma weagen hugisagarek hakhogo hiren hugisouwogeluk he, hinane yi'nogo ikhi logolik hugisugu nogo, ”An welagiba ya nen hela lan!” iluk ugu nogo.

YESAYA 30:26

Tugi re mo yaterek hakhogo selegerati logogin, nen mo re nisambul yaterek mene re we harek oba nen he andem sambul he inenggi wenagaisogo sabiroba mene misik seberogo hak selek mondok hokho mene hilingik logogin. Andi mondogat hilinglasigin andi re Tuhan nen At againafuri mene inoatikhe mene omanogo inoumo yelfisigik, fano hilinginafik, igin sambul andi hilinglasigin.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

YEREMIA 3:22

Yago hit mondogat Tuhan herakfisasigip mene yoma sani, hinambotkwe sugulogo we'ni o! Aren hit higithinafik, hit hinebe tiphogo hilingiti logobagaigeluk hilinghinobagagik igin werego. Hiren ikhi logolik, ”Yogo o yogondak he At andi nit nineisena Allah hilingi'mo re nit At ambit waga lago.

YEREMIA 30:12

Tuhan nen againafuri inoba yagaisikhi logolik, ”Hit hinoba ou mene re enggin hokho mene hilinglaga, nen hinoumo faget he obat ekhe werek lek.

YEREMIA 30:17

Hit hinaselei mene nen ikhi logolik, ”Sion he hugusagama re afuni nen ekhe eberisogoin lego. Oba nen hit he An nen hinebe fanot hinobagagin, hit hinoumo andoma An nen obat oba fano hilinghinobagagin o,” ikhe.

YEREMIA 33:5

ap Babel mene inom weim yabugun iluk hilingiri'lagwi andoma re we alomarogo, iren a'nogo hilingiri'lagwi mene andi re An na'mage lagambik nanini it inoba fembik inoasumo re o kota yiba ap warek enek agum houwak igin mene faget igi o. Afuni nen he ina'mage mondok lagau hak mene nek hilingitunem he An nen kota yiba kwalogo logou re nabit mondok welagi andi.

YEREMIA 33:6

Oba nen he hobugen An nen kota yi inom, afuni werek mene inom inebe halogo fisagain o, andi nen he it inebe nekhengge inomame asugunat. An nen he it inoba inendawinggen serogo welagik, inailo legengge welagik, hilingik logouwageluk sik-pikhogo hilingisogo fisagain.

YEREMIA 50:4

Tuhan ane ikhi logolik, ”Linggene andem oba re afuni Israel mene inom, Yehuda mene inom he, An it ineisena Allah nebe hera'nabik inebe seberogo le arik noba wesugun.

YEREMIA 50:5

Iren he ebekhe o Sion lagaikharekwe heinok woginabimbik he kwe andiba wesugun. It he An inom wene etok mondok logogin mene wasimbik he iren wene andi pukhogo fisogo logogun.

RATAPAN 3:11

A'nogo hilingiti logolik an nebe si'narek mu'narek lagaresikhe he ebekhalem en nelokhe palfei lagaresik, an nebe tilip talaphogo noa'luk lagarek.

HOSEA 11:10

Tuhan ane ikhi logolik, ”An nen singa ane kouwaterek hak it inaselei mene inailot fisagain sambul he An nagainafuri andoma An nombo'ne logoin o. An nagainafuri re mo ubuk ikherek fikhiren An napne wanuogeluk weak-weak wesugun.

HOSEA 12:6

Allah andi re Tuhan ekhe mene-ekhe mene hilingisu hagenek mene a'nogo. At enu re Tuhan andi. At endawimo nen he afuni nen An nobaget fogetnafi logouwak anggikherek.

HOSEA 14:1

”Samaria re An noba eilnafesik nane sagalogo hilingitu nen he, unggum hela higit obaat helagain o. Afuni holhu mene aren mene andoma re weim elema nen wa'lasugun. Inomalik ketago mene re wulil tagalogo legerinafik, hemi omalik ina'ma mene re inalabut pelangetik, ugun o,” iluk ikhe.

HOSEA 14:4

Ap Asyur mene nen telninabugun he lego. Nen wam kuda weim yabi lagaikharek mene andi nen telninabugun he legaro. Niren tugwi kembu ninonggwarek ninenggi nen agauwak hilingiti lago meneba yagati logolik, allah nineisena, iluk yagatorek andi hak, ikhi logogun legaro, neisena. Tuhan, Hat he afuni suarek mene hendawirinafendek mene o, neisena, iluk ayonggo fikhi logoino,” iluk yagaisasigi.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

IMAMAT 14:48

Oba nen he, o a'nogo hobat endakwe lilibanetha huli nen it imam omanogo we'luk kumut hugunemen fili a'nogo ekhe inom weinam aga lek halok, fili a'nogo mondogat lek agama iluk aren o yi mondogat fano horek werek ikhi logogin.

ZEFANYA 2:1

Yago, hit afuni hinunggulenu yi mene hinenggali legengge hilingirik laga-lagep mene yi sani,

ULANGAN 32:39

Yethani, Allah an namunek, Allah amu mene ekhe werek lek, An nen inebe inoatik, inelugerinafik, igirek mene, Inoumo asuagaluk, inoatirek mene, fano asuagaluk hilinginafirek mene, An nen hilingitunem, it ekhe nen an nane ugunem, sebelumo re mondok elo'lek.

1 SAMUEL 2:6

Allah mel yagatikhe: ”Neisena Tuhan nenat, afuni inoatik, inelugerinafik, egendego. Afuni wa'la'luk lagaikharek oba kweang a'ma pelaginaplugen, hobuk andoma nen liakfisa wagendegaro.

1 SAMUEL 7:3

A'nogo yagati lagaukwama, at Samuel en he, mel yagaisasikhe: ”Hit nineisena Tuhan oba hinambotkwe wesimbik, hinendawinggen misik a'luk Arenek fogerati logogun halok he, afuni endakwe mene inandugwi kembu he mene enu Asytoret andi oba fogerati lagep mene andi herakfisaluk, hinebe nineisena Tuhan amuat wogo'no o. At faget enek hilingiti logogun halok, hit hinebe afuni Filistin mene nen fethinarek werek andi Aren telhinabigin o,” iluk yagaisasikhe.