HOSEA 5:6 - Allah Wene Fano Wene Hupla Inane

⁶ Iren he ineisena Tuhan ebe herasugun iluk wam, domba inom, sapi inom, At faget warogo noleri'lagwi meneat he, Aren it inebe herakfisasikhe andi nen he, hinom ambi asugun lek, andoma mondogat he alomarogo hilingiri'lagwi.

HOSEA 5:6 ပူးပေါင်းရင်းမြစ်များ

KELUARAN 10:9

Yagaisasikhemo, at Musa nen he, ”Noe, nit ninebe mondogat, alageet, inaluendeget, logoin o. Nit nineisena Tuhan Allah hokhoba fogerasi logoin andi nen he laga logolik, ninagainafuri mondogat inom, ninanggo sapi inom, domba inom, kambing inom, woginarek logoin o,” iluk yagatikhe.

AMSAL 1:28

Hinoba a'nogo hilinglasigin sambul andem he, hiren an nayonggo fogoin meneat he, an nen hit hinane onggo igi'lek herakhinobagagin o. Nen hiren an hera'nabik o ekhema-ekhema logoin meneat he, an ninom ambi asugun mondok lego.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

AMSAL 21:27

Tuhan he afuni weak hilingitarek mene nen At obaget fagarek mene andi re apsiri inoba fikherek, ap andi endawimo nen weagasuak anggikhi logolik hilingisigin halok andi re ebenagaik.

KIDUNG AGUNG 5:6

Oba nen he an nendawi hundik mene a'nogo faget kwe huthigiba nen, at ebe ambotkwe sugulogo lagama. Andi nen an nen at ane igin mene holigin iluk nendawinggen fenggek-fenggek ikhi logolik heratiba nen he we alomarogo herati lagi. At enu wolhigiba nen, ane onggo yaganete lek.

YESAYA 66:3

Oba nen he it afuni inunggulenu andoma mene nen he it inendawimo inamolo anggagarek mene nek hilingirik lagaikharek. Iren hilingitarek mene re mondok weak mene hebak inafe asu hak mene omanogo faget hinagaiyekhogo kabogetfuluk hilingitarek. A'nogo hilingiti logolik he iren sapi ai mene watik, ap watik, hilingitu mene inom, domba eak watik, mene alonggop perelogo watik, hilingitu mene inom, gandum figik, wam amep figik, ugu mene inom, amben engge kemenyan nolhik, tugwi kembu fogeratik, ugu mene inom andoma re peneti'lek we yugunat hilingitarek.

YEREMIA 11:11

Andiba re, An Tuhan nen it ineluet fikhi logolik, enggin mene An nen it inoba lakfei wesumo re it he hina'lasugun lek. Iren ambi An noba lebetninabuageluk kino yaganesugun halok mene ogore An nen it inane holigin mondok lek.

YEREMIA 11:14

Andiba re, Yeremia ahwi. It inobaget samban igik, An noba leberisan iluk kino yaganetik, u fugo! It anggolorek logolik An noba lebetninabin iluk kino yaganetu halok, An nen inane holhi logogin lego.

YEREMIA 14:12

Iren inambe heang logolik, An noba lebetninabin iluk kino yaganesumo mene ogore An nen inane nesanggo holhi logogin lek, nen iren An nobaget nendawimo nagaiyek hoageluk nolhik, gandum enggen nolhik hilingisugun meneba nen ogore An nen nagaiyek it inoba fagain legat. Agamhogo re An nen it inebe weim oba nen inom sumburu ouwagen inom, ouen oba nen inom mondogat leget fisagain o,’ iluk yaganete.

YEREMIA 7:4

Hit he aben lalhinafi logolik, ’Yi re o Tuhan Awi wuri'mo, eberogo yi Tuhan awi wuri'mo o,’ nit he ninailo legengge logogun iluk yagahisagarek mene andoma inoba re eberogo angga fugo.

RATAPAN 3:44

Hat hanini re o hena mondok hik mene andi hak hilingi'mo re, Niren samban ugu mene re fanorogo lagai wesu re, elo'lek ari'lago.

YEHEZKIEL 8:18

Hit he An na'mage mondok elalinhogo hilingitunem hogoin! An nen hobuk nendawirinafik, inaweak sagalogo legetfisigik igin mene ekhe werek lek. Iren samban oba nenu hombuk palogo ugun oba nen he, hilingik kwelek An nesanggo holigin legaro!” iluk ikhe.

YEHEZKIEL 8:6

Allah ane an noba yaganeti logolik, ”Afuni wa'lagaikharek mene yi re, hat heilenggenma re nenamene hilinglagunem hegen? Ap Israel mene nen ina'meilorogo hilingiri'lagwi andiba An nonggwarek nawi wuri'mo nen eil uanhogo hilingnobagali'lagwingge andi furogo kwelakhan o! Andi nen he hobuk An nen hat hoba wene mondok namel-mel asu hak mene ekhe inukhesigiluk welagi o,” iluk ikhe.

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

AMOS 8:12

A'nogo hilingiti logolik, An nane andi herarik he yi awi ti awi o abel utara fikhiren he abel selatan fikhit lagik, nen abel timur fikhiren he barat fikhit lagik hilingiti logogun, oba nen he iren ekhe herati logogun mondok lego.

MIKHA 3:4

Hiren Tuhan oba yagati logolik, ”Lebetnisan o,” iluk hinane kwesugun oba nen Aren hit hinane onggo yagahisagain lego. Nen, hiren mondok kwanirek mene hilingiti lagep andiba re, hiren samban ugun mene ogore Aren esanggo holigin legaro.

MALEAKHI 1:10

Tuhan Omame Mondok Hokho mene a'nogo nen ikhi logolik, ”Hiren wam yi mene ti mene warogo nolneti lagep oba endu tulemat ibilogo kwelafi lagep andi nen he, a'nogo hilingitu welagep hanogoluk, hit ekhe nen An naiba andoma kwe yagatfoumo re! Hit hinebe nabirat, nen an nobaget fikhi lagep mene andi helugu aplere nabit nabi'lago.

LUKAS 5:16

A'nogo hilingitu kwelek meneat he, at Yesus samban igeluk ebe afuni le'ma o leimo andoma laga lagaikhe.

YOHANES 7:34

An o andoma lambik were'ma, hiren an hera'nabik nikhi logogun meneat he, hit o an logogin oba andoma wesugun mondok elo'lek andi nen, an ninom ambi asugun lego,” iluk yagaisikhi lagaikhemo,