HOSEA 5:1 - Allah Wene Fano Wene Hupla Inane

^1-2 Tuhan nen ikhi logolik, ”Hit ap an eisewerek welagep mene yi inom, hit afuni Israel mene mondogat inom, hit afuni ap inenupogoren tagomangge mene yi inom, hinesanggo fanorogo holini o, hiren he it ekhe wene inoba figik, kotik, higithogo u werek kwelegat he, o Mizpa nen paik ke'noguageluk hele figik, o tom Tabor oba nen ikan kwalasuageluk su webet figik, o Sitim kweang uanhogo habuli'mo puageluk fougetik, egepma werek andi hak, it ekhe weak asuageluk hilingiti lagep andi nen he, An nen wene hit mondogat hinoba fagain o.

HOSEA 5:1 ပူးပေါင်းရင်းမြစ်များ

YEREMIA 11:7

An nen it hinombawi o Mesir en woginarek wulibi wagagi sambul andem he, An nen nane omamerogo iren An nane hologo hilingiti logouwageluk yagaisasigi. Nen, wene andi faget yogondak huli nen inom An nen nagainafuri inelurogo yagaisikhi logolik,

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

YEREMIA 46:18

An he, Allah Neluk Mondok welagi mene. Nebe re Raja Tuhan Nomame Mondok Hokho mene a'nogo. Tom Tabor he tom amu mene anggele'ma wolonghogo liabek welagarek hak, tom Karmel he i laut yenggele'ma nen ale'ma wolonghogo liabek welagarek hak, An nomameba hat hoasi wagaikharek mene andi re ariginigo.

HOSEA 10:15

Yago afuni o Betel welagep mene yi, hiren weak mondok hokhorogo hilingitep andiba re, hit hinoba re weak andem higit asi wesigin. O mo kwelabi wagarek andem oba weim yafu aple erorasimbik hilingitu kwelek andem hit hinoe raja re wa'lasigin o,” ikhe.

HOSEA 13:8

An nen he, no beruang eak longgot fuluk hilingiterek hak herogo hinoba sagali imbik, hinebe libik-labakhogo hinoatik, singa nen hilingiterek hak hit hinebe welagep oba andoma nen senggelhinafik, nen olomene aik anini mene nen hilingiterek hak hinebe senggel fogathogo hilinghinabigin o.

HOSEA 4:1

Tuhan he, afuni o yi werek mene inom wene werego. Enggere Israel mene yi sani, Aren ane ikherek mene andoma furogo holhi logoni o, ”O kweang yiba re tiphogo hilingitu mene inom, inendawi hundik hilingitu mene inom werek lek. It afuni oma werek mene nen ogo An Allah iluk eberogo inambeba nen fageri'lagwi mondok legat.

HOSEA 6:9

It ap imam-imam o kota andiba werek mene re afuni ebekhalem lagunem kagalfisaluk inangge telugu mene esa logalhigik werek andi higit werek. O Sikhem ebekhalem obalik hore'ma lagaikharek oba andoma nen ogore iren kwe palfuluk ap inoari'lagwiat. Iren inoari'lagwi mene andoma mondogat he yi'nogo hilingisugun iluk wenggelogo fuluk inelu logoligat hilingiri'lagwi.

HOSEA 9:8

An he, nebe nabi logolik hit Tuhan againafuri hineluet hinobagakhi logouwageluk Allah nen la'nobagai wagaikhe, oba nen an o ekhema-ekhema laga lagikwe omanogo re, sue faget hakhogo an nobaget hele webet nobagakhi lagep. O kweang Allah onggwarek anggweangma a'nogoba nen afuni nit nabi ninap omanogo eil ninabi'lagwi.

YOEL 1:2

Hit afuni inogogwi kaindek welagep mene yi hinesanggo fanorogo holini o. Nen hit afuni o Yehuda welagep mene hinebe mondogaren futfikhi logoni. Hit welagep oba re yi'nogo hilinglaga mene ekhe werek nogo? At he, hit hinambu hinombalak welagaukwa andem oba a'nogo hilinglagaikhe mene ekhe werek nogo?

AMOS 3:1

Hit hinunggulenu Israel mene inom Yehuda mene inom, hinebe hineisok erokwe lombok o Mesir en wokhinarek wulibi wagaikhe mene hinobaget wene Tuhan nen hinoba fagain mene yagahisoageluk ikhe mene yagahisagain yi, hinesanggo fanorogo holini o:

AMOS 7:9

Ap Ishak en tagomangge mene nen tugwi kembu obaget hilingitarek kwe andoma re hobuk wolelenggenhogo potfisigik, afuni Israel mene nen, mondok wesama iluk agarek kwe andoma re meisalogo potfisigik, igin o. Nen, at raja Yerobeam en tagomangge mene inebe mondok leget fisigik igiluk karok nenggim wanhik, igin aro,” iluk yaganete.

MIKHA 3:1

Hit afuni Israel mene hinogogwi kaindek yi, An nen wene igin andi hinesanggo fanorogo holini o. Hiren he afuni wene fanorogo halinabu hinelu logoligenat he,

MIKHA 3:9

Yago, hit ap kaindek afuni Israel mene inobaget welagep hinap yi sani, an nen nane igin mene andi re furogo holini o. Hiren he afuni inawene katokhogo palinafi'legengge hilingfisikhi logolik, agaumhogo re weak mene nek hilingfisikhi lagep.

MIKHA 7:2

Afuni inobabut higithogo nek hilingitarek mene re o kweangma yoma nen lek agaikha. Nen, ap Allahba tiphogo hilingitarek mene re ekhe were'ma isikhi lagi lek. Afuni inebe lombogen he it ekhe mene inoasugun iluk nenangorinafu mondok werek. A'nogo hilingiti logolik it inebe seberogo re inagaila'lak ekhe ke'nok uageluk yebet fisili'lagwi.

MALEAKHI 1:6

Tuhan yi mene ti mene hilingisu hagenek mene a'nogo nen, ap imam omanogo inoba yagaisikhi logolik he, ”Yenggerugwi nen ineisugwi agaugwerinafik, afuni inamingmingengge mene nen inogogwi agaugwerinafik, agarek. An yi re, hineisena aro, nenahalok hiren An agaukhogo hilingnafi lagep lek nogo? An yi re, hinoe, nenahalok hiren An noba hinailo welagep lek nogo? Hiren An nebe weagerogo noba ikhi lagep meneat he, hiren heinok wo'niikhi logolik, ’Nit ninggi'nogo hilingiti lagoba Hat weagerogo fikhi lago nogo?’ iluk ikhi lagep andi.

MALEAKHI 2:1

At Tuhan Omame Hokho mene a'nogo nen it ap imam omanogo inoba yagaisikhi logolik he, ”An nen Nawene melalek hit hinobaget he, yi yagahisikhi lagi o:

HAKIM–HAKIM 4:12

Afuni nen he, ”Barak tom Tabor oba waga,” iluk isukwama at Sisera esanggo holhikhesik he,

HAKIM–HAKIM 4:6

At andoma logolik, inenggi ekhe sambul he, afuni nen ap Abinoam amlogo Barak andi aiba kota enu Gedes, afuni inunggulenu Naftali mene were'ma andoma wene mel yagasi loagaluk lakfisasikhe: ”Afuni Israel mene ineisena Tuhan Allah nen hat yi'nogo hilingisuageluk yagahete: Afuni inunggulenu Naftali mene inom, Zebulon mene inom, ap inebe 10.000 nen andogorogo fisambik, tom Tabor oba woginarek lano o.

1 SAMUEL 7:16

A'nogo ferinarek logolik, yi tahun ti tahun o Betel, Gilgal, Mizpa oba andoma eilenggen isilik laga lagaikhe. Laga logolik, afuni Israel mene yi wene ti wene minggilik awene inoba were'ma pilingisogo legetfisikhi lagaikhe.

1 SAMUEL 7:5

A'nogo hilingitunem, at Samuel en he, mel yagaisasikhe: ”Hit hinunggulenu Israel mene mondogat o Mizpa andogosi we'no o. A'nogo andogosi wagunem, an nen hit faget nineisena Tuhan ayonggo fagain o,” iluk yagaisasikhe.

1 SAMUEL 7:6

A'nogo yagaisasikhemo, it inebe mondogat o Mizpa andoma andogotukwa. Andogotukwasik, yi mene ti mene nineisena Tuhan wogosu hak, i hinatukwasik he, at eilhanem kweisalogo lakfesukwasik, andi sambul lingge misik inukhogo sumburu ninggi'lek sambanat ugu mondok logolik, mel isukwa: ”Nit nineisena Tuhan ane sagalogo weak hilingito o,” iluk fageti lagaukwa. (O Mizpa andoma nen at Samuel en afuni Israel mene yi wene ti wene minggilik awene inoba welagaikhe mene eroba nen pilingisogo legetfikhi lagaikhe.)