HOSEA 4:9 - Allah Wene Fano Wene Hupla Inane

⁹ Ma re, afuni inoba enggin-fenggin hili'lagwi andem higit he hirogo a'nogoat hogoin o! Nen hiren hilingiti lagep andem higithogo re An nen unggum hinoba wokhisagain aro.

HOSEA 4:9 ပူးပေါင်းရင်းမြစ်များ

AMSAL 11:31

It afuni eberogo anggararek mene o kweangma yoma nen onggo helugu halok he, it ina'mageba hilingitarek mene andi inom, weak hilingitarek mene andi inom eberogo nenat inaweak onggo hokhorogo helogoin aro.

AMSAL 12:14

Afuni inebe lombok it hilingitarek mene ambisangma onggo higithogo nek helagarek, nen inebe lombok inenggi yabu hilingituba nek onggo higithogo wogisagarek.

AMSAL 5:22

Ap weak mene nen aweak hilingiterek mene andi re onggwarek faget wephogo fakhili'lago.

YESAYA 24:2

A'nogo hilingitunem afuni mondogat he obabut higit mene andi nek hogoin. A'nogo hogoin mene andoma re it imam-imam inom, afuni we mene inom, inamingmingengge alage mene onggoba palinafarek mene inom, ineisugwi mene inom, inamingmingengge helime onggoba palinafarek mene inom, hemi inagaisawi onggoba palinafarek mene inom, inangge we elama wanharek mene inom, elama kinorinafarek mene inom, inenggi werek mene inom, inenggi lek mene inom, we misigaple andi nek hogoin o.

YESAYA 3:10

Tuhan nen ikhi logolik he, ”Afuni An noba tiphogo hilingiri'lagwi mene andoma inoba re hinagap telhinabigin enggere hinagaiyekhogo logoni iluk yagaisikhi logoino. Nen, it he inangge yi mene ti mene likhak yugulogo yatarek mene andoma ninggi logogun.

YEREMIA 5:31

Andi re it ap nabi nen he ineranhogo wene igik, nen it imam en he inendawimo nen anggaluk hilingisugun mene nek hilingitik ugunem, hit An nagainafuri nen ogore ariginik mene andoma faget hinagaiyekhogo nek hilingiti lagep. Oba nen he hobuk wurep kobok i wesigin oba re hiren ninggi'nogo mene ekhe hilingisugun nogo?” iluk ikhe o,

YEHEZKIEL 44:10

Tuhan ane an noba ikhi logolik, ”An nen ap Lewi mene unggum wogisagain andi re it ap Israel mene ekhe An heraknobagaluk tugwi kembu fogerari'lagwi mene andoma inomat mangorogo unggum wogisagain.

YEHEZKIEL 44:12

Oba nen he, iren afuni Israel mene inobaget mondogat tugwi kembu fogeratu mene hilingiti lagaukwaba, afuni Israel mene yebet fakhagama re, weak meneba ke'nokhogo weak mene elema lisogo woginarek kwikhe andi, arigini'mo re An Tuhan Lego Mondok welagirek mene nen nane hombuk palhi logolik, it andi mondogat unggum wogisagain o, iluk igi andi.

HOSEA 1:4

Ta'lagaikhemo, Allah nen mel yaganete: ”At Yehu nen inebe hokhorogo o enu Yizreel andoma inamep wulagaisogo inoatikhe andi nen he, an nenggi welagi'legat wene Yehu Israel mene inoe raja werek andi oba fembik he, Yehu nen tagomangge mene re inebe raja menlaga logoinogo iluk, legetfisagain o. A'nogo hilingfisagain andi nen he, hamlogo ari enu re Yizreel salino o.

HOSEA 10:10

An nen afuni weak enek hilingiri'lagwi mene andoma inoasi kwikhi logolik unggum wogisagain. It inunggulenu amu mene re inebe misik sebe iluk it inom weim yafi logogun, nen it inebe re inaweak hokhorogo hilingiri'lagwi mene andomaba unggum wogisagain.

HOSEA 12:2

Yi'nogo ti'nogo ap Israel mene nen huberen pikhit hubanggo hilingiri'lagwi mene andoma re, alomarogo nek hilingiri'lagwi, obaburugwi re sogoi timur fikhiren furogo legetfikherek hak hilingitik, inobabut haferogo nek inaniniba hilingitarek mene andi it inanggele'ma nen hokhoabet fili'lagwi. Iren he it afuni Asyur mene inom sebe'luk, ninom hundik logouwogo iluk wene wat-wat uogeluk enegengge re minyak wokhagaresik o Mesir logoin iluk hilingiri'lagwi,” ikhe.

HOSEA 12:3

Tuhan he wene unggulenu Yehuda mene inom werek, Aren it Israel mene ogo it inobabut oba unggum wogisagain. Nen Arenat it inobabut hilingitarek oba ambisangma hilingfisigik igin.

HOSEA 7:2

Iren ina'mageba hilingiri'lagwi mene andoma faget An nen eberisagain mene a'nogo inendawimo eberi'lagwi lek. Oba nen he it inaweagen sebelinafunem An nen weinamat isikhi lagi.”

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

HOSEA 9:15

Tuhan nen ikhi logolik, ”Iren weak mondok hokhorogo hilingiri'lagwi mene andoma re, o Gilgal en eroratukwa. A'nogo hilingitukwa andem huli nen An nen it inoba nabit anggugu mene a'nogo eroratigi. Nen, iren ina'mageba hilingitarek mene andi nen An nen o An nanggweang oba yoma nen mugisogo wulaginabigin, An nen it inoba nendawi hundik hilinginabigin lek; it inogogwi ferinarek mene andoma mondogaren he, An nane oak sagalogo mondok hilingiri'lagwi.

HOSEA 9:9

Hiren hinobarogo mondok hokho mene fikhi lagep mene andoma re, afuni o Gibea mene nen hilingiti lagaukwa hakhogo hilingiti lagebo, ma re hit kwanirogo hilingiti lagep mene andoma Allah nen ebethambik he, hinaweak oba unggum wokhisagain.

ZAKHARIA 1:6

An namingmingengge nabi andoma inebene nen An nen wene melalek inom, yi'nogo hilingi'no, ti'nogo hilingi'no iluk werek mene omanogo inom hit hinombalak inoba yagaisikhi lagagi. Oba nen iren herakfisaluk hilingiti lagaukwa andiba re, ambisangma aga lagaikhe mene andoma saburikhi lagaukwa. Andi nen iren nit ninobaburen hilingito iluk inendawimo waraluk he, An Tuhan Nomame Mondok Hokho mene a'nogo nen it hilingitu mene onggo, An nen hilingisigin mene iluk wephogo fesigi mene a'nogo it inoba hilingfisugu mene faget fageti lagaukwa o,” iluk yagaisano, yaganete.

MATIUS 15:14

Ineilenggen mum logoligat he, kwe lit haluk laga halok herakfisani o. At ekhe eilenggen mum mene nen, at ekhe a'nogo eilenggen mumat mene yagati logolik he, Kwe yi kwe lou o, iluk enggi fagaisogo waluk lagain halok he, emberegat foluksek i kalok wagane'ma pile hela pugun o,” iluk yagaisasikhe.