HOSEA 4:2 - Allah Wene Fano Wene Hupla Inane

² Iren hilingiti logogun anggaluk hombuk pali'lagwi oba nen, ili'lagwi mene higithogo hilingiri'lagwi mondok lek, it he ineranen wene igik, ap inoatik, yogot wanhik, pabi lagik, hilingitunem weak mene omanogo ekhe inom hilinglarik laga logolik, ap watu aple nek ekhe inom inoarik lagu mondok werek.

HOSEA 4:2 ပူးပေါင်းရင်းမြစ်များ

KEJADIAN 4:8

A'nogo yagatikhemo, at Kain nen agot Habel mel yagatikhe, ”Nemberek yabumo louwogen eme o,” iluk yagatikhesik, arat yabumo lagaukwasik he, Kain agot Habel warogo sebelfesikhesik, ebe pinggi watikhe.

YESAYA 24:5

Afuni nen Allah ane sagalogo fagarek andiba inom, nen iren At Tuhan inom wene mondok-mondok logogin mene faget watukwa mene a'nogo taganhogo hilingiri'lagwi andiba inom, andi nen iren wene melalek werek mene a'nogo taganet fili'lagwi andiba inom kweangma amben mondok weak mene sang igin.

YESAYA 48:1

Hit ap Yakub en tagomangge mene yi sani, nen Yehuda nen tagomangge meneba nen hunggulenu Israel mene salogo welagen mene yi inom he hinesanggo fanorogo holini o. Hane nen he At Allah re Israel mene ineisena iluk ikhi lagen, nen Tuhan enuba hombuk palhi lagenat. Meneat he hat hane ikhi lagen mene andoma re eberogo ikhi lagen lego.

YEREMIA 51:5

An Tuhan Nomame Mondok Hokho mene, Israel mene ineisena Allah Horek welagi mene a'nogo nen he, Israel inom Yehuda inomen An neilhanem weak hilingitaba nen he An nen it oboget isaluk lagain mondok lego.

YEREMIA 6:7

I elesi wulabi wagarek oba nen i eil fano mene wulabi wagarek higit, o kota andiba nen he inanini weak mene nek enggen palogo wulafu welagaikharek. O andiba nen he ina'mageba hilingfisagarek mene inom, inenggi abisak helagarek mene inom andoma nek hilingitunem An nen nesanggo holhi lagi. Inoumo inom inagap oba ou werek mene inom yikwe tikwe were'ma nek neilenggen hikhi lagi.

RATAPAN 4:13

Oba nen it ap imam inom nabi inom inaweak oba re andi mene mondogat hilinglaga. Iren he ap weak hilingitu lek mene omanogo inoatama hilinglaga andi.

YEHEZKIEL 7:23

O kweangma mondogat oba weak peak igin, yi kwe ti kwe ap inoatik, inaniniba hilingfisigik, hilingitarek men nek sagarek logogin.

HOSEA 10:13

Oba nen a'nogo hilingisu mene werek kwelek haren agaumhogo amu mene hilingiti lagen, haren weak aple hilingitu mene faget enek hilingiti logolik, enggen ugu hakhogo re katokhogo hilingitarek lek mene a'nogo palhi lagen. Hat he hane heranhogo ugu meneba enggen ugu palhigik, ninggik,” ikhi lagen. Tuhan nen ane nekhengge ikhi logolik, ”Yago hit hinunggulenu Israel mene yi! Hiren he inangge kereta weim yafi lagep mene omanogo inom, nen hinagoromi sikhe fisogo inap hokho-pokhorogo werek omanogoba inom, inoba himbiret fuluk logolik hilingiti lagep,

HOSEA 10:4

Iren he inane nen weregaberik lagik, ineranhogo weneba wene watik, wene watu mene andi eberogo mene re lek oba nen, hilingiri'lagwi. Wene melalek he iren agaum-fagaum hugunem katokhogo hilingitu mene a'nogo re yabu fano waganek enggeba omirik arikweak mene wiliferek hak sebelogo fili'lagwi.

HOSEA 12:14

Tuhan nen ap nabi misik ekhe ap Israel o Mesir hele warek were'ma nen woginarek wilibimbik halinafi logouwageluk lakfesikhe.

HOSEA 6:8

O kota Gilead oba andoma re ap anini weak inom ap ware mene inomen hoborek werek.

HOSEA 6:9

It ap imam-imam o kota andiba werek mene re afuni ebekhalem lagunem kagalfisaluk inangge telugu mene esa logalhigik werek andi higit werek. O Sikhem ebekhalem obalik hore'ma lagaikharek oba andoma nen ogore iren kwe palfuluk ap inoari'lagwiat. Iren inoari'lagwi mene andoma mondogat he yi'nogo hilingisugun iluk wenggelogo fuluk inelu logoligat hilingiri'lagwi.

HOSEA 7:1

A'nogo isikhesik Tuhan nen ikhi logolik, ”Hundik-handik An nen nagainafuri Israel mene inebe fano hilinginafik, inambotkwe pugunhogo fisigik, hilingisigin iluk hilingitu sambul aremnogo isikhi lagimo re, weak hilingisugun mene inom, inaniniba hilingisugun mene inom enek hilingiri'lagwi. Iren he, ineranhogo wene lalalengge hilingitik, afuni inaiba yogot hinasi kwigik, ebekhe kwe nen telogo heligik, hilingiri'lagwi andi.

HOSEA 7:3

Tuhan ane ikhi logolik he, ”Afuni holhu mene nen ineranhogo wene lalhigik raja inom at agoromi at a'ma yabu hilingiri'lagwi mene inom inendawimo inagaiyeget fisogoin iluk hilingiti logolik inobabut hafeba hilingiri'lagwi andi.

HOSEA 7:4

It inebe mondogat he ap alomarinafarek mene logolik tiphogo hilingiri'lagwi lek mene. Werek It inendawimo inabit anggaluk hilingiri'lagwi mene andoma re, ap roti hilingitu mene nen, aren mulelherek mene a'nogo oan fougeti le'ma nen endu amuloget figi'legengge werek a'nogo hak hilingik.

MIKHA 3:2

wene higithogo hilingisu mene hinabit logolik weak hilingisugun mene nek hinamolorogo hilingiti lagep andi. Hiren he afuni an nunggulenu mene omanogo ineluk werek kwelek inagap nonggolinapluk, inoak oba nen ineino sabelhigik fisikhi lagep.

MIKHA 3:9

Yago, hit ap kaindek afuni Israel mene inobaget welagep hinap yi sani, an nen nane igin mene andi re furogo holini o. Hiren he afuni inawene katokhogo palinafi'legengge hilingfisikhi logolik, agaumhogo re weak mene nek hilingfisikhi lagep.

MIKHA 6:10

Ap inanini mondok weak mene inaiba andoma re inangge yi mene ti mene inane nen lalhigik helagarek mene werek. Iren yi mene ti mene enggin walhikhi logolik, ilirengge ebe mene werek kwelek taganhogo walhagarek mene andoma re, An nen nabit anggigirek mene hilingiri'lagwi andi nen he nonggorasigin lego, Ap a'nogo hilingiri'lagwi mene andoma re An nen unggum inoba fagain.

MIKHA 7:2

Afuni inobabut higithogo nek hilingitarek mene re o kweangma yoma nen lek agaikha. Nen, ap Allahba tiphogo hilingitarek mene re ekhe were'ma isikhi lagi lek. Afuni inebe lombogen he it ekhe mene inoasugun iluk nenangorinafu mondok werek. A'nogo hilingiti logolik it inebe seberogo re inagaila'lak ekhe ke'nok uageluk yebet fisili'lagwi.

ZEFANYA 3:1

O kota Yerusalem hebak inafe asu hak mene Tuhan ane sagalogo fuluk weak hilingitik, nen afuni o andoma werek mene inoba enggin-fenggin fisugu welagik agarek awi andi re, homan ugu mondok logouwak!

ZAKHARIA 5:3

Iluk yagatimo, aren an noba yaganeti logolik, ”Buku andiba re o kweang yiba homan ugu werek mene faget palek werego. Nen, abel fena fikhit he afuni yogot wanharek mene inebe mondogat he o kweang yiba nen mugusogo wulakfisagain mene faget palek werek, nen, endenogo abel fena fikhit he afuni yugunat hombuk pali'lagwi mene re mugisogo wulakfisagain mene faget palek werek.

ZAKHARIA 7:9

”O attak andoma nenat tahun mondok hokhorogo hilinglarik wagaikhe andomaba nen engge An nawene melalek yi An nagainafuri mene inoba yagaisilik wagirek andi. An nen yagaisikhi logolik, ’Hit hinobabut higithogo nek hilingitik, hinendawi hundik hilinginafik, hinagaila'lak hinom nendawi-hendawirogo welagik hilingiti logoino o.

MATIUS 23:35

Andi halok he, it ap inobabut higit hilingiti lagaukwa mene, inamep wulagaisogo inoarik wagaukwa andi, huli ero Habel obabut higithogo hilingiti lagaikhe mene oe nen watikhe andiba nen pikhit, huli wurep oba, at Berekia amlogo Zakharia andi Allah awi wurik honggolek, Allah anggo warogo endu noleti lagaukwaba honggolek, tulem watigip andi huli, it mondogat inamep hit hinoba lombok hinenggiba werego.

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.

ULANGAN 5:11

An he hit hineisena Tuhan Allah welagi andi nen he, afuni ekhe An nenu we tulemat ikhi logogun mene andi unggum inoba fagain enggere, An nenu alomarogo ikhi logogun mondok lego.

ULANGAN 5:18

Pailak hilingisu fuk.

ULANGAN 5:19

Yogot wanu fuk.

1 TESALONIKA 2:15

It ap Yahuri mene nenat, it ap fageat Allah ane yagaisikhi lagaukwa mene inebe inoatik, ninoe Enupogot Yesus ebe watik isukwa hagat, nit yi enggin ti enggin hilingninabi'lagwi andi, Allah nen fano iluk anggikherek lek. It andi afuni inom weak enek logolik,

WAHYU 17:6

Nen, he andi nen, Allah againafuri mene inom, Yesus ane yagaisilik nikharek mene inom, inoatikhe mene inamep ninggesik, afuni nen anggur enggen amusu naluk lugulugwi palik agaikharek andi hak, lugulugwi palik agasik were'ma yethigi. A'nogo yethigirik hokhorogo fogerati.