HOSEA 4:14 - Allah Wene Fano Wene Hupla Inane

¹⁴ Oba nen he, An nen, it hilingiri'lagwi mene andoma faget unggum wogisagain lego, andi re, hit oba nen ogo re, laluk, it uang herati logolik pailak hilingiri'lagwi mene omanogo inambit kembu awi wurikwe andoma yabu hilingitunem hinom hambenan hilingisi laga lagep. A'nogo hilingiti logolik hiren it hinom seberogo fugungge omanogo kembu dewa faget nologo fogerati lagep. A'nogo hilingiti lagep mene andoma faget wene aben ikhi logolik: ’Afuni inunggulenu Allah ebe werek mene faget wenggelhi'legengge hilingitarek mene andoma re ibi-eberogo nen he it inebe alomat lakhogoin o,’ iluk agarek.

HOSEA 4:14 ပူးပေါင်းရင်းမြစ်များ

1RAJA-RAJA 15:12

It afuni uang helouwogeluk yanani hilingitarek mene kembu dewa werek kwe welagaukwa mene omanogo re aren mugusogo wulak fisasikhe, nen it raja-raja attak melalinafi lagaukwa mene nen kembu wutukwa mene omanogo o kweang andomaba nen mondogat leget fisigik isikhe.

2 RAJA-RAJA 23:7

Nen, o Tuhan awi senggelek ekheba re, it afuni ekhe nen inandugwi fogerati logolik hemi hesangge hilinginafik, ap-ap hilingitik, it ekhe tugwi kembu Asera faget hilingiti logolik, su labeti logogun mene faget, hemi ekhe nen kwatik, ikhi lagaukwaba a'nogo, meisa' lambukhogo wulakfisasikhe.

AMSAL 28:5

Ap Allah inonggot mene nen he ebe wene faget futfagarek mondok lek, oba nen ap Tuhan fogeratarek mene nen he ibi-eberogo nen fut fagarek.

YESAYA 1:5

Hiren Allah ebe ninabit iluk ugu mondok logogun andi re ninggi'nogoluk nogo? Weak hilingiti lagep andiba Allah nen wene ninoba fili'lago mene andem he, we endep hak anggikhi logolik hobuk enggin mene ninoba fouwageluk hilingiti lageba? Hinunggulkwe re hinoumo purak mene mondogat sagaikhemo welagep, nen hinendawinggenma wenggelhi lagep mene mondogat he ou agunem welagep.

YESAYA 27:11

Nen, e enggi segelet andoma puga'luk tamulhigik pugu mene re hemi nen e nolhu mene iluk tolili'lagwi. Unggulenu andi mene re yi'nogo ti'nogo faget fut-fili'lagwi le'ma re, Allah it elalinafe mene a'nogo nen he it faget inelaigisambik he endawirinabigin mondok lek.

YESAYA 56:11

It inebe re, mene hugurue mene nen inoba homot fisikherek lek a'nogo hak werek. Ap inogogwi ferinarek welagaikharek mene andoma re fut fili'lagwi lek. It inebe lombogen he inendawimo anggili'lagwi mene omanogo faget enek hilingiti logolik, ambisangma helogoin mene faget heratu welagaikharek.

DANIEL 12:10

Wene yi nen afuni hokhorogo inobabut palhik, inendawinggen wurigabinafik inebe horogo fisigik ikhi logogin o. Afuni weak mondok hilingiti logogun mene re weak meneat hilingitu logogun, we it inendawinggen wenggelek mene nek he ebe ti'nogo faget iluk fut fogoin.

HOSEA 14:9

Hobuk afuni Israel mene nen tugwi kembu fogeratarek mene omanogo herak fisogoin. A'nogo herakfisugunem, An nen it ferinarek logolik, iren nayonggo fugunem inane nesanggo holhi logogin. E engga hokho mene a'ma kun welagarek andi hak, it inebe An nawe a'ma fano sebelinarek logogin. A'nogo were'ma, yi agayo ti agayo enggen iterek hak, yi mene ti mene fano mene andi ero Anat andi nen he, Anenat wogisikhi logogin, iluk An Tuhan nen nane arat igi o,” iluk yaganete.

HOSEA 4:1

Tuhan he, afuni o yi werek mene inom wene werego. Enggere Israel mene yi sani, Aren ane ikherek mene andoma furogo holhi logoni o, ”O kweang yiba re tiphogo hilingitu mene inom, inendawi hundik hilingitu mene inom werek lek. It afuni oma werek mene nen ogo An Allah iluk eberogo inambeba nen fageri'lagwi mondok legat.

HOSEA 4:17

It afuni Israel mene re tugwi kembu nen inendawinggen ninggemo re, it he herakfisani.

HOSEA 5:4

It Israel mene inaweak hokhorogo hilingiti lagaukwba re it inebe inambotkwe sugulogo ineisena Allah oba wesu re elo'lek hilinglaga. It inebe re tugwi kembu andoma nen mondogat pik pugerisikhemo re Tuhan a'nogo faget ebet-higi'legengge hilingiri'lagwi andi.

AMOS 2:7

Iren afuni inomame lek yi'nogo ti'nogo ekhe hilingsu lek mene ineisogen tandamerisigik, afuni inangge inelagaik mene filikhogo wulakfisigik, agarek andi. A'nogo hilingiti logolik, ap ekhe amlogo emberegen he helime silerik ekhe inamingmingengge nom werek mene re it emberegen fakfisaluk pailak hilinginabi lagwi andiba re, an nenu weagerogo fagarego.

AMOS 7:17

Tuhan nen ikhi logolik, hat hagwe re yanani hilingirik nugu mene hilinglasimbik, o kota kwe andoma yugunat hilingirik nikhi logogin. Nen, hat hagainafuri re inebe weim oba nen enek inoasugun. Hat hanggweang he ap amu mene inoba sumburisogoin, nen hat hebe re o kweang afuni Tuhan inonggot mene were'ma andoma nen wa'lasigin o. It Israel mene re inawi eroma nen yatma andoma woginapluk lakfisa logoin o,” iluk wenagetikhe.

BILANGAN 25:3

Ap Israel mene kembu Baal a'nogo o Peor andoma nen fogerati lagaukwama, Tuhan a'mage hokho mene lagasikhesik Musa oba ikhi logolik he,

YOHANES 8:43

A'nogo wagarik, wene yagahisikhi lagi mene hit futfigi'lek welagep andi nenahalok. A'nogo welagep andi re, an nane holek logou hinabit andi nen o.

ROMA 3:11

Nen, afuni wene futfili'lagwi mene ekhe legaro. An Allah nebe furogo inelu asuogeluk hera'nabi'lagwi mene ekhe legaro.

1 KORINTUS 6:16

It ap hemi inobabut yanani mene andi inom huni'luk he, inebe misigat agaikharek, iluk he, hinonggot nogo? Allah nen ikhi logolik, ”It inebe pire meneat he, hobuk misigat hilingla'luk logogun o,” iluk isikhemo lisu palogo fesukwama werek andi.

EFESUS 4:18

inendawimo mumat werek. Inendawinggen helep hangge abirengge nen he, fano wene inonggorat logolik, Allah nen afuni inelugerinaferek mene a'nogo inom hundik lek it ekhe mene welagaikharek andi.

ULANGAN 23:17

Hit afuni Israel mene ap ogo, hemi ogo tugwi kembu awi wuri'mo andoma laluk, hambenan hilingisi la fugat.

IBRANI 12:8

Yenggerugwi inebe mondogat komorinafarek enek andi hak, hit ekhe komothinafi'lek halok he, hit at againafuri ebe mene fugo. We, hesanggemalik tago mene welagebo o.