HOSEA 4:13 - Allah Wene Fano Wene Hupla Inane

¹³ Kembu fogerati lagep kwe andoma re, punu-punu ambolkwe inom tom ambolkwe inom, hiren at kembu faget warogo nolfuluk amben fano mene omanogo e ero hokho mene a'makwe andoma re, kunmo mondok sakhore'ma iluk nolhi lagep. Oba nen ambisangma re ninggi'nogo hilinglari'logo nogo? Hina'logomi omanogo hambenan nilik nikharek mene nek ari'lagwi, nen hineamal hemi omanogo re, pabi nek nili'lagwi.

HOSEA 4:13 ပူးပေါင်းရင်းမြစ်များ

2 RAJA-RAJA 17:7

It afuni Israel mene re ineisena Tuhan Allah nen raja Mesir mene inenggimo nen fikhalogo wulakfisa wagik, o kweang andiba nen woginarek wulibi wagik, hilingitikhe mene a'nogoba weak hilingitukwama o Samaria a'nogo ap alek mene inenggiba agaikhe andi. Iren he kembu ilah amu mene fogerati logolik he,

2 RAJA-RAJA 23:7

Nen, o Tuhan awi senggelek ekheba re, it afuni ekhe nen inandugwi fogerati logolik hemi hesangge hilinginafik, ap-ap hilingitik, it ekhe tugwi kembu Asera faget hilingiti logolik, su labeti logogun mene faget, hemi ekhe nen kwatik, ikhi lagaukwaba a'nogo, meisa' lambukhogo wulakfisasikhe.

YESAYA 1:29

Iren e meneba apne wanhik, yabu kembu dewa inobaget wesa figik, hilingiti logogun mene andi re hobuk inenggali asugun.

YESAYA 57:5

Hiren kembu dewa heiselherek mene apne wanhi logolik hit hina'mage lagagu mene a'nogo wokhinarek hinagayo-wesagayo erokwe andoma loageluk herakfisikhi lagep. Hiren at faget iluk hinagainafuri wathigik he i fanggongkwe inom helep honggolek elekwe inom, salinafi lagep.

YESAYA 57:7

Hit tom unggulkwe laluk hinanggembu endawimo fanorogo iluk warogo wogetik, nen, aganhan hinaferek mene a'nogo hinoba homorogo iluk hilingitik, ikhi lagep.

YEREMIA 2:20

Tuhan nen ikhi logolik: ”Hit An namingmingengge logolik, noba lomborogo logou hinabiren, nane hologo fogetnafi'lek endamaren wulifigip andi. A'nogo wulifigipsik he, tom hokhondek mene unggul uan meneba lagagik, e engga hikweak mene erokwe fanokwe andoma lagik ikhi logolik, tugwi kembu nen muliraterek mene iluk fogerati lagep andi.

YEREMIA 3:13

We haren fageti logolik, An neisena Tuhan Allahba weak hilingitik, Ane sagalogo figik, ikhi lagi iluk fagesigin andi fano o. Nen, haren fageti logolik he, An he e engga hikhogo wilibik mene a'makwe andoma nen tugwi kembu it inunggulenu amu mene nen obaget hilingitarek mene omanogo ninom pailak hilingiti lagi o, nen neisena Tuhan ane hologo hilingiti lagagi lego, iluk fage'no. Nen An Tuhan nane mondogat igi o,” iluk yagaisalan ikhemo yagahisa wagi o, isikhe.

YEREMIA 3:6

Yosia raja logolik ferinarek welagaikhe andem oba re Tuhan ane an noba yi'nogo isikhe, ”He ekhe agun inom lomborogo werek lek mene Israel andi nen hilingiri'lago mene andoma hat he heilenggen mondogat hegen a? At he An oboget nealuk punu unggulkwe andoma inom, e engga hikhogo wilibik mene erokwe andoma inom, hambenan hilingirik nikho a'naga o.

YEREMIA 44:8

Nenahalok hiren he, An na'mage lagau hak mene andoma nek hilingiti lagep nogo? Hit wagagip he, o Mesir hinonggotma omanogo logolik, hiren kembu wutik, o kweang andiba kembu dewa omanogoba yi mene ti mene fuluk wogotik, hilingiti lagep andi! Hiren he hinonggwaregen weagerogo fakhikhi lagep oba it afuni inunggulenu ekhe mene ekhe mene kweangma yoma werek mene mondogaren li'not hinafi logolik, hit hinenu re, ap homan fisagarek mene ikhi logouwageluk hilingiti lageba?

YEHEZKIEL 16:16

Hasu fenakwe re tugwi kembu fogeratu mene faget alilingge waganogo kologo fikhi lagen. Hat hebe re onggo helageluk yanani hilingitu mene agendik logolik he ap mondogat omanogo melagisikhi lagen.

YEHEZKIEL 16:25

Hat heil alili fano mondok a'nogo honggwaregen weagerogo fakhegen. Hebe re ap ekhe ebekhe lagik wagik agarek mene omanogo inoba hane kino weak hilingnapni iluk kinoti logolik mondok welagen. Haren henggi ekhe kamo igi'lek hundik-handik babi hilingitu mondok welagen.

YEHEZKIEL 6:13

Inebe warek he tugwi kembu anggelekwe inom mezbah anggelekwe inom, hesangge-pesangge hugisigik, punu uan mene ebene andoma hugisa lagik, tom uan mene helang alemkwe andoma inom, e hokho mene erokwe andoma inom, we eil horokhogo re iren kembu obaget warogo noli'lagwi kwe andoma inom, hesangge pesangge telfol isamo andoma logogin. A'nogo hilinginabigin andiba re afuni inebe lombogen he An nebe it ineisena Tuhan welagi mene a'nogo inelu asugun.

HOSEA 10:8

O Betel punuba kembu awi wuri'mo afuni Israel mene nen fogerari'lagwi kwe andoma mondogat wolelenggen isogoin. Iren mezbah wurik mene ebene andoma re engga inom alok-alogengge inom wulibigin. A'nogo wulifunem iren inane tom andomaba kweti logolik, ”Nit salninabime o,” igik, nen punu-punukwe andomaba woleti logolik he, ”Nit sebelninabime o,” igik, ikhi logogun.

HOSEA 11:2

Oba nen An namlogo andi ekhe inom woletu were'ma re ekhe inomat At ebe an noba nen hebekhogo nobagaluk eil uan arik laga-laga. Aren he wam, yi mene ti mene tugwi kembu Baal faget inom, kembu ekhe mene faget inom, warogo noletik, amben fano mene dupa noletik, ikhi laga.

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

AMOS 7:17

Tuhan nen ikhi logolik, hat hagwe re yanani hilingirik nugu mene hilinglasimbik, o kota kwe andoma yugunat hilingirik nikhi logogin. Nen, hat hagainafuri re inebe weim oba nen enek inoasugun. Hat hanggweang he ap amu mene inoba sumburisogoin, nen hat hebe re o kweang afuni Tuhan inonggot mene were'ma andoma nen wa'lasigin o. It Israel mene re inawi eroma nen yatma andoma woginapluk lakfisa logoin o,” iluk wenagetikhe.