HOSEA 3:4 - Allah Wene Fano Wene Hupla Inane4 A'nogo yagatigimo At Allah nen he, ”Andi hagat afuni Israel mene inenggi hokhorogoat inoe enupogot inom, inogogwi kaindek at enggi ebekwe mene inom, le'ma logolik, wam warogo An nolnetik, afuni inalik hilingik mene oba himbirik logouwogeluk menegeisogo figik, tugwi kembu fisogo welagik, hobuk hilinglasigin mene faget inelu asuageluk hilingitarek mene fisogo welagik, ikhi logogun lego. အခန်းကိုကြည့်ပါ။ |
HOSEA 3:4
44 ပူးပေါင်းရင်းမြစ်များ
At a'nogo hilingitu kwelek aremnogo anggembu a'nogo at he Rahel en waganogo unta amboroba lageluk logolik, talogo hu'lari lagongge a'nogoba elelema kwelagaisogo hinakfesikhesik, he Rahel ebe no a'nogo sebelogo amboloba hurek welagaikhe. Hurek kwelek at Laban en olokwe mondogat heratikheba nen elokhoma agaikhe lek.
At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.
At Yosia nen, wene Allah nen, ”Yi'nogo hilingiti logoin o, ti'nogo hilingiti logoin o,” iluk komotninafikhe wene lisu palek at awi wuri'mo were'ma, ap Allah eisewerek inoe kain Hilkia nen heratikhe mene a'nogo higithogo tegelik lagaikhesik, hobuk afuni heinogengge mene inom, wesagun mene inom mondogat o Yerusalem welagaukwa mene inom, o Yehuda ba ekhema-ekhema welagaukwa mene inom, mugusogo o ale'ma lakfisasikhe. A'nogo lakfisasikhesik, hobuk aren tugwi harenggen inawilokwe fisogo welagaukwa mene inom, tugwi kembu ekhe mene inom, yi mene ti mene mondogat fogerati lagaukwa mene felelenghogo leget fisigik isikhe.
hun Raja Asa ambit lagaikhesik aren ikhi logolik he, ”Noe raja Asa hebe inom, it afuni Yehuda mene yoma inom, Benyamin mene inom, hinesanggo fanorogo holini o! Hit hinebe Tuhan hinom horokhogo welagep halok he, At ogo hit hinom horokhogo werego. Nen hiren nit yi ninggi'nogo hilingisugun anggaluk kino ugun halok he, Aren ogo onggo higithogo lebethisikhi logogin aro. Oba nen he hiren At a'nogo hinonggot a'luk hilingitep halok he, Aren ogo hit hinoba onggoret hinobagaginat.
Iren he su amik oba sebelek mene enu efod inom, su jubah endakwe laberek mene inom, ebe su inenggi nen selebensek mene inom, ungguloba puksek mene inom, karisilak itu mene inom kwasuageluk yagaisano. Su andoma re hat hoe Harun faget inom at againafuri inobaget inom, iren inebe imam logolik An nobaget hilingiti logouwageluk palugun.
Kwe ambe hokho mene palek kwe omanogo mondogat he kweang en salhe, e nunggulik sobangsek mene omanogo sombologo pikhe; raja ebe inom, it pemerintah ba yabu legoma hilingitarek inap omanogo inom he, mondogat huginabi lagaukwaba omanogo lagaikhasik werek. Tuhan awene melalek omanogo yanggulinabi'lagwi lek, it nabi re Tuhan nen ogo husumbi ekhe yagaisili'lago legat.
Raja Babel mene andi re e kagalek meneba enegenggerogo palogo fogoin oba andem mendek logouwak. A'nogo logolik he aren ebekwe kikwe nen lagain iluk yaganesuageluk he anggembu omanogoba kino yagatik, togengge agam-fagam isigik, wam warogo kembu faget fugu mene omanogo senggelogo endawinggen oba obabut palhik, hilingiti logouwak.
A'nogo hilingiti logolik he aren ap sikhe fisogo inap esa o Tuhan awi wurik mene a'nogo emetfouwageluk lakfisikhi logogin. A'nogo lakfisugunem iren he wam yi mene ti mene linggene hundik-hundik warogo wogetu mene a'nogo leget fuluk he mondok inamel-mel mene wiik-weakhogo hilingfisaluk nongot fisagarek mene andi hilingiti logoni o, iluk ane menfikhi logogin.
Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.
Afuni nen tugwi kembuba inom heinogenggeba inom yaganisoageluk kinotarek oba nen onggo yagaisagarek mene re ebe agi'lek ineranhogo wene saburagarek. Nen, ekhe inabikanggo hugu mene faget ebe yi'nogo iluk inendawimo wenggelogo tindelisagarek oba nen, iren inendawi wenggelogo iluk agarek mene andoma afuni hesanggema nalfisikhi logolik agarek, nen, iren inendawimo ago warogo iluk yagaisagarek mene ogore, ebe lek kwelegat agarek. Andiba re, afuni holhu mene omanogo re, domba longgo ugunem nalek-falek ikherek hak hilinglagaikharek. It inoe inebe ferinafek mene legen he inendawinggen nong-hong iluk enggin-fenggin hugu welagaikharek andi.
Inenggi andi sambul he o kweang yiba tugwi kembu enu werek mene andoma re An nen horogo leget fisamo, ap misigen iluk ogo eberek logogin mondok lek. It afuni nen an nebe nabi iluk agarek mene andoma inom, nen ap munggwarengge inoba louksek logolik hilingitarek mene andoma inom, An nen mugusogo wulak fisagain.
Afuni fena re, karok oba inoatik, fena re, hele warogo o yi awi ti awi fisa lagik, ugun o. Nen, o kota Yerusalem ari, afuni endakwe mene ineisogen alperelogo fembik, o sebeli kwi wesimbik logogun meneat he, mondok sebelek logogun lego. We, Allah nen, It afuni endakwe mene, o Yerusalem huli andi hulibaat sebelek logogun, iluk anggasikhe higithogoat logogun o,” iluk Yesus nen yagaisasikhe.
iren inane ninghogo paksilak ikhi logolik he, ”Ebe wa'no! Wa'no! Eba menfembik wa'no o!” isukwama, at Pilatus nen he, mel yagaisasikhe: ”An nen hit hinoe Enupogot yi eba menfembik wasuak anggikhi lagep?” iluk yagaisasikhemo, it ap Allah eisewerek inogogwi kaindegen he, mel yagatukwa: ”Nit ninoe enupogot ekhe lek. We, Kaisar alegaro,” iluk yagatukwama,
Ap fuaben mene it tak ineil penesi lagaukwa mene aremnogo nen he, it inagaila'lak inoba yagaisikhi logolik he, ”O misik ekhe andomaba re tugwi kembu no perak oba agut hilingisogo hilingita mene werek engge andi re hinelu a? Ekhe amu mene alik hilingik inomat werek, nen no efod ogo andoma weregaro. Enggere niren ninggi'nogo hilingisugun iluk andi re hinendawinggen ebe'no,” iluk yagaisasikhe.
A'nogo wogosi wagaukwama walhasikhesik, at Gideon nen emas andi mene tugwi kembu ekhe tugwi wutarek andi hak wutikhesik, at aiba kota Ofra andoma fesikhe. A'nogo wurogo fesikhemo afuni Israel mene inendawinggen tugwi kembu andi oba himbiretfuluk fogerasi laga logolik, Allah oba inonggoret fuluk welagaukwa. At Gideon a'nogo hilingitikhemo hilingiti lagaukwa andiba, at Gideon againafuri inom paik hele fugunem ke'nok ikherek andi hak ke'nok isukwa andi.
(Andi sambul, su enu efod ap Allah eisewerek logolik, labetarek mene a'nogo ap Ahitub amlogo enu Ahiya andi nen labe'luk lagaikhesik welagaikhe. Ahitub amlogore abo Ikabod Pinehas agailak a'nogo amlogo, nen Pinehas andi re, ap Eli Allah eisewerek o Silo welagaikhe mene a'nogo amlogo.) Nen at Yonatan andoma nen lagaikhe andi, it ap tentara mene omanogo inonggorat welagaukwa.
Nineisena Tuhan ane sagalogo fulak inom weim palek logolik hilingitarek mene andi re, hugurue nen afuni ekhe onggolek inoatarek andi hangge aro. Nen, inonggwaregen fogerakhagarek andi re, tugwi kembu fogeratarek hangge aro. Andi nen he, haren nineisena Tuhan Allah ane sagalogo hilingiten andi nen, Aren he, hat hebe kain raja logogin lek, iluk ikhe andi,” iluk yagatikhe.
A'nogo heinok wokhasikhemo at Ahimelekh a'nogo nen onggo yagati logolik, ”An he Goliat ap Filistin agun haren o Ela tonggoma nen watigin mene a'nogo enggarok a'nogo nek fisogo welagai o. Nen karok ebere no efod it imam lagen ina'mi'mo porek engge a'nogo ambotma yeligengge werek andi. Yoma re we misik andi nek werek enggere hat wanigin hamolo halok he wanin o,” iluk isikhemo at Daud en ikhi logolik, ”Karok andi re o mondogat yomaba nen he we andi nek he mondok fano mene hilingi'mo re an wo'nom o,” iluk isikhe.
Andiba re, Saul en hun Doeg oba yagati logolik he, ”Weak-weak haren it inoasin!” iluk yagatikhemo, at Doeg a'nogo weak-weak siakhogo menla'luk laga logolik he, it imam omanogo mondogat inoatikhe. Linggene andi sambul he aren it imam mene inami'mo walimo hak mene enu efod elok isu hak mene inebe lambulogore 85 nen inoatikhe.
ကြော်ငြာတွေ