HOSEA 3:2 - Allah Wene Fano Wene Hupla Inane

² A'nogo yaganetemo, an nen he andi onggo re uang perak mene 15 nen, hombak hangge enu jelai enggen he 150 kilo nen inom onggo figi.

HOSEA 3:2 ပူးပေါင်းရင်းမြစ်များ

KEJADIAN 31:41

An nen 14 tahun hunisogo ha'logomi inebe pire arem faget yabu hilingiti lagagi, nen, tahun falfaligen oba re, wam kambing, domba inom faget eabu wanhi lagagi. A'nogo hilingitu kwelek aremnogo ogo hat nami nen an heabu hilingiti lagagi mene onggo iluk oba nen ogo henggi nomoloba nen agam eten. An nen 20 tahun hunisogo andi a'nogo nek heabu hilingiti lagagi.

KEJADIAN 34:12

Nen, hiren hele ari onggore ti mene ninamolo iluk katokhogo yagane'ni o, nen an he nendawimo ebeti aple andi faget, hiren ogo hele andi helan ugun halok he, nit he onggo yi huli ninamolo ugun mene ogore wokhisagain enek,” iluk yagaisasikhe.

KELUARAN 22:17

Mene athe, hele a'nogo eisena nen, an na'logo ap andi nen wanigin lek ugu halok he ap andi nen onggo re hele a'nogo eisena oba helime ket silerik mene faget iginafi logolik fagarek higithogoat fagain.

YESAYA 5:10

Kweang oba nen enggen ugu palhu mene andoma ambisangma logogin lek, nen anggur yabu leget hokho mene uanhogo 10 hectar oba yago logogin oba nen, we iren enggen ugu re 10 liter enek keralhi logogun. Nen, enggen awi folhu mene re 100 liter meneba nen he anggur enggen we 10 liter enek palhi logogun o,” iluk ikhi laga.

YEHEZKIEL 45:11

Hiren kilo waleti logolik iringik mene satu efa ba ilirengge'luk halok he elonggoma kwalek mene andi re I hangge mene satu bat keralhunam hanggeba keralhi logogun. Kilo a'nogoba walhaluk hilingitarek mene andi re satu homer oba hilingiti logogun. Arigini'mo re hiren kilo waletu mene andoma re yi'nogo hilingiti logogun: 1 homer 10 efa 10 bat inom higitsek.

HOSEA 3:3

Onggo a'nogo figirik, mel yagati: ”Hat an ninom oan sebeti'lek logolik he, yanani nilik nikhi logou fugo. Nen, an ogore, hat nemberek nogo igi'legat logogin,” iluk yagati.

IMAMAT 27:16

Nen, ap ekhe anggweang fena Tuhan faget iluk fugu halok, onggo re kweang andiba awi miren hakhogo yasugun iluk ineil halfulugen fikhi logogun. Nen, gandum 20 kilo faget onggo re uang perak mene 10 nen fikhi logogun.

RUT 4:10

Onggo a'nogo palhi logolik, he Rut aiba Moab mene at Mahlon agwe sogwe andi an wanigin aro. A'nogo wanigin meneat he, kweang andi it ap wa'lagaikha mene andi nen tago meneat eise logolik, inebe eise it meneat logolik he, inawi kota welagaikharek obaat logouwago. Ma re, o yogondak hit mondogat hinebe were'ma igi andi, hinendawimo eberek mondok logoino o,” iluk yagaisasikhe.

1 SAMUEL 18:25

A'nogo yagasi wagaukwama, at Saul en it hobuk Daud mel yagasi loagaluk lakfisasikheat: ”At kain raja nen he, na'logo onggo wo'nesu hak he, an naselei mene Filistin mene inebe 100 nen inoasimbik, inagap inenggalimo mene palogo wo'nesi wesugun andiat namolo o, iluk ikhe iluk yagasi lano,” iluk lakfisasikhe. (A'nogo isikhe andi, at Daud ebe ap Filistin mene nen wasuageluk isikhe andi.)