HOSEA 3:1 - Allah Wene Fano Wene Hupla Inane

¹ Tuhan nen An yaganeti logolik yi'nogo ikhe: ”Haren, hagwe obabut agun oba lomborogo logou abirengge we yanani nilik nikherek mene andi hobuk oba lan o. Lambik he, An nen afuni Israel mene inebe An hera'nobagaluk, hunogo mene faget, Nineisena ebe yi aro, iluk fogeratarek mene andi fogeratik, anggur enggen puk mene werago tugwi kembu fisugu mene faget inamolo welagik, ugu kwelek meneat he, An nen nendawirinafirek andi hak, haren he andi hendawirasi lan o,” iluk yaganete.

HOSEA 3:1 ပူးပေါင်းရင်းမြစ်များ

2 SAMUEL 6:19

A'nogo hilingitikhesik, afuni andoma welagaukwa mene inebe mondogat ap lek hemi lek inebe lombok wam kurik endu enggen oba werago mene inom, sumburu roti mene abirengge ekhe inom, kue anggur enggen mene inom, misi'mo sebethigik wogisilik lagaikhe. A'nogo sumburogo wogisasikhemo inailokwe lombok helaluk lagaukwa.

2 RAJA-RAJA 13:23

Oba nen he Tuhan en At againafuri inobaget endawi hundigen endawirinafikhesik, Aren wene it Abraham inom Ishak inom Yakub inom inoba warisasikhe mene a'nogo ebethikhi logolik a'luk he Aren it inebe mondogat leget fisoageluk herakfisasikhe lek, oba nen he, leberisagain iluk hilingitikhesik yogondak huli nen inom Aren againafuri inoba onggorari'logo mondok lek.

1 TAWARIKH 16:3

nunggu mene it inebe mondogat a'nogo inoba sumburogo wogisasikhe. It afuni andem welagaukwa mene aremnogo re inebe lombok ap inom, hemi inom wam weragongge kurik misik inom, roti inom kue kismis inom misiktek higik sumburisilik lagaukwa.

NEHEMIA 9:31

A'nogo meneat he, hat hobabut he, nit afuni hokhorogo hendawit ninafendek andi nen, it inebe herakfisaluk wulil tagalogo legetfisigi'lek welagagin andi. A'nogo hilingitendek andi re, hat Allah hamu aro. Hat hobabut fano nen mondok hendawitninafendek andi.

MAZMUR 123:2

Afuni inamingmingengge nen it inogogwi inoba inendawinggen himbirik logolik werek higit, nen it inamingmingengge helime mene nen inagaisawi inoba inendawinggen himbirik welagaikharek higit, niren a'nogo nek Haren hendawi nisoageluk, Hat Tuhan nit nineisena Allah nenangot hafu welago.

KELUARAN 32:6

A'nogo yagaisasikhemo, it afuni Israel mene ohealek huberat siakhogo re, wam Allah faget warogo endu nolesugun mene inom, nen Allah inom lambuluogeluk waresugun mene inom, waluk wagaukwa. Wagaukwasik enggen amusu ninggik, sumburu ninggik, ikhi lagaukwasik he, inebe menlagaukwasik inendawimo hai en, we, lugulugwi higit palogo yugunat hilingiti lagaukwa.

KIDUNG AGUNG 2:5

Logolik he, an he hat hoba nendawinggen nunggunem ou hikhi logolik welaginggere, an noba anggur amusu enduk mit-mirengge mene andomaba nomamet figik, e apel enggen enduk fano mene andomaba noba set figik, hilingnobagain o.

YESAYA 45:22

Hit afuni mondogat kweangma welagep mene yoma sani! Hineisena Allah re An namuat welagi, amu mene ekhe werek lek, andi nen he hit hinagap telasubagaigen An noba sugulogo waga logoni o.

YEREMIA 3:20

Oba nen he afuni inagagwi nen tiphogo hilingiri'lagwi lek andi hak, haren ogo An noba tiphogo hilingiti lagen legat. An Tuhan nen nane mondogat igi o,” ikhe.

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

HOSEA 11:8

A'nogo isikhesik, Tuhan nen mel yagaisasikhe: ”Hit afuni Israel mene yi. An nen hit hinebe mondok-mondok herak hinobagaluk lagik igin nogo? Mondok elo'lego. An nen afuni Adma mene inebe mondok legetfisasigi andi hak, legethinafik, afuni Zeboim mene hilinginafigi andi hak hilinghinafik, igin nogo? Mondok lego. An nen hit hinebe nendawi hundik mondok hokho meneba hilinghinarek welagi andi nen he a'nogo hilinghinabigin lego!

HOSEA 2:5

Hinagaisa enggali mondok lek yanani nilik nikhi logolik, mel ikherek: An ap ninom nikhi lago mene nen namburu inom, nagai inom, yosi wol mene inom, kain linen su eil puselek weak fano mene inom, e zaitun enggen amusu inom, anggur enggen amusu inom, wo'netarek mene heraginabik inoba lagain o, iluk ikherek andi.

HOSEA 4:11

Tuhan ane ikhi logolik, ”An nagainafuri yi sani, anggur attak mene ogo, ket mene ogo, hiren fanorogo hilingisuogeluk wenggeluageluk mene andoma legaphogo hinobagaikhemo welagebo.

HOSEA 7:5

Linggene raja nen pesta hilingitu sambul he, afuni omanogo nen raja inom agoromi at a'ma yabu hilingiri'lagwi mene inom i anggur agai lugulugwit inabuageluk wogisaluk mondok kemburogo hilingiri'lagwi. A'nogo hilingitunem ambisangma re raja a'nogo it ap weagerinafarek mene omanogo inom inagaiyek-pinagaiyekhogo hilingitarek.

AMOS 2:8

O An nawi wuri'mo mezbah ebe lombok era'lukwe omanogo re, iren su afuni inenggi lek mene inoba onggo hobuk wokhosugun iluk wanharek mene omanogoba talfuluk nogoli'lagwi andi. Nen, it ineisena Allah awi wuri'mo nen he afuni it inoba palegengge werek mene inangge anggur agai omanogo helaluk nili'lagwi.

AMOS 6:6

Hit he, hinagai anggur enggen amusu mangkok oba ambem hetokhogo hinagaisogo ninggik, hinebene amusu amben fano mene warigik, hilingiti logoligat he, hit Israel mene hinebe weaget hinabigin mene andi faget hinendawimo weak agi'lek welagep andi ri!

MIKHA 7:7

Ariginik oba nen, nit he nineisena Tuhan nenangorogo logouwok. A'nogo logolik, ninendawimo nen eberogo anggaluk nineisena Allah yerogo logogun. Nen, Aren he, nit ninane holfuluk telninabigin.

ZAKHARIA 1:16

Yogondak he, An nebe nambotkwe o Yerusalem sugulogo lambik o kota andiba inagap telogo fisa lagain o. An nawi a'nogo nekhengge wusimbik he o kota Yerusalem andi hobuk ambotkwe fanorogo wusugun o,” iluk yaganete.

MATIUS 26:50

at Yesus nen, ”I nagot! Hat nenahalok wagen,” iluk yagatikhemo, it ap omanogo Yesus era'lu wagaukwasik he, ebe mondok fakfesukwa.

1 KORINTUS 10:21

Hit he, ninoe Enupogot agai hinago ninggik, munggwarengge obabut weak mene agai hinago ninggik, ugun mondok lego. Nen, ninoe Enupogot amburu nenggarek oba ninggik, munggwarengge obabut weak mene amburu nenggarek oba ninggik, ugun mondok legaro.

1 PETRUS 4:3

Hit attak he, hinobabut it afuni Allah ane inonggot mene nen inendawimo anggaluk hilingitarek andi hak, arat hilingiti logolik he, weak hinenggali legat hilingitik, hinendawinggen en nunggunem pailak fakfisigik, pailak fakhinobagauwageluk hilingitik, enggen amusu weak mene naluk hinendawinggen lek hilingitik, seni naluk hesangge-pesangge hilingitik, amusu weak mene andi hinoba lagolegat ninggik, tugwi kembu endawimo weak asinogo iluk, fogerasu lek mene fogeratik, ikhi lagagip andi.

HAKIM–HAKIM 10:16

Andi isukwasik he, iren inanggembu alik waganek mene omanogo hugisasukwasik Tuhan apne wanhukwama re, it enggin fengginhogo logolik hilingiti lagaukwa mene a'nogo Allah nen isasikhesik endawi ou hasikhe.

HAKIM–HAKIM 9:27

Ariginik logolik iren anggur enggen yabumo tagani lagaukwasik anggur agai ferelogo i nunggu mene hilingfesukwasik iren seni isatukwa. Isatukwasik he iren he inandugwi kembu apne wanharek oba omanogo nen inamburu ninggik, inagai ninggik ikhi logolik, Abimelekh a'nogo homan fikhi lagaukwa.