HOSEA 2:4 - Allah Wene Fano Wene Hupla Inane

⁴ Hit yenggerugwi yi, hinebe hinagaisa pailak hilingiti logolik takhinafemo re, hinebe nendawithinabigin legaro.

HOSEA 2:4 ပူးပေါင်းရင်းမြစ်များ

2 RAJA-RAJA 9:22

A'nogo ambi agaukwasik at Yoram en heinok wokhiki logolik he, ”Hat he nit ninebikhit mene wagen a?” iluk Yoram en Yehu heinok wokhasikhemo, at Yehu nen onggo ikhi logolik he, ”O yoma afuni nen heinogengge inom, hinagaisa Izebel en kembu fogeratu mene erorate a'nogo inom werek kwelek oma re an nen ninggi'nogoluk hit hinebikhit mene waga lagi nogo?” iluk isikhe.

YESAYA 27:11

Nen, e enggi segelet andoma puga'luk tamulhigik pugu mene re hemi nen e nolhu mene iluk tolili'lagwi. Unggulenu andi mene re yi'nogo ti'nogo faget fut-fili'lagwi le'ma re, Allah it elalinafe mene a'nogo nen he it faget inelaigisambik he endawirinabigin mondok lek.

YESAYA 50:1

Tuhan nen it afuni Israel mene inoba ikhi logolik, ”An nagainafuri yi sani, hiren anggikhi logolik, afuni nen inagagwi mugusogo wulakfisagarek hak, An nen mugusogo wulak hinobagakhi lagi anggikhi lageba? Ariginik halok he, herakhinobagagi iluk lisu palogo fugu mene re koma werek nogo? Hiren anggikhi logolik An nen afuni ekhe inoba onggo wo'nesuageluk hit hinebe wogisigi anggikhi lageba?, ap ekhe eisena nen amlogo ap palegengge kinoterek meneba onggo huniterek hak hilingite anggikhi lageba? A'nogo re lego! Hit hele warogo hukhisaga andi re, we hinonggwarek hinaweak kwanirek mene hilingiti lagep andiba o!

YESAYA 57:3

Oba nen he hit hinunggulenu weak mondok hilingiti lagep mene yoma re hinawene katokhogo palhinabuakhogo re we'ni o! Hit he ap hareise nen hilingitarek mene inom, babi hilingitarek mene inom, onggo wo'nisoageluk yanani hilingitarek mene inom he agamsek welagep lek!

YEREMIA 13:14

A'nogo hilingisumo re An nen it-it ekhe nen ekheba kwelampakhogo hukhigik, hilingisuageluk hilinginabigin. Ap yaman mene inom souge mene inom nendawirinafi'legengge a'nogo hilinginabigin. It he An nen inelagaik isaluk nendawirinafi'legengge mondogat leget fisagain. Iluk An Tuhan nane mondogat igi o,” ikhe.

YEREMIA 16:5

Yeremia ahwi, hat he o afuni fong watu mene inawilokwe re la fuk. Nen haren ap sa faget iluk ogo fong warogo logou fuk aro. An nen nagainafuri ekhe inebe fanorogo logouwageluk hilinginafik, nen it inoba inelagaik isambik inendawi hundik hilinginabin mondok lego.

YEHEZKIEL 23:25

An na'mage hat hoba were'manggere, it inanini nen hat weaget hobagauwageluk obogisagain. Hambisang inom, hesanggo inom he, iren palugun, heagwi re inelugengge senfisambik endumo kwelaginabugun.

YEHEZKIEL 8:18

Hit he An na'mage mondok elalinhogo hilingitunem hogoin! An nen hobuk nendawirinafik, inaweak sagalogo legetfisigik igin mene ekhe werek lek. Iren samban oba nenu hombuk palogo ugun oba nen he, hilingik kwelek An nesanggo holigin legaro!” iluk ikhe.

YEHEZKIEL 9:10

Ma re, An nen it inoba ekhe nendawirinabigin mondok lek. An nen it inoba hilingfisagain mene andem he, iren ogo ap amu mene inoba hilingfisikhi lagaukwa aremnogo higithogoat hilingfisagain o,” ikhe.

HOSEA 1:2

At Tuhan nen an Hosea nayonggo fikhesik wene afuni Israel mene yagaisoageluk attak-attak yi'nogo yaganete: ”An nagainafuri o yoma re An noba lombokhogo welagi'lek hera'nobagaluk wulibi'lagwi o. Andi higithogo re haren he yanani nilik nikherek mene andi waganogo hagainafuri at obabut hanggeat taginabino o,” iluk yaganete.

HOSEA 1:6

A'nogo yaganetikhesik oba nen, he a'nogo hobuk eak a'ma agaikhesik he, omalik hele mene ekhe tatikhe. A'nogo tatikhemo, At Tuhan nen an yaganeti logolik, ”Hosea ao, An nen afuni Israel mene nendawirinabimbik, it weak hilingiri'lagwi mene sagalogo legetfagain mondok lego, andi nen he ha'logo andi enu re endawi hundik ninabi'lago lek mene iluk, Lo-Ruhama, salino.

HOSEA 5:7

It he ineisena Tuhan oba lombokhogo welagi'lek logolik, it ina'logomi inamlogomi re pailak oba nen taginabi'lagwi andi nen he Tuhan againafuri ebe mene ari'lagwi mondok lek. Andiba re inenggi welagi'legat it inebe alomat laga logolik, ineabukwe ogo mondogat legetfisigik, igin.

ZAKHARIA 1:12

A'nogo ugunem malaikat a'nogo nen ikhi logolik, ”Tuhan Homame Mondok Hokho mene a'nogo nen, tujuh puluh tahun andem oba re, Haren Yerusalem oba inom Yehuda ba inom inoba ha'mage fesigin. Haren he, henggi ki huli nen wene inoba mene andi leget figi'lek inoba fugu mondok logogin nogo?” iluk heinok wanhunem higi.

YOHANES 8:41

Hit he, hineisena a'nogo hilingiterek mene hilingiti lagebo,” iluk yagaisikhi lagaikhemo, iren he, mel yagatukwa: ”Ah! Nit pailak hilingiti logolik ta'ninafe mene fuk. Nit nineisena Allah alegaro,” iluk yagatukwama,

ROMA 11:22

Allah obabut he, fano inom, weak inom, welagarek andi hani! It alomat lagaukwa mene faget he, obabut weak andi. Nen, hit at obabut fano mene hinom hundik logogun halok he, obabut fano andi. Mene re, a'nogo hundik logogun lek halok he, hit a'nogoat palogo lakhinobagagin o.

ROMA 9:18

At Allah nen, ”At yi nendawi,” iluk endawimo anggikherek mene halogat, endawiratik, nen, ”At andi endawinggen omamet fagain,” iluk endawimo anggikherek mene halogat endawinggen omamet figik, ikherek andi.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.