HOSEA 2:23 - Allah Wene Fano Wene Hupla Inane

²³ An nen nagainafuri hinebe hinaiba andoma fano mondok logobagaigeluk hilinghinabigin. Hit faget ikhi logolik he, Nabit mene, iluk igi mene andi, hobuk An nen hit hinebe nendawit hinafi logogin o. Nen, Hinebe An nagainafuri lek, iluk isigi mene andi, hobuk An nen, hit An nagainafuri o, iluk igik, nen, hiren he nit nineisena re Allah aro, iluk yaganetik, ikhi logogun o,” iluk ikhe.

HOSEA 2:23 ပူးပေါင်းရင်းမြစ်များ

MAZMUR 118:28

Hat he an neisena Allah welagen, andi nen he, an nen hai wathafi lagi. Neisena Allah legeisogo hobagakhi lagi.

MAZMUR 22:27

A'nogo nolhetunem, it afuni inelagaik mene re eberogo nen inalabut ninghogo nogoin aro. It afuni At Tuhan oba waga logogun mene re, At enek fogerati logogun. It andi yagaisikhi logolik he, ”Hinendawimo hinagaiyek hugu mondok logoino,” iluk yagaisikhi logogunat.

MAZMUR 68:31

At Mesir andi re wam maro aik anini mene kolom-kolom anggele'ma kuluk anini oba louksek logolik welagarek andi hak werek a'naga oba hane pararagesin o. Yi afuni ti afuni inunggulenu lombok inomame hokhorek logolik, inagainafuri inomen no perak helogoin iluk sibil sebel isagarek mene andi wenagisan o. Nen afuni inunggulenu lombok weim yafu aple inamolo mene andoma re pugulogo yinhun isikhi logoino o.

MAZMUR 72:16

Aren ferinarek werekwe o ekhema-ekhema mondogat andoma gandum mondok sik-pikhogo saga ilik laga logouwak, nen o tomkwe mondogat he, yi mene ti mene yago mene enggen mondok hokhorogo iti logouwagat, Kweang he, o Libanon kweang muli fano andem higit enek hilingik logouwak, afuni o kota andoma welagaikharek menere engga o leikwe welagarek andi hangge sik-pikhogo hilinglarik logouwagat.

KIDUNG AGUNG 2:16

At endawi hundik mene andi re an nonggwarek mene o, nen an he at mene welagi. At ebe hubet sogoi funha wagarek mene nen o mumsek mene a'nogo furogo leget figi'lek werek kwelek,

YESAYA 44:5

Ap inebe misik-misigen nit At mene welago iluk inaneba fakhogo ugun, nen it inebe wesimbik he at Yakub ombawi inom misi'mo sebesi wesugun. It inebe lombok inenggiba re: Tuhan mene iluk palek logogin, Nen inonggwaregen ikhi logolik, nit he Allah againafuri welago ikhi logogun o,” iluk ikhe isikhe.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

YEREMIA 31:27

An Tuhan nen ikhi lagi hilingi'mo re, lingge ekhe asi wesigin meneba re Israel mene inom Yehuda mene inom inanggweang oba andoma re An nen afuni sik-pikhogo hilingfisigik, nen inanggo yinik-hunik mene hokhorogo wogisigik, igin o.

YEREMIA 32:38

It he An nagainafuri mene asumo, An he it ineisena Allah asigin.

YEREMIA 33:26

An nen wene at Yakub ambisangma mene inom, nen namingmingengge Daud ambisangma mene inom faget watigi mene andi re fisogo mondok logogun. At Daud en tagomangge mene ambisangma mene misik ekhe nen he Abraham, Ishak, Yakub inambisangma mene melalinafi logouwageluk An nen wenagaisogo fagain. An nen nagainafuri inoba nendawirinafik, nen it inebeba sik pikhogo logouwageluk hilingfisigik igin aro,” iluk ikhe.

YEHEZKIEL 36:29

Hit he yi weak ti weak hilingitunem emerogo hinobagali'lago mene andomaba nen An nen fikhalogo hinobagagin. An nenat gandum hokho-pokhorogo wilibuageluk hilingfoumo sik-pikhogo hilinglasigin, An nen hobuk hit hinamburu ouwak asuageluk hilinghinobagagin mondok lek

HOSEA 1:6

A'nogo yaganetikhesik oba nen, he a'nogo hobuk eak a'ma agaikhesik he, omalik hele mene ekhe tatikhe. A'nogo tatikhemo, At Tuhan nen an yaganeti logolik, ”Hosea ao, An nen afuni Israel mene nendawirinabimbik, it weak hilingiri'lagwi mene sagalogo legetfagain mondok lego, andi nen he ha'logo andi enu re endawi hundik ninabi'lago lek mene iluk, Lo-Ruhama, salino.

HOSEA 8:2

Iren An nobaget ikhi logolik he. ’Nit nineisena re Allah o, nen nit ninebe ogore At againafuri welago, niren At ebe ninelu o,’ iluk ikhi logolik meneat,

ZAKHARIA 10:9

An nen ap inunggulenu amu mene inanggelekwe andoma tel-fol isasigiba nen, andoma nen iren An noba ebet niugu mondok logogun. It he inebe inom nen it inagainafuri inom mondogat inagap telek logogun o, nen inebe seberogoat it inonggwarek inanggweang oba andoma sugulogo wesugun.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

ZAKHARIA 14:16

Andi nen yi afuni ti afuni inunggulenu lombok Yerusalem inom weim yafukwa mene fena ineluk logogun mene omanogo re, o kota andiba we'luk Tuhan Omame Mondok Hokho logolik Raja welagarek mene a'nogo apne wanhik, nen, O Sabu engga salogo welagaukwa mene a'nogo oba ebeti logolik seni isatik, ikhi logogun.

ZAKHARIA 14:9

Andiba re, Tuhan ebe yi afuni ti afuni o kweangma welagaikharek mene inebe mondok faget inoe raja logolik melalinafi logogin. Nen, afuni inebe lombogen At Allah amu oba inendawinggen himbirek fuluk logogun, nen, we At amu Enu nek inelu logogun.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

MALEAKHI 1:11

Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.

ROMA 3:29

At Allah re, nit afuni Yahudi mene nek nineisena nogo? It endakwe mene ninomat nineisena lek nogo? Eberogoat afuni endakwe mene ninomat nineisena o.

YAKOBUS 1:1

At Iblis nen hinendawinggen kagaligeluk yi enggin ti enggin hinoba fugunem hinendawimo hinagaiyek hikhi logoni o.