HOSEA 2:21 - Allah Wene Fano Wene Hupla Inane

^21-22 A'nogo ikhi logogun andem sambul he, hit nagainafuri Israel mene nen nayonggo fugunem, hinane nesanggo holhi logogin. An nen, meiso pogoroba nen pi wesuagaluk hilingitunem, kweangma pi wagunem he, yi mene ti mene gandum inom, anggur inom, e zaitun inom, yago mene andoma enggen he, fanorogoat iti logogin.

HOSEA 2:21 ပူးပေါင်းရင်းမြစ်များ

YESAYA 55:10

O meiso pogoroba nen pelabi wagaresik, hobuk ambotkwe sugulogo lagaikherek lek, meneat he kweangma mondogat sakhorarik lagaresik, yi mene ti mene yago mene inom, nunggu mene inom oba fisoget figik, mulit figik, nen enggen igisogo awi feik folhik, yatik, uageluk hilingfigik, ikherek,

YESAYA 62:4

Hat henu re, ”Linhaluk” ikhi logogun lek, nen hanggweang he, ”Ap le'ma,” ikhi logogun legaro. Hat faget he, ”Allah nen endawiraterek mene,” ikhi logogun, Hanggweang faget enu re, ”Agun helikhe,” ikhi logogun. Andi re Tuhan hat faget endawimo agaiyek asumo re, At he hat hanggweangma andoma hagun higit hilingik logogin.

YESAYA 62:5

Ap souge mene nen hele tugum mene ekhe helageluk hilingiterek hak, Elalhafe agun a'nogo nen hat hobaget agweap habigin, Ap agun ekhe nen agwe helugu mene a'nogo eilenggen haluk agaiyek hikherek hak, Allah nen hat hobaget agaiyek asigin.

YESAYA 65:24

Iren An noba oan kino yaganeti'lek werek kwelek An nen tak onggo yagaisikhi logogin. Iren samban ugu mene inane wurep obokhigi'lek werek kwelek, An nen inane onggo fouget fikhi logogin.

YEHEZKIEL 36:29

Hit he yi weak ti weak hilingitunem emerogo hinobagali'lago mene andomaba nen An nen fikhalogo hinobagagin. An nenat gandum hokho-pokhorogo wilibuageluk hilingfoumo sik-pikhogo hilinglasigin, An nen hobuk hit hinamburu ouwak asuageluk hilinghinobagagin mondok lek

HOSEA 14:7

It inebe hobuk yi mene ti mene yago mene ilit sabelheresik asimit ekhema-ekhema legeisogo fikherek andi hak hilinglasimbik, inebe fano logogun. A'nogo logolik, inebe e zaitun fano welagarek andi hak welagik, e cemara amben fano andi hangge hilinglagik, ugun.

YOEL 2:19

A'nogo anggasikhesik Aren mel yagaisasikhe: ”Yogondak An nen hit hinalabut ninghogo ninggi logobagaigeluk, gandum inom, anggur inom, e zaitun amusu inom, wokhisagain o. A'nogo wokhisambik, afuni inunggulenu hunogo mene nen inendawimo seramet hinobagali'lagwi mene andi inom, endo yakhinabi'lagwi mene andi inom, arigin hinafi logouwageluk herak hinobagagin lego.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

ZAKHARIA 8:12

It he, inendawinggen fanoba nek awingge enggen feik lakfikhi logogun. Nen, it inagayo anggur enggen itik, inanggweang oba nen enggen ugu paligik, meiso pogoroba nen hokhorogo pelagisa wagik, ikhi logogin. It inunggulenu ari mene nen fena ineluk werek mene andoma inoba re An nen fanoabet fisikhi logogin aro.

ZAKHARIA 8:8

it inebe mo ero fikhiren inom, erumbul fikhiren inom woginarek wesumo re, it inebe nekhengge o Yerusalem logogun. It he An nagainafuri asumo re An he it ineisena Allah logogin. An nen he it inoba tiphogo hilingfisigik, higithogo ferinarek welagik ikhi logogin, ikhe ino,” iluk yaganete.

MALEAKHI 3:10

Nunggu mene sik-pikhogo logouwageluk he, hiren nomolo mene andi mondogat waluk An Naiba fei waga logoni o. An nobabut palniikhi logoni, An nen pogoroba kwe hut fuluk yi mene ti mene mondok fano mene hit hinobaget pulel-pulel pugu kwelek hilingisogo hinobagagunem hiren neogoin aro.

MALEAKHI 3:11

An nen, hit hinangge kweangma nen enggen iti logogin mene re eluk-elugengge nen paluageluk herakfisikhi logogin lego. Hit hinagayo anggur enggen he mondok hokho-pokhorogo ugu logogin.

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

ROMA 8:32

At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.