HOSEA 2:19 - Allah Wene Fano Wene Hupla Inane

¹⁹ Hobuk hat Israel hebe An nagwe ebe mene higit wokhabimbik he wokharek mondok logogin o. A'nogo wokharek logolik, hebe nendawit habimbik, nendawinggen hundik mene logogin. A'nogo logolik, An nen higithogo hilingitik, tiphogo nek hilingik, ikhi logogin aro.

HOSEA 2:19 ပူးပေါင်းရင်းမြစ်များ

MAZMUR 85:10

Aren he afuni wene melalek futfuluk hilingiri'lagwi mene re ibi-eberogo nenat inagap telinabigin werek, At Allah mondok andungdang werek mene andi re nit ninaiba yoma logogin.

YESAYA 1:27

Tuhan he katokhogo hilingiterek mene hilingi'mo re Arenat hit Yerusalem mene nit weak hilingitoma o, iluk hinendawinggen warugunem hinagap telhinabigin o. Oba nen he,

YESAYA 54:14

Hat he katokhogo hilingitu mene amboloba wurogo hobagagin, hamel-mel mene inom sebelogo ferinarek werek mene inom andomaba nen eil uanhogo hilinghobagagin.

YESAYA 54:5

Hebe elalhafe mene andi re hagun higit asigin, Israel ineisena Allah amu horek mene andi re hagap telhafu mene asigin. Tuhan Omame Mondok Hokho mene iluk enure andi, At he Allah o kweangma yoma mondogat Enupogot welagarek mene.

YESAYA 54:6

Israel, hat he aben agwe ket tugum engge herakfisugunem, endawinggen warikhi logolik hilingiterek a'nogo hak hilingik welagen o. Oba nen he Allah nen hat nekhengge wolhafi logolik, ane yi'nogo ili'logo,

YEREMIA 4:2

Hiren a'nogo hilingiti logogun iluk An nenuba hombuk palimbik, hineluk higithogo welagik, katokhogo hilingitik, eberogo mene nek hilingitik, hilingiti logogun halok he yi afuni ti afuni inunggulenu lombogen he An nen it fanoabet fisoageluk kino yaganeti logogun o, nen iren he An foget nobagakhi logogun aro,” Iluk ikhe isikhe.

YEHEZKIEL 39:29

Nen An nareagun a'nogo kweisalogo it inunggulenu Israel mene inoba figi halok he An nelokhe it inelokhoma nen ekhe hina'lasigin mondok lego, iluk An Tuhan Lego Mondok welagirek mene a'nogo nen nane mondogat igi,” ikhe.

HOSEA 14:4

Ap Asyur mene nen telninabugun he lego. Nen wam kuda weim yabi lagaikharek mene andi nen telninabugun he legaro. Niren tugwi kembu ninonggwarek ninenggi nen agauwak hilingiti lago meneba yagati logolik, allah nineisena, iluk yagatorek andi hak, ikhi logogun legaro, neisena. Tuhan, Hat he afuni suarek mene hendawirinafendek mene o, neisena, iluk ayonggo fikhi logoino,” iluk yagaisasigi.

YOEL 3:20

It inamep faget he An nen unggulmo fagain. Nen An nagainafuri inebe inoata mene andoma re An nenat inoasumo wa'lasugun. Oba nen he Yehuda ba inom Yerusalem oba inom andoma re afuni werek enek logogun, nen Tom Sion oba andoma re An nebe femhogo logogin,” iluk ikhe.

ZAKHARIA 13:2

Inenggi andi sambul he o kweang yiba tugwi kembu enu werek mene andoma re An nen horogo leget fisamo, ap misigen iluk ogo eberek logogin mondok lek. It afuni nen an nebe nabi iluk agarek mene andoma inom, nen ap munggwarengge inoba louksek logolik hilingitarek mene andoma inom, An nen mugusogo wulak fisagain.

YOHANES 3:29

Nen, ap ekhe agwe ikhikhe halok he, he andi ebe agun ap andi aro. Nen ap agwe ikhagain mene werek andi agailak ekhe era'lu mendek logolik, at ane ugunem esanggo hologo logolik endawimo nen agaiyek hikherek hak, an yogondak a'nogo nendawimo nagaiyek hokhorogo hikhi lagi o.

ROMA 7:4

Andi hak he, nerugwi nagaila'lak. Hit attak he, hemi inaguni inom hele homago hangge welagaikharek ogo andi hak, wene Allah nen komotninafikhe wene a'nogoba homago were'ma, at Kristus ebe watukwama wa'lagaikhe andi, hinomat wa'laga logolik, hele hangge homago welagagip mene andi arat fikhalagaikhe andi. Andi nen he, hemi inaguni wa'lagunem ekhe elok woginabugun andi hak, hit Allah faget fano hilingiti logouwageluk, at Yesus wa'lagaikhemo Allah nen eluget fesikhe mene a'nogo nen wokhinafikhemo welagebo.

2 KORINTUS 11:2

Helime yenggerugwi inobabut ap inom nogo igi'lek mene, inaguni inoba lombologo fisagarek hak, an nen he, hit Kristus oba lombologo hinobagagi meneat he, hiren ap hunogo mene ekhe lombolhep halok he, Allah a'mage lagagik, an na'mage lagagik u hagaro.

WAHYU 21:2

A'nogo hilingisogo fikhesik, at onggwarek awi sili o kota Yerusalem ket mene, hemi inaguni helowogeluk inalilingge li'lukhogo wanharek andi hak, at were'ma pogoroba nen pelabi wagunem higi.