HOSEA 2:14 - Allah Wene Fano Wene Hupla Inane

¹⁴ Tuhan nen afuni Israel mene faget a'nogo ikhesik he, ekhe mel ikhe: ”Andi nen he, An nen at he andi o leimo andoma waluk lambik he, nane amusuba endawinggen paligin o.

HOSEA 2:14 ပူးပေါင်းရင်းမြစ်များ

KEJADIAN 34:3

A'nogo nogosukwaba nen he, hele Dina andi faget endawinggen nasikhemo, abo a'nogo nen hele andi endawinggen noageluk ninghogo hilingitikhe.

AYUB 36:16

Hat hebe mondok wiik-weakhogo were'ma At Allah nen fikhalogo hobagaikhemo re, hebe fani-fanorogo logolik, hagayo meja talek oba andoma hangge nunggungge mondok hoporogo welaga andi.

KIDUNG AGUNG 1:4

Raja neisena, an nebe wo'narek o senggelek hat nogokhi lagen oba andoma weak-weakhogo kwilan o. Hat faget nit mondogaren ninagaiyegeti lago, Hendawi hundik hilingiti lagen mene andi re anggur agai sebelek hak oba nen andi nek he mondok esin hilingi'mo re, helime silerigen hat hobaget inendawinggen nunggunem hoba eiselek mondok werek andi re hilingisu hak hilingiri'lagwi o.

YESAYA 30:18

A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.

YESAYA 5:5

Halok he an neabu anggur yabu andi faget he yi'nogo hilingisigin: Leget haningisogo waganek mene andi re mondok meisalogo pot fisamo re, wam maro eisogen altam-tamhogo weagerogo fagain.

YEREMIA 16:14

Tuhan nen ikhi logolik, ”Inenggi ekhe wesigin meneba re, afuni nen hombuk palhi logolik, An Allah Neluk mondok welagirek mene afuni Israel mene o Mesir en woginarek wulibi wagagi mene a'nogo nenu uluk hombuk palhi logogun lego,

YEREMIA 2:2

”Hat hebe afuni o Yerusalem welagaikharek mene inoba lambik he, wene mel yagaisano: Hit afuni Israel mene yi sani. Aben hemi ket iginapluk, inendawinggen hundik welagaikharek andi hak, hit hinebe oan oba nenat An noba lomborogo logolik hinendawinggen An noba hundik were'ma, o leikwe yi mene ti mene awi yago lekwe andoma nombo'ne mondok nikhi lagagip a'nogo hinoba ebeti o.

YEREMIA 45:4

Barukh ahwi! An Tuhan nen wutirek mene andoma re An nenat molulukhogo lakfisigirego, nen, An nen yatirek mene andoma re An nenat henetirego. O kweangma mondogat he An nen a'nogo nek hilingiti lagi.

YEHEZKIEL 20:10

A'nogo isigisik An nen it woginarek o Mesir en wulibi wagagisik o lei ilingage pirimsekwe woginapluk wagagi.

YEHEZKIEL 20:33

An Allah neluk welagi mene Tuhan Lego Mondok welagirek mene nenuba hilingi'mo re, hit hinendawinggen wenggelogo iluk An na'mage lagali'lago mene yagahisak, hit he An nen nobabut haferogo nane omameba yagahisugu were'ma re, An nomame welagirek mene a'nogo hiren ogo hogoin aro. Hit An nen ekhema-ekhema telfol hisagain kwe omanogo nen andogorogo wokhinabimbik hinobagai wesigin o.

HOSEA 2:3

A'nogo yagasugun oba nen aren etokhogoat esanggo holhi'lek, yananiat nilik nugu halok, at ebe alfulukwa kogouk ta'lagaikhe andi hak, alfulukwa kogougat logouwageluk An nen asu nonggologo potfisagain o. An nen at ebe kweang i amusu le'ma puk iringik weak andi hangge hilingisogo foumo re, ebe i nele nen wa'lasigin.

MIKHA 1:7

A'nogo hilingfembik, inandugwi kembu onggo hokho mene weaget fisigik, nen hemi tugwi kembu awi wuri'mo obaget hilingitunem, yi mene ti mene ebe lombok wogisagarek mene andoma mondogat endu nolfisigik, tugwi kembu afuni inalik hilingik mene andi mondogat legetfisigik, igin o. Nen inangge yi mene ti mene tugwi kembu obaget hilingitunem inenggimo mene fano agarek iluk werek mene omanogo, yogondak he mondogat it inaselei mene nen felelenghogo helaluk laluk he it mene inandugwi kembu omanogo obaget hai warogo iluk hilingiti logogun o,” iluk ikhe.

MIKHA 4:10

Hit hinebe hinawi kota herakfisaluk o leimo laluk logogun enggere, hemi inomalik taginafi logolik heinet watharek hak hirogo heinet wati logoni o. Hit he hinebe o Babel logoin oba nen o andoma nen he hineisena Tuhan nen it hinaselei mene inenggimo nen fikhalogo wulak hinobagagin o.

YOHANES 12:32

An nebe kweangma yoma mennobagaumo re, an nen afuni mondogat lithigik woginarek nonggwarek noba fisa wesigin o,” iluk yagaisasikhe.

YOHANES 6:44

An Neisena laknobagai wagaikhe mene a'nogo nen, afuni lithigik an noba woginarek wagi'lek halok, noba wesugun elo'lego. We, aren it ekhe lit-lit woginarek wagunem noba wesugun halok o wurep oba an nen inelugerinabigin aro.

WAHYU 12:14

A'nogo nikho andi nen, at agaiserogo o afuni le'ma logouwageluk, Allah nen obalik tegelogo fisasikheba andi tarogo loageluk, sue pim hokho mene ogolabi mene wogotemo tarogo andoma lagasik, Allah nen kwalogo werek kwelek, o mo lagagik, pigik, ugu kwelek, 3 setengah tahun welaga higi.

WAHYU 12:6

A'nogo waluk lagu kwelek, at he a'nogo o leimo afuni le'ma logogin oba, Allah nen obalik ekhe tegelogo fisasikheba andoma heise lagasik were'ma nenangorogo werek kwelek, enggi 1.260 nen welaga yethigi o.

HAKIM–HAKIM 19:3

ap Lewi mene a'nogo ombo'ne lagaikhe. At laga logolik he amingmingengge misik ekhe inom eiso'marogo re wam keledai pire inom waluk lagaukwa. Lagaukwasik andoma asi lagaukwama re hele a'nogo nen ap a'nogo hondo'luk he eisena ambit lagaikhe. Ma re hele a'nogo eisena nen ap Lewi mene a'nogo hasikhesik agaiyekhogo wanhikhesik he,