HOSEA 2:12 - Allah Wene Fano Wene Hupla Inane

¹² At endawimo nen he, e ara ero inom, anggur ero inom, ap An ninom nikhi lago mene nen onggo wo'netarek mene o, iluk anggikherek mene andi re, An nen mondok legetfisagain aro. An nen at eabu anggur yabu inom, e ara yabu inom, andi hunogoat enggama hakhogo hilingisogo foumo, wam maro obabut weak mene nen weaget fisikhi logogin.

HOSEA 2:12 ပူးပေါင်းရင်းမြစ်များ

MAZMUR 80:12

Enggi talogo lagaresik he, i laut tengah huli andomaba hilingi'mo, erembul he i Efrat huli sebelogo werek.

YESAYA 29:17

Afuni nen wene walhogo wene ikhi logolik, ”O engga ogoi andoma we misigamat yabu wanhukwe asigin, hebekhogo re yabu wanharek oba andoma hobuk o engga ogoi hilinglasigin,” iluk agarek.

YESAYA 5:5

Halok he an neabu anggur yabu andi faget he yi'nogo hilingisigin: Leget haningisogo waganek mene andi re mondok meisalogo pot fisamo re, wam maro eisogen altam-tamhogo weagerogo fagain.

YESAYA 7:23

O andoma afuni inebe lombok ineabumo anggur ero 1.000 nen uang perak mene 1.000 nenat oba onggo palogo yata mene werek oba nen he hobuk engga alok alogengge wilibimbik mondogat sebelogo fagain.

YEREMIA 13:26

An namu nenat hinasu hinebeba nen tiliphogo lak foumo hit hinalfulukwa kogouk logolik hinenggali asugun.

YEREMIA 26:18

”Hun Hizkia o Yehuda ba raja mendek were'ma aremnogore nabi Mikha o Moresyet mene a'nogo nen wene Tuhan Omame Mondok Hokho mene a'nogo nen isikhe mene afuni inoba yagaisikhi logolik, Sion he yabu kweang mogolherek andi hakhogo mogoligin, Yerusalem he o meisalek kabok lagaikharek hakhogo hilinglasigin, nen Tuhan andom Horek oba a'nogo re engga nek kurogo taik igin o, iluk yagaisikhi lagaikhe.

YEREMIA 5:17

Iren hit hinanggweang oba nen enggen ugu andoma inom, hit hinangge nunggu mene inom legetfuluk he hinagainafuri pinggi inoasugunat. Hinanggo sapi, domba inom he iren warogoinat, hit hinagayo anggur yabu inom, arah yabu inom he iren wolelenggen isogoin. Hit hinaiba leget pa'leget omamerogo waganek mene re iren meisak langgukhogo lakfisogoin.

YEREMIA 8:13

Aben kweang oba nen enggen palogo kabogetarek higit An nen nagainafuri ogo a'nogo kaboget fisele iluk nendawimo anggikhi lagi. Oba nen he An nagainafuri re e anggur inom ara inom enggen iterek lek mene hak hilingik, engga mene ogo mondogat sawet aga. Andiba re An nen ap pok mene we'luk it inanggweang sebelek logouwageluk yagaisasigi andi o. Iluk An Tuhan nen nane mondogat igi, isikhe.

HOSEA 13:8

An nen he, no beruang eak longgot fuluk hilingiterek hak herogo hinoba sagali imbik, hinebe libik-labakhogo hinoatik, singa nen hilingiterek hak hit hinebe welagep oba andoma nen senggelhinafik, nen olomene aik anini mene nen hilingiterek hak hinebe senggel fogathogo hilinghinabigin o.

HOSEA 2:5

Hinagaisa enggali mondok lek yanani nilik nikhi logolik, mel ikherek: An ap ninom nikhi lago mene nen namburu inom, nagai inom, yosi wol mene inom, kain linen su eil puselek weak fano mene inom, e zaitun enggen amusu inom, anggur enggen amusu inom, wo'netarek mene heraginabik inoba lagain o, iluk ikherek andi.

HOSEA 5:14

Ma re mene singa nen afuni inoaterek andi hak, An nen hit afuni Israel mene inom, Yehuda mene inom, hinom hinoasigin aro. Hit hinebe An nonggwaregenat libi'labakhogo hinoasimbik he, herakhinobagagin o. An nen hinebe lisogo wokhinarek lagunem afuni ekhe nen telhinabugun mondok lego.

HOSEA 9:1

Hit afuni Israel mene yi sani, hiren linggene lego mene omanogo faget ebeti logolik halok he, it inunggulenu amu mene nen hilingiri'lagwi andoma hakhogo hilingiti logogubo. Hit he, hineisena Allah a'nogo herakfisegepsik at oba tiphogo welagi'legengge hilingiti lagep. Gandum enggen lolhukwe omanogo mondogat he hit hinebe uang herakhikhi logolik dewa baal oba hambenan hilingiti lagep, nen hit he, gandum dewa andi nen onggo wo'nisili'lago iluk helugu mene faget enek hinagaiyek welagep!

MIKHA 3:12

Nen, hiren weak mondok hilingiti lagep andiba, o Sion oba yoma re, yabu wanharek andi hak hilingitik, nen o Yerusalem oba mondok meisak langgukhogo figik, nen punu o Tuhan awi wuri'mo yoma re, e alok-alok agayo ogoi hilingisogo figik, igin o.