HOSEA 14:8 - Allah Wene Fano Wene Hupla Inane

⁸ It hobuk inambotkwe noba wesimbik, nawe a'ma logogun. Logolik, inebe gandum yabumo yago mene muli fano agarek andi hak hilinglagik, anggur fano mene yabumo yago welagarek andi hak hilinglagik, e anggur amusu o Libanon mene enu fano lagarek hak inenu yi awi ti awi wialarik lagik, ugun.

HOSEA 14:8 ပူးပေါင်းရင်းမြစ်များ

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

AYUB 34:32

Hat haweak werek mene omanogo ebe weinam fakhogo yaganesuageluk he At oba yagaten a, lega? Haren hilingiti lagen mene a'nogo palfagain iluk he, hombuk palhen a, lega?

YESAYA 41:19

O leikwe andoma An nen e weile awi inom, zaitun inom, e murad inom, akasia inom yasigin. Leik werek mene andoma re, An nen e eru inom, berangan inom, e laik inom ogoi hilingisogo fagain.

YESAYA 55:13

Panggi alok weak mene andi obali'mo re e weile awi fulelhik, nen e mun alok weak mene andi obali'mo re e owil fano mene enggen fulelhik igin o. A'nogo hilinglasigin andi re, An legeisogo nobagakhi logouwageluk hilinglasigin, andi re enegengge mondok-mondok logogin mene faget asigin o,” ikhe isikhe.

YESAYA 60:13

O Libanon ogoi engga enu fano welagarek mene e sin inom, ibin inom, laik inom, omanogore hat hoba ha'luk waga logogun. Andi re o An nawi a'nogo mondok hokho mene wutfembik, fanorogo pugunet foumo re obalik andoma An neisok sebelhuba logogin

YEHEZKIEL 17:23

Tom mondok uan mene it Israel mene were'ma andoma An nen taunget fagain. Andoma nen asimit wilibimbik, enggen iti logogin, a'nogo hilingiti logolik he e laik mondok fano mene asigin. Andi nen yi rue ti rue ogolabi werek mene mondogat he e andiba inawi wusi kwikhi logogun, Nen e andi a'ma kunmo andoma kuluk logogun.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

LUKAS 15:20

A'nogo anggasikhesik, o welagaikheba a'nogo hebisaluk he, eisena a'nogo oba wesigeluk oan wagunem, at eisena a'nogo nen yatma wagu kwelek eilenggen yethasikhesik he, endawinggen abolok isikhesik, fungusek lagaikhesik he, obakhe felikhogo hai ambe saluk-saluk watikhe.

YOHANES 1:16

Nen at obabut fano mondogen ninebe mondogat hobuk alep fanotninabi'logo.

EFESUS 5:9

E ero fano mene nen enggen fano meneat iterek andi hak, afuni o selek oba logolik yi mene ti mene fanorogo higithogo inendawinggen oba nen eberogoat hilingitarek andi.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

1 TESALONIKA 1:9

Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.