HOSEA 14:7 - Allah Wene Fano Wene Hupla Inane

⁷ It inebe hobuk yi mene ti mene yago mene ilit sabelheresik asimit ekhema-ekhema legeisogo fikherek andi hak hilinglasimbik, inebe fano logogun. A'nogo logolik, inebe e zaitun fano welagarek andi hak welagik, e cemara amben fano andi hangge hilinglagik, ugun.

HOSEA 14:7 ပူးပေါင်းရင်းမြစ်များ

MAZMUR 138:7

An noba enggin mene asi wagunem, Haren enek an neluk logouwageluk henggi pukhogo fetnarek welagen. It naselei mene inanini noba fugunem he, Hat homameba nek an nagap telogo nobagakhi lagen.

MAZMUR 85:6

Haren he mondok-mondok faget wena'nisugu logogin nogo a? Nen ha'mage ninoba fugu mondok logogin a?

MAZMUR 91:1

It afuni At Lego Mondok welagarek mene a'nogo awe a'ma werek mene inom, At Omame Mondok Hokho mene a'nogo nen sebelinarek were'ma werek mene inomen,

KIDUNG AGUNG 2:3

Enggama nen e apel engga anggele'ma nen wiliferek hangge, An nendawi hundik mene andi ogore alage inanggele'ma andi higit werek. An he at a'ma sebe ikugu mene faget nagaiyek welagi, Nen, enggen ugu mene re enduk mit-mirengge hilingik.

KIDUNG AGUNG 4:11

Ninom lombolek welago mene, hat hane ikhi lagen mene andoma re, susu inom, kin amusu inom we endep hak hilingik kwelek, hat hane nek he enduk mondok mit-mirengge o. Hat hasu laberikhi lagen mene amben he Tom Libanon amben hak hilingik welagen.

KIDUNG AGUNG 6:11

An nebere i kenari yabumo fanggong kwe andoma owil mumungsek mene neilenggen hagaluk wagarik; E anggur omanogo owil mumungsek hea lek hea, nen e delima omanogo enggen ite a lega, iluk kogolik wagi.

YESAYA 61:11

Enggen feik lakfugunem inenggi nen yago mene hangge fulelherek andi hak, nineisena Tuhan Allah nen nit ninebe telninabigin mene a'nogo ninomamet ninafunem, afuni inunggulenu lombok inebe mondogaren Allah fogerasugun o,” iluk ikhe o, isikhe.

YEHEZKIEL 17:23

Tom mondok uan mene it Israel mene were'ma andoma An nen taunget fagain. Andoma nen asimit wilibimbik, enggen iti logogin, a'nogo hilingiti logolik he e laik mondok fano mene asigin. Andi nen yi rue ti rue ogolabi werek mene mondogat he e andiba inawi wusi kwikhi logogun, Nen e andi a'ma kunmo andoma kuluk logogun.

HOSEA 14:5

A'nogo yagaisasigimo, nineisena Tuhan nen he mel ikhe: ”An nagainafuri nane sagalogo hilingiti lagaikha mene andoma, An nen hobuk it inoba na'mage het-pet igin lek andi nen he, inambotkwe woginarek wesimbik, nendawinggen oba nenat nendawirinabigin o.

HOSEA 2:21

A'nogo ikhi logogun andem sambul he, hit nagainafuri Israel mene nen nayonggo fugunem, hinane nesanggo holhi logogin. An nen, meiso pogoroba nen pi wesuagaluk hilingitunem, kweangma pi wagunem he, yi mene ti mene gandum inom, anggur inom, e zaitun inom, yago mene andoma enggen he, fanorogoat iti logogin.

HOSEA 6:2

Ninenggi pire henagan yaba re ninoba ou welago mene Aren fano hilingninabigin o. Nen nit ninebe nineluk At awe a'ma ninobagaumo logogun.

ZAKHARIA 8:12

It he, inendawinggen fanoba nek awingge enggen feik lakfikhi logogun. Nen, it inagayo anggur enggen itik, inanggweang oba nen enggen ugu paligik, meiso pogoroba nen hokhorogo pelagisa wagik, ikhi logogin. It inunggulenu ari mene nen fena ineluk werek mene andoma inoba re An nen fanoabet fisikhi logogin aro.

YOHANES 11:25

At Yesus nen he mel yagatikhe: ”Afuni ineluk mondok logouwageluk, an nenat inelugerinafirego. At sa nen endawinggen an noba eberogoat himbiret foumo nen wa'lasigin halok he, at ebe wa'lasigin meneat he, hobuk eluk asigin o.

YOHANES 12:24

Nen, afuni nen gandum enggen awi kweangma yati'le'ma, afuni wa'lagaikharek andi hak, agap attak mene fili a'luk ket mene fulelhi'lek halok he, enggen misigat awi yasugun mene andiat logogin o. Meneat he, enggen andi kweangma yatunem afuni wa'lagaikharek hak, agap attak mene andi fili a'luk enek he, hobuk ket mene fulelfuluk enggen hokhorogo iterego,” iluk yagaisasikhe.