HOSEA 14:6 - Allah Wene Fano Wene Hupla Inane

⁶ An nen afuni Israel mene faget he, o meiso nen kweang puk amusu mondok lek mene sakhotfikherek andi hak, fanot fisagain o. A'nogo hilinginafunem, yi mene ti mene enggen ukwalagarek andi hak sik-pik igik, e wombi hangge mene enu cemara omanggen kweang elema mondok ninghogo yaterek andi hak hilinglagik, ugun o.

HOSEA 14:6 ပူးပေါင်းရင်းမြစ်များ

KEJADIAN 27:27

A'nogo yagatikhemo, at Yakub en hai ambe saluk wasigeluk ebe era'lu horokhogo higilha lagunem he, asu Esau asu amben enegat hasikhesik he, ”Allah nen fanothafi logouwago,” iluk, mel yagatikhe: ”Namlogo hamben he, o lei Allah nen fanotfikhe mene amben hangge fano mondogo.

MAZMUR 128:3

Hat hagwe re hailoba andoma e anggur mondok muli fano mene hak hilingik logogin. Nen hat hagainafuri re hangge meja haningisogo andoma e zaitun asimit hakhogo hilingik logogun.

MAZMUR 52:8

A'nogo hilingitunem ineilenggen hisaluk he, ap Allah ane hologo hilingitarek mene omanogo inailo nen, endo yakhafi logolik, yi'nogo ikhi logogun:

MAZMUR 92:12

An he it naselei mene mabenet lagaikharek mene andi re neilenggen isikhi lagi, it afuni an noasuogeluk nawene melalogo fuluk nanggomo pali'lagwi mene andoma mondogat he nesanggo holhi lagi.

YESAYA 27:6

Lingge hobuk wesigin meneba re it inunggulenu Israel mene andi re, e omanggen pelagaisogo fano wiliferesik enggen hokhorogo igisogo sagaikherek andi hak o kweangma yoma mondogat saga ugun o.

YESAYA 35:2

O andoma mondogat owil-owilengge wurilogo fegelik lagunem, inagaiyegen wuni lekhikhi logogun. Elokhe hilingik logogin mene re tom Libanon hilingik hakhogo mondok pigin-pugunsek logogin. Elokhe heanerogo hilingik mene re o Karmel fanggong inom, Saron fanggong inom hak hilingik logogin. A'nogo hilingi'mo re ap inebe lombogen nit nineisena Tuhan Omame werek mene a'nogo inom nen nineisena Allah elalin hilingiterek mene omanogo inom ineilenggen hogoin.

YESAYA 66:14

A'nogo hilingitunem hineilenggen hambik he hiren hobuk hinagaiyek asugun, nen hit hinebe re engga ket wiliferek mene hak asimbik fanorogo welagik, hinomame agik, ugun o. Andiba re An namingmingengge mene re An nomame hilinginafi logogin mene a'nogo enegat hugu welagik, nen An naselei mene re An naniniba hilingfisugu mene omanogo hugu welagik ikhi logogun o,” iluk ikhe.

YEREMIA 11:16

An nen it faget ikhi logolik, it he e zaitun engga mulirek logolik, enggen mondok fano mene nek si'nogo kwani ugu mene iluk isigi aro. Oba nen yogondak he An nane sup polang eti logolik he e andi engga inom enggi segelet inom mondok felelenghogo endu noligin.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

MATIUS 13:31

At Yesus nen a'nogo yagaisasikhesik he, hobuk wene ekhe oba lirogo mel yagaisasikhe: ”At Allah nen awe a'ma fisikherek andi ebe re, kibi-kibi enggen hangge o. Ap ekhe nen kibi-kibi eabumo feik lakfesikhe. Yi mene ti mene awi andi endebat meneat he, kibi-kibi awi andi nek he, mondok endebat hago. Mene re, kibi, wundat inom, ekhe mene inom, fulelheresik he, obakhe endebat hak lagaikherek. Meneat he, kibi-kibi awi andi nek he, mondok hokhoat lagaikheresik e hangge hilinglagunem he, sue tarogo nikherek mene we'luk he, kibi-kibi andi enggibene awi wusi wagarek andi hangge aro,” iluk yagaisasikhe.

YOHANES 15:1

At Yesus nen wene a'nogo yagaisasikhesik, hobuk ekhe mel yagaisasikhe: ”Hele anggur ero ebe mene re, an nebe aro. Nen ebe eisewerek he, an neisena aro.

FILIPI 4:18

Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.