HOSEA 14:5 - Allah Wene Fano Wene Hupla Inane

⁵ A'nogo yagaisasigimo, nineisena Tuhan nen he mel ikhe: ”An nagainafuri nane sagalogo hilingiti lagaikha mene andoma, An nen hobuk it inoba na'mage het-pet igin lek andi nen he, inambotkwe woginarek wesimbik, nendawinggen oba nenat nendawirinabigin o.

HOSEA 14:5 ပူးပေါင်းရင်းမြစ်များ

2 SAMUEL 23:4

at andi re meiso arat ninggeresik, mo asinandi lakfei wagunem, engga oba mum welagarek mene, afin-fin hilingisogo fikherek hak, At ebe andi higit welagarek,” iluk ikhe,

2 RAJA-RAJA 19:30

Nen, afuni Yehuda mene ekhe inoati'lek ineluk logogun mene andi re, hobuk yi mene ti mene kweangma yagoma omanggen ninghogo yateresik enggen hokhorogo iterek andi hak, fano mondok logogun a'naga o.

AYUB 29:19

An he e muli fanorogo wilipluk, omanggen oba amusu were'ma enggibene inom lilen waterek a'nogo hakhogo hilingik welagagi.

MAZMUR 133:3

athe lilengge tom Hermon oba nen o Sion punukwe pi wagarek higit werek. Andoma mondogat he ineluk mondok-mondok logogun mene faget At Tuhan nen fanot fisikherek.

MAZMUR 72:16

Aren ferinarek werekwe o ekhema-ekhema mondogat andoma gandum mondok sik-pikhogo saga ilik laga logouwak, nen o tomkwe mondogat he, yi mene ti mene yago mene enggen mondok hokhorogo iti logouwagat, Kweang he, o Libanon kweang muli fano andem higit enek hilingik logouwak, afuni o kota andoma welagaikharek menere engga o leikwe welagarek andi hangge sik-pikhogo hilinglarik logouwagat.

MAZMUR 72:6

At andi ebe re, meiso o leimo enggaba pi wagik, athe meiso hokho mene yabu waganekwe lupugeratik ikherek hak hilingik logouwak.

MAZMUR 80:9

It Hagainafuri andi re e anggur awi hangge o Mesir en waganogo fisa wagagin andi. A'nogo wo'ninarek wagagindik he, afuni inunggulenu hunogo mene ekhe were'ma, Haren mugusogo wulakfisasigindik he, nit ninebe o andoma e awi yatarek andi higit, ya'ninobagasigin andi.

MAZMUR 92:12

An he it naselei mene mabenet lagaikharek mene andi re neilenggen isikhi lagi, it afuni an noasuogeluk nawene melalogo fuluk nanggomo pali'lagwi mene andoma mondogat he nesanggo holhi lagi.

MAZMUR 92:13

Afuni inobabut higithogo nek hilingitarek mene and re e kurma asimit lagaikherek higit welagik, nen e sin o Libanon nen mondok muli-muli wiliferek andi higit welagik, ikhi logogun.

AMSAL 19:12

Raja a'mage re mene singa nen ngineterek andi higit lagaikherek, oba nen he at raja nen fano hilingiterek mene andi re lilengge enggabene sakhoraterek andi higit werek.

KIDUNG AGUNG 2:16

At endawi hundik mene andi re an nonggwarek mene o, nen an he at mene welagi. At ebe hubet sogoi funha wagarek mene nen o mumsek mene a'nogo furogo leget figi'lek werek kwelek,

KIDUNG AGUNG 4:5

Heilak he no rusa eagwi pire hangge hilingik welagen, nen no kijang eagwi pire hulipmio mene owil-owilengge bunga bakung anggelekwe engga tegethigik nunggunem hangge hilingik welagen.

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

YESAYA 18:4

Tuhan nen an noba ikhi logolik he, ”Lilengge o hup aganhan lagaikherek sambul yi mene ti mene enggen palhu sambul lilsi'norogo abolo'lek welagarek hak, nen o linggene mo eil ombak-bak fano mene hilingiterek hak, An nebe welagiba po'lima nen noba heanerogo alokhogo logolik pelakhisa waga logogin o.

YESAYA 26:19

Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.

YESAYA 27:6

Lingge hobuk wesigin meneba re it inunggulenu Israel mene andi re, e omanggen pelagaisogo fano wiliferesik enggen hokhorogo igisogo sagaikherek andi hak o kweangma yoma mondogat saga ugun o.

YESAYA 35:2

O andoma mondogat owil-owilengge wurilogo fegelik lagunem, inagaiyegen wuni lekhikhi logogun. Elokhe hilingik logogin mene re tom Libanon hilingik hakhogo mondok pigin-pugunsek logogin. Elokhe heanerogo hilingik mene re o Karmel fanggong inom, Saron fanggong inom hak hilingik logogin. A'nogo hilingi'mo re ap inebe lombogen nit nineisena Tuhan Omame werek mene a'nogo inom nen nineisena Allah elalin hilingiterek mene omanogo inom ineilenggen hogoin.

YESAYA 44:3

An nen kweang iringikwe andoma i wulagaisogo lakfei wagik, nen kweang agai nele pelerogo werekwe andoma meiso sogenggen mene oba sakhoratik, igin o. Nen An Nomame re haren tagongge mene inoba wogisigik, hombawi hobuk ta'lasugun mene inoba fanoet fisigik, igin o.

YESAYA 45:8

Pogoroba nen meiso higit inomame asuageluk An nen pelagisa wagirek, ma re, kweang en kwe hut fakhikheresik helaluk werek, a'nogo hilingiri'logo andiba re inagap telhu mene inom, agaugwerinafarek mene inom weinam agarek. Andoma mondogat he An Tuhan nen enek hilinglasuak anggugunem hilinglagarek,” iluk ikhe isikhe.

YESAYA 57:18

Nen it inobabut hilingiri'lagwi mene andi re An nen mondogat isikhi lagi o, oba nen he An nen it inoba fano higirinabimbik he inebe woginarek lagik, leberisigik igin o, nen afuni inoba sinurogo werek mene ogore inendawimo koninabigin aro.

YESAYA 57:19

An nen ap yatkwe werek mene inom, horok-horokwe werek mene inom, fano liokhogo welagaikharek mene afuni mondogat inoba wogisagain. An nen nagainafuri fano higirinabigin.

YEREMIA 3:22

Yago hit mondogat Tuhan herakfisasigip mene yoma sani, hinambotkwe sugulogo we'ni o! Aren hit higithinafik, hit hinebe tiphogo hilingiti logobagaigeluk hilinghinobagagik igin werego. Hiren ikhi logolik, ”Yogo o yogondak he At andi nit nineisena Allah hilingi'mo re nit At ambit waga lago.

YEREMIA 32:41

An nen it inoba fanorogo hilingfisugu mene faget nagaiyek welagi hilingi'mo re, it o kweang yiba mondok-mondok logouwageluk An nendawinggen eberogo meneba inom, Nobabut higit oba inom, Nagaiyek welagi meneba inom o yi fanorogo hilingisogo fisagain.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

MIKHA 5:7

Afuni Israel mene fena ineluk werek mene andoma, afuni inunggulenu lombok inanggelekwe andoma werek mene re enggama mene singa nen paik watik, nen oloba nen he wam domba senggelhik ikherek hak hilingiti logogun. Mene singa nen he wam domba omanogo eisogen tandamerisaluk he, aigen libik-labakhogo ninggik, ugunem afuni nen ambemangge telu elo'lek andi hak hilingik logogin.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

MATIUS 6:28

Hit he, su hinagap oba labesugun andi fagerat nenahalok hinendawi fiti lagep. Enggen mulinggen-molanggen o leikwe iterek a'nogo futfeni. Enggen andi oan isigeluk he, set kwil-kwalhogo hilingitik, yo lalogo su hak itik, ikherek mondok lek.

LUKAS 12:27

Enggen mulinggen-molanggen iterek andi futfeni o. Enggen andi oan isigeluk, set kwalogo hilingitik, yo hak lalogo su itik ikherek mondok lek meneat he, ap kain Salomo a'nogo helalingge wagane'ma fogerati lagaukwa oba nen he, elo'lek hangge. Enggen andi nek he, eilamulit mondok fano andi hani!

EFESUS 3:17

Hinendawinggen at Kristus oba himbiret foumo, at ebe hinendawimo awi wurogo were'ma re, yi mene ti mene awi yatunem omanggen yatik, o tik ninghogo watik, agarek hak, hinobabut he, afuni ekhe inebe inendawirogo welagaikharek andi meneba hinomanggen yakfuluk ninghogo logobagaigen iluk, Allah ayonggo fikhi lagi aro.

ULANGAN 32:2

An nen yagahisagain mene, meiso hangge pi wesuak, nane igin mene andi lilengge hangge yenggelasuak, meiso henanggikil hangge, engga helenggaba pi wagarek hak, andi hangge hilinglasuak, Meiso kweangma yi mene ti mene, yagokwe yenggelherek hak, andi hak hilinglasuak.