HOSEA 13:9 - Allah Wene Fano Wene Hupla Inane

⁹ Hit afuni Israel mene yi re. An nen hit hinebe wolelenggen tagalogo hinoasigin o. A'nogo hinoatunem andi re, sa nen elok telhinabigin nogo?

HOSEA 13:9 ပူးပေါင်းရင်းမြစ်များ

2 TAWARIKH 28:23

Aren anggikhi logolik he, ”O Siriaba kembu dewa werek mene andoma nen he it ap raja Siria mene ogo leberina fikhengge a'nogo re, an nen wam warogo wogosi lagain halok he, an ogo elok lebetneagain iluk anggasikhesik he it Siria inap at ebe mabenet fesukwa mene omanogo inanggembu dewa omanogo oba wam warogo fei laga lagaikheba re at onggwarek ebe inom, it afuni holhu mene omanogo inom alomat fisikhi lagaikhe.

MAZMUR 146:5

It afuni ineisena Tuhan Allah oba inendawinggen himbitfuluk hilingiri'lagwi mene andoma re inagaiyek hikhi logouwak, it leberinafu mene re at Yakub eisena Allah andi hilingfuluk werek mene andoma re inagaiyek anggikhi logouwagat.

MAZMUR 33:20

Andiba nit ninendawinggenma nen nineisena Tuhan oba himbiret fuluk logogun. We Arenat nit lebetninafik ninili wo'ninafik, ikherek.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

AMSAL 6:32

Oba nen he, ap ekhe nen it ekhe inagagwi mene inom pailak hilingite halok at andi ebe kembu nen hilingisiginmo, onggwaregen weagerogo fakhagain andi!

AMSAL 8:36

Nen, sa nen, an nebe wo'nafe lek halok, at andi nongasigin. Nen, ap an noba abit mene halok, wa'lagaikharek mene andi eise agasik werego,” iluk isikhe.

YESAYA 3:11

Oba nen ap inaniniba nek hilingiri'lagwi mene andoma re, iren afuni amu mene inoba hilingfisili'lagwi andi hakhogore it inoba ogo a'nogo hilingfisagain enggere inaplurogo logouwak.

YESAYA 3:9

It inanini mondok weakhogo hilingitarek mene a'nogo re it inobabut winik wonok agarek andiba weinam agarek. Nen afuni o Sodom mene nen attak weak hilingiti lagaukwa hak iren weinam-weinamat weak hilingiri'lagwi andi. A'nogo hilingiri'lagwi andiba re it inonggwaregen weaget fakhugunem he inebe alomat lakhikhi logogun o.

YEREMIA 2:17

An heisena Tuhan Allah nen wokharek nugu kwelegat he, haren An nebe hambotma fanhen andi nen honggwaregenat wene andi hoba fakhegenma a'nogo hilinglaga andi o.

YEREMIA 2:19

Hat hobabut mondok weak hilingiti lagen andi nenat, wene hoba fakhegen o. An heisena Tuhan Allah hambotma nobagegen andi nen, yi enggin ti enggin hoba fakhegen o. An nebe hambotma fanhendik An hailorogo hilingnafi lagen lek andiba re mondok wiik-weakhogo fakhegen andi hegen. An heisena Tuhan Allah nen nane arat igi o. An he Tuhan Allah Lego Mondok logolik Nomame Mondok Hokho mene a'nogo aro,” iluk ikhe.

YEREMIA 4:18

Yehuda ahwi, hat honggwaregenat enggin hokho mene andi hoba fakhegen o. Hat hobaburigiba inom, hobabut hilingiti lagen oba inom yi enggin ti enggin hikhi lagen andiba re hendawinggenma taunget hiili'lago andi o.

YEREMIA 5:25

Ma re, hit hinonggwarek hinaweak oba fano mene a'nogo kwe palfikhi lagepma re hit ninggi'legengge welagep andi o.

HOSEA 13:4

Tuhan nen ikhi logolik: ”Hit hinebe o Mesir en wokhinarek wulibi wagagi mene hineisena Tuhan Allah re, An aro. Allah amu mene ekhe werek lek, An nami-namu nenat hit hinagap telogo hinobagasigi o.

HOSEA 14:1

”Samaria re An noba eilnafesik nane sagalogo hilingitu nen he, unggum hela higit obaat helagain o. Afuni holhu mene aren mene andoma re weim elema nen wa'lasugun. Inomalik ketago mene re wulil tagalogo legerinafik, hemi omalik ina'ma mene re inalabut pelangetik, ugun o,” iluk ikhe.

HOSEA 7:14

Iren inendawinggenma ibi-eberogo nen samban An noba ili'lagwi lek. Iren samban ikhi logolik he it inebe nogoli'lagwiba omanogo weing la'luk, afuni An noba eberogo anggili'lagwi lek mene nen hilingiri'lagwi omanogo hakhogo re le ari'lagwi. Iren ambi gandum inom anggur inom kino yaga'neti logolik halok he, ap kembu dewa fogerari'lagwi mene nen hilingitarek hakhogo inebene inagap palikhi logolik kino yaganeri'lagwi. It he mondok ibi-eberogo nenat An nane sagalogo hilingiri'lagwi.

HOSEA 7:15

It inebe re An nenat kulinafirik wuriget fisigiba nen he it inebe misik a'luk An nane sagali'lagwi.

MALEAKHI 1:12

A'nogo meneat he, hiren he, Nineisena Tuhan faget wam, yi mene ti mene noletarek oba yi weak. Ma re, yi mene ti mene weak mene yugunat fisogoin aro, iluk anggikhi lagep andiba nenu weagerogo fikhi lagebo.

MALEAKHI 1:13

A'nogo anggikhi logolik he mel ikhi lagep: Yi'nogo hilingiti logou re, mondogat ninabit ari'lago, iluk, hinambisang singgin yaganeti lagep andi. A'nogo ikhi logolik An hinendawimo seramet nobagaluk he, wam yi mene ti mene yogot wanhi lagep mene inom, eisok weak mene inom, oba ou werek mene inom, An faget nobagakhi lagep. Ariginik mene nobagakhi lagep andi re, An nen wanigin iluga?

MALEAKHI 1:9

Andi nen he, hit ap Allah eisewerek mene yi. Yogondak hit Allah oba yagatunem, Aren endawi hundik hilinghinabuakhogo re walhani o. Hit hinonggwarek weak oba hiren samban At oba yagasugun mene onggo yagaisagain lek a'naga.

ULANGAN 33:26

A'nogo yagatikhesik, afuni Israel mene lambulogo faget mel yagatikhe: ”Hit afuni Israel mene yi, afuni nen hunogo mene faget, ”Nineisena ebe andi aro,” iluk agarek mene andi, nit nineisena Allah hangge ekhe mondok lego. Halok he, at ebe fogeratu kwelek pogoroba wagik, hit lebethisagaluk ohena anggele'ma heakhogo wagik, ikhi logouwago.

ULANGAN 33:29

Hit afuni Israel mene yi, hinendawimo hinagaiyeti logoino o! Nit nineisena Tuhan nen hit telhinafikhe andi hak, it afuni inunggulenu lombok ekhe telinafi'lego. Nit nineisena Tuhan a'nogo, ebe hit werekwe a'luk, hinaselei mene mabenetfisaluk, hinomame asuagaluk hilinghinafik, ikhi logolik, At ebe re, karok weim yafarek mene hakhogo inom, afuni nen inoasinogo iluk sing labetarek hakhogo inom, asimbik logouwago. Afuni hinaselei mene andi nen, Hinendawit ninabini o, iluk yagahisa wagunem, hiren he, it inebe hineisogen al perelogo fisikhi logogun o,” iluk yagaisasikhe.