HOSEA 13:8 - Allah Wene Fano Wene Hupla Inane

⁸ An nen he, no beruang eak longgot fuluk hilingiterek hak herogo hinoba sagali imbik, hinebe libik-labakhogo hinoatik, singa nen hilingiterek hak hit hinebe welagep oba andoma nen senggelhinafik, nen olomene aik anini mene nen hilingiterek hak hinebe senggel fogathogo hilinghinabigin o.

HOSEA 13:8 ပူးပေါင်းရင်းမြစ်များ

2 SAMUEL 17:8

At Daud agoromi tentara inom andi re mondok inailo'lek logolik weim mondok inomamerogo yafarek a'nogo hat helu o. It he, ina'mage mondok het-petsek logolik wam maro hangge enu beruang isa mene eak nalfuluk, a'mage hokhorogo lagaluk aigen palinabigiluk welagarek andi hangge werego. Nen, at Daud ebe ogore weim en enek mondok melalek logolik elu-pelurek agun, nen at agoromi inom misi'mo nogo igi'lek ale'ma oumokwe nogolik nikherek a'nogo helu o.

MAZMUR 50:22

Hit Allah hinonggot a'luk hilingitu welagep mene andoma re futfakhikhi logoni o. An nen hit hinebe alomat hinobagagi hanogo re, it afuni ekhe mene nen hinagap telhinabugun lek hilingi'mo re, kagalek logoni o.

MAZMUR 80:13

A'nogo meneat he nineisena Allah, nenahalok Haren ninaleget pa'leget waganek mene a'nogo meisalogo lakfisegenma, afuni ekhe waga logolik, anggur enggen inenggi abisak palu hak, weaget ninabuageluk herak ninobagegen nogo?

AMSAL 17:12

No beruang eak longgot fuluk agaisa nek lagunem inom ambi agaikharek andi re fano, oba nen ap kembu mene nen kembu-kembu aple omanogo faget asengseng aple hilingitu welagaikharek andi nek he mondok weak.

YESAYA 5:29

It mene inagoromi tentara re mene singa nen at ninggeregengge ket senggelfakhaluk ane kouwaterek hak hilingiti logolik he mondok felelenghogo helaluk nanimuk ilagunem he aben ogo ekhe fakfou re elo'lek.

YESAYA 56:9

Tuhan nen At againafuri hokhorogo pilisoageluk it inunggulenu pok mene miminginabumore, olomene aik anini weak mene higit wesugun.

YEREMIA 12:9

It he sue kuri nen sue ekhe abel fena-fena hukhogo mukhikherek hak hilinginabi'lagwi. Enggama eluk welagarek mene andoma nen senggelinabuak hogore wolisani o.

YEREMIA 25:38

Mene singa kweang elema nen wulibi wagarek hak, Tuhan nen ogo againafuri unggum wogisageluk andi hakhogo wulibi wagarek. Tuhan a'mage lagaikherek mene inom, weim yaferek mene inom, aniniba weagerinaferek mene inom omanogo o kweang yiba nen hebekhogo re lei esi le'ma hilinglaga.

HOSEA 2:12

At endawimo nen he, e ara ero inom, anggur ero inom, ap An ninom nikhi lago mene nen onggo wo'netarek mene o, iluk anggikherek mene andi re, An nen mondok legetfisagain aro. An nen at eabu anggur yabu inom, e ara yabu inom, andi hunogoat enggama hakhogo hilingisogo foumo, wam maro obabut weak mene nen weaget fisikhi logogin.

HOSEA 5:14

Ma re mene singa nen afuni inoaterek andi hak, An nen hit afuni Israel mene inom, Yehuda mene inom, hinom hinoasigin aro. Hit hinebe An nonggwaregenat libi'labakhogo hinoasimbik he, herakhinobagagin o. An nen hinebe lisogo wokhinarek lagunem afuni ekhe nen telhinabugun mondok lego.