HOSEA 13:2 - Allah Wene Fano Wene Hupla Inane

² O yogondak ogore, afuni Efrayim mene andi re, Allah ane sagalogo weak hilingituat werek. Iren he, tugwi kembu afuni inendawimo nen wenggelfuluk perak mene agauwak hilingisogo inenggiba wuri'lagwi. A'nogo wutfuluk iren ikhi logolik he: ”Wam, yi mene ti mene tugwi kembu yoma faget warogo nole'ni o,” iluk ugunem, afuni nen he sapi eak alik waganek meneba hai inambe saluk watarek andi re higit nogo a!

HOSEA 13:2 ပူးပေါင်းရင်းမြစ်များ

1RAJA-RAJA 19:18

A'nogo meneat he afuni Israel mene inebe 7.000 nen menere, An noba lombokhogo mondok welagaikharek hagat logolik, tugwi kembu Baal andi ineindep awi yagaisogo fogeratik, inambe salugetik, igi'lek mene andi an nen telinabigin o,” iluk yagatikhe.

2 TAWARIKH 28:13

iren ikhi logolik he, ”Nit he Tuhan elokhoma weak hilingitoma o, ninaweak hokho andi nen unggum ninoba fou hak hilingi'mo re, ap hele warinarek wagep mene andi re yoma woginarek wagup! Yogondak hiren hilingiti lagep mene andi re niren hilingitu aple weak mene ekhe inom oba louk uageluk hilingiti lageba?” Iluk yagaisasukwa.

2 TAWARIKH 33:23

Oba nen he at eisena nen endawinggen sebel fakhaluk hebekhogo Tuhan ambit wagaikhe hakhogo re, hilingiti'lek weak enek hokhorogo hilingiti lagaikhe andiba re, at eisena nen hilingiti lagaikhe mene inom he higitsek lek welagaikhe.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

YESAYA 1:5

Hiren Allah ebe ninabit iluk ugu mondok logogun andi re ninggi'nogoluk nogo? Weak hilingiti lagep andiba Allah nen wene ninoba fili'lago mene andem he, we endep hak anggikhi logolik hobuk enggin mene ninoba fouwageluk hilingiti lageba? Hinunggulkwe re hinoumo purak mene mondogat sagaikhemo welagep, nen hinendawinggenma wenggelhi lagep mene mondogat he ou agunem welagep.

YESAYA 30:1

Tuhan nen ikhi logolik, ”Afuni Yehuda mene ferinarek welagaikharek inap andi nen An nane oak sagali'lagwi mene andi re inebe alomat lakhoago. Iren he An nen hilingisigin iluk anggigirek mene omanogo hilingiti'lek he it inendawimo nen anggaluk hilingitik, nen iren An nendawimo angga lek hak mene omanogo inom inane misik seberogo ma'luk he inenggi amusu figik, hilingiri'lagwi andiba re it inaweak he kabok-kabogengge andogorogo liafi logolik werek andi.

YESAYA 44:11

Ibi-eberogo nen he, afuni alik wokfuluk fogerari'lagwi mene andoma inenggali asugun. Ap alik waganogo hilingiri'lagwi mene andoma re afuni we mene nen hilingiri'lagwi hilingi'mo re, it inebe misik seberogo weinama asi wesuageluk yagaisani o, iren inailo asimbik inenggali asugun werego.

YESAYA 45:20

Tuhan ane yi'nogo ikhe, ”Hit afuni hinunggulenu hinap hinanggele'ma nen longgo ugun mene andoma hinebe andoget la'luk misi'mo seberogo kabogesi we'ni o. Aben kembu alik waganek mene eba piarogo waluk laluk, kembu inagap telinaferek lek meneba samban ili'lagwi mene andoma re mondok kemburogo hilingiri'lagwi o.

YESAYA 46:6

Aben uang kwalhungge ele hurogo emas omanogo uang higit kwalfuluk, perak he ilirenggetu meneba enggin walhagarek. A'nogo walhaluk aren ap emas hilingiterek mene nen eil munenogo kembu ilirengge wutfouwageluk ap onggo palinafarek. A'nogo hilingfuluk at onggwaregen puguneterek mene a'nogo fogeraterek.

YESAYA 46:8

Afuni weak mondok hilingitu welagep mene yoma sani! Fanorogo wenggel haluk he furogo ebeti logoni o.

YEREMIA 10:4

Ap a'nogo nen alik-alik hilingfugunem ebene alilingge emas, perak meneba waganogo fuluk, talosinogo iluk he posiemanggen oba warogo fikherek.

YEREMIA 10:8

It inanggembu dewa andoma re e mene hilingi'mo re fano meneba yanggulinabu lek hak, it andoma mondogat he kemburek logoligen hilingik.

YEREMIA 8:5

Oba nen he, hit An nagainafuri nen hundik-handik An oboget nealuk hinunggul kwani-kwani lagalagep andi re nenahalok nogo? Hiren he hinanggembu a'nogo hinenggi pukhogo fetaluk logolik An nambit sugulogo wesu re mondogat hinabit welagep andi!

HOSEA 10:1

Israel he e anggur enggen mondok hokhorogo iterek andi higit werek. Angge yi mene ti mene enggi werek aga logolik, aren angge mezbah hokhorogoat wute. Yi mene ti mene sik-pik ikhi logolik he tugwi kembu aren fogeraterek kwe omanogo pugunhogo wurik lagaat.

HOSEA 10:5

Afuni o kota Samaria werek mene re inailo asugun; nen it inebe inom, imam omanogo inom o Betel oba andoma nen sapi emas mene obaget hilingiri'lagwi mene andoma re, iren kembu elokhe pugun-bagansek mene a'nogo mondogat legarik wagu nen he inendawi heiselhi logolik le asugun.

HOSEA 11:2

Oba nen An namlogo andi ekhe inom woletu were'ma re ekhe inomat At ebe an noba nen hebekhogo nobagaluk eil uan arik laga-laga. Aren he wam, yi mene ti mene tugwi kembu Baal faget inom, kembu ekhe mene faget inom, warogo noletik, amben fano mene dupa noletik, ikhi laga.

HOSEA 11:6

It afuni Israel mene inonggwarek inendawimo anggaluk hilingiri'lagwi andiba re, ap tentara nen inoasuogoluk it inaiba kota kwi we'luk, inebe inoatik, inaleget pa'leget ambe palek omanogo mondok weaget figik, ugun o.

HOSEA 14:3

Andi nen he, hinebe hinambotkwe Tuhan oba we'luk he, wam, yi mene ti mene At obaget fisa hak, samban yi'nogo ikhi logoino: ”Tuhan neisena, nit hat hane sagalogo fogosik weak hilingiti lago mene yi sagalogo legetfisanogen iluk, yagaheti lago mene yi ninane hesanggo holin o. Ninane holhen halok, niren wene wathetugu higithogoat fogethafi logogun o.

HOSEA 2:8

Hit hinagaisa andi re, An nen gandum inom, anggur inom, e zaitun enggen amusu inom, uang emas mene inom, perak mene inom, sik pikhogo wogotik, ikhi lagiba nen he, Allah nen wo'nete o, iluk ambeba nen fakhogo igi'lek logolik, uang omanogo re aren andugwi kembu Baal fogerasigeluk, helikherek andi.

HOSEA 4:17

It afuni Israel mene re tugwi kembu nen inendawinggen ninggemo re, it he herakfisani.

HOSEA 8:4

An nagainafuri nen he An anggigirek mene heinok wo'niigi'legengge re ap raja wenagaisogo menfili'lagwi. An nen fano hilingi'ni iluk mel yagaisigi'lek kwelek it mene inogogwi kaindek omanogo heragaisogo menfisili'lagwiat. Nen iren he emas, perak iren mene helaluk kembu alik wokfuluk hilingiri'lagwiba re it inonggwarek inebe alomat fakhili'lagwi aro.

HOSEA 8:5

An nen afuni Samaria mene nen sapi emas meneba apne wanharek mene andi faget mondok nabit isikhi lagi o. Nen An na'mage it inoba mondok fikhi lagi aro. Iren tugwi kembu fogeratu mondok werek kwelek enek he inebe alomat fakhugu mondok logogun mene andi re ki huli nen logogun nogo?

HOSEA 8:6

Sapi emas iren fogeratarek mene andi re it Israel inap elalhu inelu mene nen elalek engge! Andi re ebe Allah re lek enggere mondok wolelenggen isogoin halok fano!

BILANGAN 32:14

Nen, yogondak he hineisugwi nen hilingita hak he hiren ogo wene oak sagalhi lagep ari! Hit he ap hinebe kaboksek logolik weak hilingituba Tuhan a'mage mondok hokho mene a'nogo afuni Israel mene inoba fouwageluk hilingiti lagep hinap welagebo!

ROMA 11:4

at Allah nen he, onggo ninggi'nogo yagatikhe nogo? Yi'nogo yagatikheat anggigi: ”Ap inebe 7.000 nen kembu su an faget wenaginafigimo werego,” iluk yagatikhe.

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

2 TIMOTIUS 3:13

Weagetninafu kwelegat, it ekhe weak hilingiti logolik lalinabi'lagwi mene andi, it ekhe nen lalinafunem, iren onggo-onggo lalinafigat ikhi logolik, weak arik-arigat hokhorogo weak asugun andi.

1 SAMUEL 10:1

A'nogo yagatikhemo, kamo isikhemo re, at Samuel en minyak zaitun amusu i oak oba hinago mene wanhikhesik he, Saul unggul oba kweisalogo watfesikhesik, hai ambe saluk wati logolik mel yagatikhe: ”Nineisena Tuhan nen At againafuri inoe raja logouwageluk menhobagaikhe o. Andi nen he, hat At againafuri inoe raja logolik he, afuni it inaselei mene nen ferinarek logoinogo iluk haren ferinarek logogin o. Haren he, Neisena Tuhan nen at againafuri inoe raja logolik ferinarek logouwagaluk eberogoat mennobagaikhemo, iluk enegat asuagaluk yi'nogo hilinglagunem hagain a'naga.