HOSEA 13:13 - Allah Wene Fano Wene Hupla Inane

¹³ It Israel mene re ineluk logouwageluk iaple logolik oba nen he, it inebe kembu logolik inenggi iaple werek meneba aremnogore higithogo hilingiri'lagwi lek andi. At ebe re omalik fou we horok yogondak ta'lasigiluk ikherek oba nen agaisa alabutmo nen wulibi wagi'lek welagarek andi higit werek.

HOSEA 13:13 ပူးပေါင်းရင်းမြစ်များ

2 RAJA-RAJA 19:3

At Hizkia nen a'nogo lakfisikhi logolik, ”Wene Yesaya yi'nogo yagasi lano,” iluk lakfisasikhe. ”O yogondak yi ba re, ap tentara Asyur mene nen wene ninoba fuluk inendawimo serametfisaluk, inane asegen weak wo'nisagama, ninendawimo mondok weak welago. Nit ninebe re, hemi omalik taginabugun higit oba, inomame lek agunem welagaikharek andi hak elo'lek welago o.

MAZMUR 48:6

We'luk, iren punu andi ineilenggen kumut haluk he, inobakheindok palagunem inailo nek a'luk inendawinggen nonghong leil warik lagaikharek.

AMSAL 22:3

Ap hebelek mene nen he inebe weagerinabu mene haluk he weak-weak ogal fakhagarek, oba nen ap kembu mene re higi'legengge wonghogo lagunemen, weak meneba teisali lagaikharek.

YESAYA 13:8

It inebe mondogat he inailo hokho mene inoba asiginmo re ou hokho mene heinet wasugun mene re hemi omalik taginafi logolik ouen heinet watarek hak hilingisugun. It mondogat inendawinggen fit lasimbik inelokhe mep sagalogo hilingik logogun andi re inenggali nen hilingisugun.

YESAYA 21:3

A'nogo ugunem hasigisik he an neil higi mene a'nogo faget ninggi'nogo iluk nobakheindok palogo re neilenggen ha lek hak hilingnafik, nesanggo holu elo'legat hilingnafik, ikhe. An noba nailo mene nek agunem he noba ou ikhi lagi mene re hemi nen inomalik takhouwogeluk heinet watharek hak hilingiti lagi.

YESAYA 26:17

Tuhan nineisena, hemi inomalik takhouwogeluk ouen heinet wati logolik inane kwetarek hak, nirogo hat helokhoma nen a'nogo hilingiti lago.

YESAYA 37:3

Lagaukwama re at Hizkia nen Yesaya yaga'no iluk wene fesikhe mene re yi, ”O yogondak yire ninenggi fong warogo logogun oba o. Nit ninoba wene waganogo fouwogeluk, inane asegen wo'nisaga ari o, nit he hemi omalik tasuogeluk heinet wataresik inomame lek a'luk welagaikharek hak welago.

YESAYA 66:9

Hiren anggikhi logolik An nen nagainafuri woginarek lagu kwelek enek he omalik takhogoin huliba asigin hea, nen ta'lasinogo iluk herak fisikhe hea, iluk anggagubo,” iluk At Tuhan nen ikhe.

YEREMIA 13:21

Hiren ap hinagaila'lak mene inoba hak hilinginafi lagep mene omanogo nen he hit inomame leget hinobagaluk hit hinebe it inawe a'ma hinobagagunem he ninggi'nogo egep ha? Eberogo nen hit he hemi omalik taginafi logolik ou hagarek andem hakhogo hogoin o.

YEREMIA 22:23

Hit he e laik o Libanon mene oagen laberogo kwelakhinarek were'ma re hinendawinggen yamukhogo welagep, oba nen hobuk hit hinoba ou mene asi wesigin oba re hemi nen inomalik takhouwogeluk inambot heinet watarek hak, hilingisugun o,” iluk ikhe isikhe.

YEREMIA 30:6

Yago, wenggel hambik menenei fanorogo ebe'ni o! Ap en inomalik taginabumo re elok anggegep? Elo'lego. Ariginik halok he nenahalok ap andoma inelokhe heiselogo inalabut inenggi nen senegeisogo, hemi inomalik taginabuogeluk hilingitarek hak hilingiri'lagwi nogo?

YEREMIA 4:31

An nesanggo holhugunemen he, he mene eak takhageluk heinet watunem hilingiterek hak hilingitunem holhi, he tugum mene nen omalik manggusa malik tasigiluk hilingiterek hak, Yerusalem he set hoporogo le ari'logo. Enggi langhogo heinet wati logolik, ”Eige, an mondogat alomat lasigiluk welagi o, an naselei mene nen noasuogeluk hilingiri'lagwi!” ili'logo.

YEREMIA 49:24

Afuni Damsyik mene re inoak elekwe hololonghogo re, inailo nen heise lili'lagwi. It he, hemi omalik takhouwogeluk set hoporogo heinet weakhogo watarek hak hilingitu werek.

HOSEA 5:4

It Israel mene inaweak hokhorogo hilingiti lagaukwba re it inebe inambotkwe sugulogo ineisena Allah oba wesu re elo'lek hilinglaga. It inebe re tugwi kembu andoma nen mondogat pik pugerisikhemo re Tuhan a'nogo faget ebet-higi'legengge hilingiri'lagwi andi.

YOHANES 16:21

He ekhe eak tasigin horokse'ma heinet weakhogo wasigin oba hokhorogo waterek meneat he, eak a'nogo arat takhikheresik he, neak arat takhigi, iluk endawimo agaiyek hokhorogo hikhi logolik he, heinet weak waterek mene a'nogo onggot agarego.

KISAH PARA RASUL 24:25

A'nogo holek werek kwelek, higithogo hilingiti logogun wene andi inom, inendawinggen sebelek logogun wene andi inom, hobuk Allah nen afuni inanema waganogo wene inoba figik, kotik, igin wene andi inom, yagaisugunem, Feliks ailo agaikhe. Ailo agaikhesik he, ”Yogondak wene arat egen o. Hobuk ugun mene higit aga halok he, wolheagain o,” iluk ambotkwe lakfesikhe.

ULANGAN 32:6

Nineisena Tuhan nen he, fano hilingninaferek mene faget, hiren onggo a'nogo, hilingisu mene hilingiteba? Hit hinobabut kembu hangge, hinendawimo ebesugun elo'lek, hineisena At amuat werek lek nogo a? Aren elalhinafikhe lek nogo a? Hit hinunggulenu re, misigat mene logouwagaluk, wenakhinafikhe lek nogo a?

1 TESALONIKA 5:3

Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.