HOSEA 13:1 - Allah Wene Fano Wene Hupla Inane

¹ Attak he, afuni Efraim mene agaukhogo yagaisikhi lagaukwa andi nen, iren he, ”Yi'nogo hilingi'no, ti'nogo hilingi'no,” iluk ugu halok, afuni inunggulenu Israel mene ekhe nen he, inailo welagaukwa meneat he, it afuni Efraim mene nen he, Allah ane sagalogo tugwi kembu baal mene fogerati logolik weak hilingiti lagaukwa andi nen he inebe mondok lek asugun o.

HOSEA 13:1 ပူးပေါင်းရင်းမြစ်များ

KEJADIAN 2:17

A'nogo meneat he, e enggen nunggunem yi wene ti wene fano mene weak mene inelu agarek mene yi nek he, enggen ekhe palogo nagun. Mene re, nenggen halok, nunggu kwelek andemat eberogoat hebe wa'lasigin o,” iluk yagatikhe.

1RAJA-RAJA 12:25

Ap Yerobeam ebe afuni Israel mene inoe enupogot arat hilinglagaikhesik he, o kota Sikhem tom Efrayim oba andoma ninghogo wutikhesik, ebe elama faget andoma lagaikhesik welagaikhe. Welagaikhesik, hobuk o kota Pnuel ninghogo wusi lagaikheat.

AYUB 29:21

An nen komo wene yagaisugunem he afuni mondogat inane legengge alokhogo welagaukwa. Nen wene yagaisugunem omanogo inesanggo fanorogo holfikhi lagaukwa.

AYUB 29:22

An nane mondogat ugu halok he aben ekhe wurepma lisogo ikhi lagaukwa lek. I meiso agai pikherek hak an nane ugu mene omanogo inendawimo mondok kwikhi lagaikhe.

AMSAL 18:12

At onggwaregen legeisogo fakhikherek andiba pulema arat pilagarek andi, oba nen he ap endawimo sebel fakhikherek mene andi hobuk legeisogo fogoin.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YESAYA 7:8

A'nogo andi re o Aram mene ibu kota re o Damsyik andi at logogin, nen o Damsyik andi mene inoe raja re Rezin menlasigin. Nen aren ferinarek logogin kwe andoma re ekhe inom higilha wulibigin lek. Inenggi we 65 tahun wela'luk he it Efraim mene ogo inebe lalfal isaluk weagerinabumo re, it inunggulenu andi mene ekhe werek ikhi logogun lego.

HOSEA 11:2

Oba nen An namlogo andi ekhe inom woletu were'ma re ekhe inomat At ebe an noba nen hebekhogo nobagaluk eil uan arik laga-laga. Aren he wam, yi mene ti mene tugwi kembu Baal faget inom, kembu ekhe mene faget inom, warogo noletik, amben fano mene dupa noletik, ikhi laga.

HOSEA 2:10

An nen, at ebe ap inom nikharek mene andi ineilhanem asu nonggologo alfulukwa kogouk logouwageluk hilingfagain. At ebe an nenggiba logolik, nomameba a'nogo hilingitunem, it ap andi ekhe nen at ebe telugun mondok lek.

HOSEA 2:8

Hit hinagaisa andi re, An nen gandum inom, anggur inom, e zaitun enggen amusu inom, uang emas mene inom, perak mene inom, sik pikhogo wogotik, ikhi lagiba nen he, Allah nen wo'nete o, iluk ambeba nen fakhogo igi'lek logolik, uang omanogo re aren andugwi kembu Baal fogerasigeluk, helikherek andi.

HOSEA 8:4

An nagainafuri nen he An anggigirek mene heinok wo'niigi'legengge re ap raja wenagaisogo menfili'lagwi. An nen fano hilingi'ni iluk mel yagaisigi'lek kwelek it mene inogogwi kaindek omanogo heragaisogo menfisili'lagwiat. Nen iren he emas, perak iren mene helaluk kembu alik wokfuluk hilingiri'lagwiba re it inonggwarek inebe alomat fakhili'lagwi aro.

BILANGAN 10:22

Andi nen it inombo'ne re Efraim a'ma werek mene esa logalek omanogo tendelogo ekhe lagik-ekhe lagik inangge bendera liagaisogo lagunem he, hun Amihud amlogo Elisama andi nen it inunggulenu Efraim mene logalek omanogo halinabik laga lagaikhe.

BILANGAN 13:16

It ap at Musa nen o andi ineil penerik loageluk lakfisasikhe mene re inebe andem. Hosea hun Nun amlogo andi re Musa nen enu agamhogo ket mene Yosua salhikhe.

ROMA 5:12

Wene andi re, mel hangge. Ap misigat mene weak hilingitikhemo re, weak ero at oba nen afuni mondogat weak ninoba agaikhe. A'nogo ninoba agaikhemo re, ninebe mondogat weak hilingirik wagunem, wurep oba re, ninebe mondogat wa'larik wagorek andi.

2 KORINTUS 5:14

At Kristus nit ninebe endawit ninaferek andi nen fetninarek welagarek. At alegat nit mondogat faget wa'lagaikhe andi. Halok he, nit mondogat wa'lagagu aro, iluk futfikhi lago.

YOSUA 3:7

A'nogo hilingitukwama, At Tuhan nen Yosua mel yagatikhe: ”An nen hat o yogondak yi huli nen hebe kain hilinghabigin o. A'nogo hilinghafunem, it afuni Israel mene mondogaren he, hat agaukhogo fogethafi logolik, An nen at Musa serogo mondok welagagi andi hak, hat setharek mondok logogin andi, futhobagagun o.

HAKIM–HAKIM 12:1

Andem huli unggulenu Efraim mene re weim yabuogeluk fikfouk etukwasik i Yordan palogo re o Zafon logoin iluk lagaukwa. Lagaukwasik iren Yeftaba ikhi logolik he, ”Hat afuni Amon mene hinom weim yabi lageluk at he, nenahalok nit ninelut fegen lek? Yogondak he niren hat hebe inom hat heisok erokwe mene mondogat inom endumo nolhinabuogeluk welago,” iluk yagatukwa.

HAKIM–HAKIM 8:1

Ap Efraim mene a'nogo wagaukwasik Gideon mel yagatukwa: ”Haren ap Midian mene inoasi wesigiluk waga logolik, nit yaganisigi'lek wagen andi nenahalok! Ninggi'nogo nen haren nit ninoba a'nogo hilingninafen?,” iluk at Gideon wene weakhogo wenagetukwa.

1 SAMUEL 15:17

A'nogo yagatikhemo, at Samuel en he, ”Hat honggwarek hendawimo nen he, An elo'lek iluk anggugu kwelek meneat he, afuni Israel mene inunggulenu lombok inoe kain raja logoinogen iluk nineisena Tuhan nen wenagaisogo hobagasikhemo, it inoe hilinglagendik ferinarek welagen lek nogo a?