HOSEA 12:7 - Allah Wene Fano Wene Hupla Inane

⁷ Arigini'mo re, hit Yakub ambisangma mene yi sani, Hineisena Allah ba hinendawinggen tibet fuluk, sugulogo At ambit waga logoni o. Hit hinebe hineluk logolik he, hinendawinggen hundik hilingitik, higithogo nek hilingitik, hilingitu logolik hinendawinggen hambuk haluk hineisena Allah nen hilingisigin iluk nenangotu logoni.

HOSEA 12:7 ပူးပေါင်းရင်းမြစ်များ

KEJADIAN 49:18

Allah Henupogot neisena, haren telninabigin mene andiat serogo welagirego.

AMSAL 11:1

At Tuhan he ap ilirengge taganhogo walhagarek mene andi re abit anggikherek, oba nen ap ilirengge higithogo walhagarek mene nek he Aren agaiyek anggikherek.

AMSAL 16:11

Tuhan nen anggikhi logolik he yi mene ti mene onggo higithogo palhik hunitik hilingiti logoilep iluk anggikherek, nen ilirengge kilo ba ogo, timbangan oba ogo, higithogo nek walhikhi logoilep anggikheregat.

YESAYA 3:5

Iren he inenggi omameba ekhe sebelfisigik, nen ekhe weagetfisigik hilinginafi logogun. Ap souge mene nen he inaluendek mene sebelogo fisigik, nen ap sebelek mene nen he ap lego mene sebelogo fisigik hilinginafi logogun.

YESAYA 56:1

Tuhan nen againafuri inoba ikhi logolik, ”Eil misik wela'luk An waga logolik hinagap telhinabi wagik, nen katokhogo hilingitirek mene a'nogo weinamet figik igin enggere, An nawene melalek werek higithogo katokhogo nek hilingiti logoni o.

YEHEZKIEL 16:3

Tuhan Lego Mondok welagarek mene a'nogo nen afuni Yerusalem mene faget wene yi yagaisoageluk mimingnafe. Yerusalem yi re, hat hebe re o Kanaan kweang oba andoma nen ta'lagagin. Hat heisena re ap Amori mene nen hagaisa re awi Het mene.

YEHEZKIEL 22:29

Afuni inenggi werek welagaikharek mene nen he ineranhogo wene yagaisikhi logolik afuni inangge telhigik helagarek. Iren ap inenggi lek mene omanogo inendawimo nen anggaluk enek weak peakhogo hilingfisigik, nen ap pok mene inangge ekhe inom manggorogoat telogo heligik, agarek.

YEHEZKIEL 28:5

Eberogo hat he hangge onggo helugu mene faget hebelek logolik yogondak he henggi werek agen, nen henggi werek agen andiba re hat honggwarek legeisogo fakhikhi lagen,” iluk ikhe yaga'no.

HOSEA 14:2

A'nogo isikhemo, an nen afuni Israel mene yagaisikhi logolik mel isigi, ”Hit afuni Israel mene yi. Hinebe nineisena Tuhan Allah oba hinambotkwe we'ni o! Hit weak hilingiti lagep oba, hineisok peikhogo hinebe warikhi lagep.

YOEL 2:12

A'nogo yagaisasigimo, Tuhan nen ekhe mel isikhe: ”Andiba nen, yogondak he hinendawinggen oba nenat hinambotkwe noba we'ni o. A'nogo wesimbik sumburu ninggi'lek logolik, samban igik, le agik, ikhi logoni o.

AMOS 2:7

Iren afuni inomame lek yi'nogo ti'nogo ekhe hilingsu lek mene ineisogen tandamerisigik, afuni inangge inelagaik mene filikhogo wulakfisigik, agarek andi. A'nogo hilingiti logolik, ap ekhe amlogo emberegen he helime silerik ekhe inamingmingengge nom werek mene re it emberegen fakfisaluk pailak hilinginabi lagwi andiba re, an nenu weagerogo fagarego.

AMOS 3:9

A'nogo isikhesik he, ekhe mel isikhe: ”Hiren he, afuni o Mesir mene inogogwi inom, Asdod mene inogogwi inom, werek mene andoma inoba lambik wene yi yagaisa lani. Yagaisikhi logolik he yi'nogo yagaisano: Hit hinebe re afuni Samaria mene inawi tom-tom welagaikharekwe andoma andogosi laluk he, it weak mondok hilingitik, hesangge-pesangge hilingitik, inenggi omameba sebelinarek welagik, mondok hokhorogo hilingiri'lagwi mene andoma, hineilenggen penesino o,” iluk ikhe.

AMOS 4:1

A'nogo isikhesik ekhe mel isikhe: ”Hit hemi Samaria hemi hinebe wam sapi o Basan mene asei hokhorogo welagarek andi hak hinasei hokho asuageluk hilingiti lagep mene yoma re hinesanggo holini o! Hiren he afuni inomame lek mene enggin-fenggin inoba figik, inangge lek inelagaik mene sebelogo fisigik, hinaguni yagaisikhi logolik, Nagai nagain mene faget anggur amusu lugu-lugwi palharek mene keralogo nobagakhi logoin o, iluk hinane ninghogo mondok yagaisugu welagep andi.

AMOS 5:11

Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.

MIKHA 2:1

It afuni ekhe nen it ekhe weagerinabugun iluk o hubanggo inebe nogo agarek oba wengik logolik inendawimo wene weak mene ebetaresik, o wei ilik lagunem hilingirik lagaikharek mene andoma re weagerinabigin o.

MIKHA 7:2

Afuni inobabut higithogo nek hilingitarek mene re o kweangma yoma nen lek agaikha. Nen, ap Allahba tiphogo hilingitarek mene re ekhe were'ma isikhi lagi lek. Afuni inebe lombogen he it ekhe mene inoasugun iluk nenangorinafu mondok werek. A'nogo hilingiti logolik it inebe seberogo re inagaila'lak ekhe ke'nok uageluk yebet fisili'lagwi.

ZAKHARIA 14:21

O Yerusalem oba inom, Yehuda ba inom, panci andoma mondogat he Tuhan Omame Mondok Hokho mene a'nogo obaget amu enogo hilingitu mene fogoin. Afuni wam warogo fei wagu mene nen he, panci andoma wam fugu mene omanogo isatu mene wanhi logogun. Inenggi andiba asi wesigin sambul he, ap onggo palhu mene re Tuhan Omame Mondok Hokho mene a'nogo Aiba andoma ekhe logogun lek.

ZAKHARIA 5:8

A'nogo were'ma re malaikat a'nogo nen ikhi logolik, ”He yi re weak mondok hilingitarek mene a'nogo ilirengge werego,” iluk ikhi laga. A'nogo ikhesik he, he a'nogo nekhengge si ugu a'nogo elema tamakhogo kwelakfikhesik he sa'lip yagarek mene a'nogoba sebel fugunem higi.

ZAKHARIA 7:9

”O attak andoma nenat tahun mondok hokhorogo hilinglarik wagaikhe andomaba nen engge An nawene melalek yi An nagainafuri mene inoba yagaisilik wagirek andi. An nen yagaisikhi logolik, ’Hit hinobabut higithogo nek hilingitik, hinendawi hundik hilinginafik, hinagaila'lak hinom nendawi-hendawirogo welagik hilingiti logoino o.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

YOHANES 2:16

it afuni sue pel hangge mene onggo wanhi lagaukwa mene omanogo wenagisigik isikhe. A'nogo wenagisikhi logolik he, ”Sue yoma helaluk wulibi lani o. An neisena awi wuri'mo yoma, yi mene ti mene onggo palharek oba hangge palhi lagep yi re, a'nogo hilingiti logogun mondok lego,” iluk wenagisasikhe.

YAKOBUS 5:4

Hinagoromi hineranenat yabu hilingisuageluk inayonggo fuluk athe, inenggi onggo wogisigi'lek munenikhi lagep andi nen, iren he, ”Ninenggi onggo wo'nisawem!” iluk inane hokhorogo ili'lagwi andi holini! A'nogo hilingiti lagepma it inane andi ninoe Enupogot omame hokho a'nogo esanggo holhesik werego.

1 SAMUEL 12:3

Yogondak he, hit hinelokhoma mendek welagi yi! Enggere an nen weak ekhe hilingiti halok he, nineisena Tuhan eilhanem inom, ap hinoe raja Aren wenagaisogo wokhisikhe mene inom ineilhanem, yi'nogo hilingite iluk wene noba feni o. An nen hit hinanggo sapi inom, keledai inom, nenggi abisak wanhi mene ekhe werek nogo? Neranen wene ekhe lalhinafik, mep lagik-lagokhogo ekhe hilinghinafik, wene pilingiti logolik, an it werekwe asuagaluk, uang onggo wo'netunem ekhe wanhik, igirek mene ekhe werek nogo? Ekhe a'nogo hilingitimo halok, ambotkwe wogisagen he, yagane'ni o,” iluk yagaisasikhe.