HOSEA 12:6 - Allah Wene Fano Wene Hupla Inane

⁶ Allah andi re Tuhan ekhe mene-ekhe mene hilingisu hagenek mene a'nogo. At enu re Tuhan andi. At endawimo nen he afuni nen An nobaget fogetnafi logouwak anggikherek.

HOSEA 12:6 ပူးပေါင်းရင်းမြစ်များ

KEJADIAN 49:18

Allah Henupogot neisena, haren telninabigin mene andiat serogo welagirego.

MAZMUR 123:2

Afuni inamingmingengge nen it inogogwi inoba inendawinggen himbirik logolik werek higit, nen it inamingmingengge helime mene nen inagaisawi inoba inendawinggen himbirik welagaikharek higit, niren a'nogo nek Haren hendawi nisoageluk, Hat Tuhan nit nineisena Allah nenangot hafu welago.

MAZMUR 27:14

Tuhan oba nek hinendawinggen eberek mondok logoni, hinendawimo leigeti'lek hambukhogo logoni, we, At Tuhan oba nek hinendawinggen tibet fuluk logoni, iluk samban isikhe.

MAZMUR 37:7

Hit hinendawinggen hambuget haluk logolik hineisena Tuhan serogo logoino, Aren hilingisigin mene oan werek kwelek hinafe morogo serogo logoino. Afuni nen hilingitunem ambisangma fano asigin mene faget hinendawinggen abolok u fuk.

KELUARAN 3:15

Ekhe re, yi yagaisanogen yagahesik: An he, hit hinombalak Abraham inom, Ishak inom, Yakub inom, ineisena Nenupogot Allah a'nogo nen hat hayonggo figirik it inoba lakhobagagi o. An nenu re, Tuhan Allah, iluk ugu mondok logogun mene a'nogo aro. An nenu andi re, afuni hobuk ta'larik laga logogun mene mondogaren ugu mondok logoguno.

AMSAL 1:23

An nen hinenggali warogo komothinafu halok he, hinafe hebela'luk nanehologo hilingiti logoni o. A'nogo hilingisugun halok he, an nendawimo wene hinago mene andi fakhogo weinama fuluk wene nelu mene yagahisagain werego.

AMSAL 21:3

Yi mene ti mene Tuhan obaget fagarek andi re maben hak oba nen he, tiphogo hilingitik eberogo mene hilingitik agarek andi nek he, Tuhan endawimo agaiyek anggikherek mene hilingitarek.

YESAYA 1:16

Weak mene hinoba werek halok he fanorogo sobalikhi logoino. Hit hinobabut An neilhanem weak hilingiti lagep mene andi herakfisaluk hobuk weak hilingiti logou fuk.

YESAYA 30:18

A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.

YESAYA 31:6

Tuhan nen ikhi logolik, ”Hinunggulenu Israel mene hiren An nane sagal fuluk, An neilhanem weak hilingiti lagep. Oba nen yogondak hiren sugulogo An nambit we'ni o!

YESAYA 40:31

Oba nen he, ap Tuhan oba inendawinggen himbirik logolik logogun mene re, inomame ket mene kwelakhikhi logogun. It inebe re sue pim agerabul omame meneba tarogo yat patma lagarek hak hilingik logogun. It he humusek laga logogun oba nen inomame lek aga logogin lek, nen kwe laga logogun oba nen inoba lebelek aga logogin legat.

YESAYA 58:6

Lego! Inambe heang fuluk welagaikharek andi ebe An namolo mene re yi o: Ap enggin-fenggin inoba fisugunem werek mene andoma lologo fisigik, higithogo hilingitu le'ma anggolo hurane hagarek mene andoma lologo fisigik, ap sebelogo ferinarek welagaikharek mene fikhalogo wulakfisigik, agarek mene andi nek he An namolo re andi o.

YESAYA 8:17

Tuhan ebe At againafuri Yakub en tagomangge mene inoba nen hina'lagaba nen he an nen hobuk fano asigin iluk At oba nendawinggen himbirik logolik mondok welagi o.

YEREMIA 22:15

Raja Yoyakim yi, hesanggo fanorogo holin o! Hat hawi sili andi re e laik fano mene o Libanon agayo andomaba nek wuti lagen andiba re, ap raja-raja amukwe menere maben hangge hilingik kwelek hat enek he kain mene welagen iluk enegenggere andi a? Hat heisena welaga aple wenggelhan: At ebe eluk obare mondok fanorogo logolik aren yi'nogo ti'nogo hilingiti lagaikhe mene omanogo re higithogo nek hilingitik, weinam selekhogo nek hilingitik, nen ap inenggi lek mene inawene katokhogo palisigik, hilingiti lagaikheba re ambisangma fano mene nek hikhi laga o. Ap Tuhan inelu inaben he a'nogo hilingitarego.

YEHEZKIEL 18:30

Tuhan Lego Mondok werek mene a'nogo ane ikhi logolik, ”Yago, hit afuni Israel mene yi sani! An nen he afuni inebe lombok inobabut hilingitarek lombok higithogo ayo wurinabigin o. Hinaweak hilingiti lagep mene mondogat herak fisaluk hinendawinggen hebelini o. Hinaweak fageti'legengge herakfuluk welagep oba hinebe weaget hinabinogo.

HOSEA 10:12

An nen ikhi logolik, ”Hat Israel yi! Heabu ket mene senfuluk enggen awi yatu mene re katokhogo hilingitu mene andi yasin o, nen enggen palhu mene re haren hendawinggen An noba ibi-eberogo tibet fikhi logogin andiba fanot hobagagu mene palikhi logogin. Haren An heisena Tuhan hera'nabigin oba o arat horogasi waga. An wesimbik fanothinafirek mene a'nogo meiso pelabi wagarek hak pelakhisa wesigin.

HOSEA 14:1

”Samaria re An noba eilnafesik nane sagalogo hilingitu nen he, unggum hela higit obaat helagain o. Afuni holhu mene aren mene andoma re weim elema nen wa'lasugun. Inomalik ketago mene re wulil tagalogo legerinafik, hemi omalik ina'ma mene re inalabut pelangetik, ugun o,” iluk ikhe.

HOSEA 4:1

Tuhan he, afuni o yi werek mene inom wene werego. Enggere Israel mene yi sani, Aren ane ikherek mene andoma furogo holhi logoni o, ”O kweang yiba re tiphogo hilingitu mene inom, inendawi hundik hilingitu mene inom werek lek. It afuni oma werek mene nen ogo An Allah iluk eberogo inambeba nen fageri'lagwi mondok legat.

YOEL 2:12

A'nogo yagaisasigimo, Tuhan nen ekhe mel isikhe: ”Andiba nen, yogondak he hinendawinggen oba nenat hinambotkwe noba we'ni o. A'nogo wesimbik sumburu ninggi'lek logolik, samban igik, le agik, ikhi logoni o.

YOEL 2:13

Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

AMOS 4:13

At nineisena Tuhan nenat o tom-tom andoma walhogo figik, sogoi elalhik, isikhesik he, at endawimo anggikherek mene re nit afuni yaganisikherek. Andi nen o linggene inom, hubanggo inom Arenat walhasikhesik, ebe o kweangma yoma yi awi ti awi tom unggul kwe nikherek. Enu re, Tuhan, Allah Omame mondok hokho mene andiat.

AMOS 5:24

Hit hinobabut he, i elesi wulibisogo lagarek andi hak, wene higithogo pilingitarek mene andiat esinet figik, i elesi agai lagu mondok welagarek andi hak, higithogo nek hilingiti logouwogeluk esinet figik, ikhi logogun andi nek he mondok fano.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

MIKHA 7:7

Ariginik oba nen, nit he nineisena Tuhan nenangorogo logouwok. A'nogo logolik, ninendawimo nen eberogo anggaluk nineisena Allah yerogo logogun. Nen, Aren he, nit ninane holfuluk telninabigin.

HABAKUK 2:3

Wene ebe hilinglasigin oba oan andi nen he, lisu palogo fein o. Oba nen he, ebe hilinglasigin oba andi weak-weagat wesigin, An nen ebe hilinglasigin iluk yagaheti mene andi re eberogoat hilinglasigin o. We, wene ebe aninuat werek kwelek meneat he serogo logoino! Eberogoat hilinglasigin iluk eberek logoino.

ZEFANYA 3:8

Oba nen he hinelurogo! An nebe menlasimbik hinabusakwe sagal-fagal hinabigin sambul andi yerogo logoni. An nen anggikhi logolik yi afuni ti afuni inuggulenu lombok inom o kerajaan andoma inom andoget fisambik, An anini a'nogo it inoba kweisaligiluk hilingiti lagi. Ma re, o kweangma yoma mondogat he An nanini nen endu fasigin mene a'nogoba endu nagain.

ZAKHARIA 1:3

Oba nen yogondak he An nen hit hinoba yi'nogo yagahisak: Hit hinebe sugulogo An nambit we'ni o, nen, An ogo sugulogo hinambit wesigin.

ZAKHARIA 7:9

”O attak andoma nenat tahun mondok hokhorogo hilinglarik wagaikhe andomaba nen engge An nawene melalek yi An nagainafuri mene inoba yagaisilik wagirek andi. An nen yagaisikhi logolik, ’Hit hinobabut higithogo nek hilingitik, hinendawi hundik hilinginafik, hinagaila'lak hinom nendawi-hendawirogo welagik hilingiti logoino o.

ZAKHARIA 8:16

Hiren hilingiti logogun mene ebe re yi: Hiren hinane uogeluk halok he, eberogo mene nek hinagaila'lak inoba yagaisigik, nen, o wene katokhogo palharek oba omanogo nen wene tegeti logolik hinendawinggen se asu hak mene nek ikhi logolik higithogo tegeti logoino.

KISAH PARA RASUL 2:38

A'nogo yagaisasukwama, at Petrus nen he, ”Weak hilingiti lagep mene andi herakfisambik hinobabut hebela'ni o. A'nogo hebelasumo re, weak hilingiti lagep mene andi, Allah nen sebelogo legetfisoageluk hinebe lombok Yesus Kristus enu hombuk palogo ima pelakhinabumo re, Allah Areagun andi wokhisagain o.

KISAH PARA RASUL 26:20

Wene andi, attak it afuni Yahudi mene o Damsyik andoma welagaukwa mene yagaisasigi. Hobuk o Yerusalem lambik logolik, it andoma mene yagaisigik, o propinsi Yudea mene mondogat yagaisigik, isigisik, it endakwe mene yagaisilik nikhi lagi. A'nogo yagaisilik nikhi logolik he, weak hilingiti lagep mene herakfisambik hinobabut hebelasimbik hinelokhe Allah wogo'no o. Hinelokhe Allah wogosimbik he, hinobabut afuni inobabut hebela'luk hilingitarek hagat hilingiti logoino o, iluk yagaisikhi lagi.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.