HOSEA 12:3 - Allah Wene Fano Wene Hupla Inane

³ Tuhan he wene unggulenu Yehuda mene inom werek, Aren it Israel mene ogo it inobabut oba unggum wogisagain. Nen Arenat it inobabut hilingitarek oba ambisangma hilingfisigik igin.

HOSEA 12:3 ပူးပေါင်းရင်းမြစ်များ

KEJADIAN 25:26

Nen, at ombo'ne mene tatunemen he, attak mene eisok onggut enggi ninghogo senegengge ta'lagaikhe. A'nogo ta'lagaikhe andi nen enu Yakub salhukwa. At Ishak ebe umur 60 tahun oba omalik hulipmio mene andem ta'lagaukwa andi.

2 RAJA-RAJA 17:18

andiba re, Tuhan a'makwe mondok het-pet isikhesik it inoba ekhe ebeti lagaikhe lek. Aren it inanggweang wogisasikhe mene omanogoba nen waganogo huginabi lagaikhemo re we afuni inunggul enu Yehuda mene nek he andoma welagaukwa.

2 RAJA-RAJA 17:20

Andiba re Tuhan nen it afuni Israel mene inebe mondogat he At againafuri mene iluk anggikhi lagaikhe lek. Aren it inoba wene fuluk ap it inaselei mene inanini mondok mene inenggiba fisikhi lagaikhe. Aren it inoba ebeti'lek enggere kweang it inebe logouwageluk wogisasikheba omanogo nen waganogo huginabi lagaikhe.

2 RAJA-RAJA 17:23

andiba ambisangma re Tuhan en it ekhe halfisikhi lagaikhe mondok lek. Aren he it inebe kweang wogisasikhe mene omanogoba nen huginabi lagaikhe. A'nogo hilingitikhe andi re At Tuhan nen wene futfouwageluk amingmingengge nabi bene nen yagaisikhi lagaikhe mene a'nogo higithogo hilingitikhe andi. A'nogo hilingitikhemo re, afuni Asyur mene nen it Israel mene huginabi lagunem omanogo woginapluk lagaukwama re o yogondak huli nen ogo andoma werek.

YEREMIA 2:9

Tuhan nen a'nogo ikhesik, wene ekhe againafuri faget mel ikhe: ”Yogondak he An nen wene hit hinoba ekhe fikhi lagi o. Nen hiren tagomangge mene hinombalak andoma inom wene inoba mene ayo wurinabigin aro.

YEHEZKIEL 7:3

Tuhan ane ikhi logolik, ”Israel hinap yi, yogondak he hit hinebe legasugun oba arat hilinglagep. Hit he, An nanini a'nogo hogoin. Hiren hinobabut ina'meilo mene hilingiti lagep andoma faget he An nen ayo wurogo unggum higithogo hinoba fagain o.

YEHEZKIEL 7:8

We horok yogondak yaba nek An nanini mondok hokho mene a'nogo hit hinoba fugunem hogoin. Hit hinobabut hilingiti lagep higithogo An nen ayo wurogo pilinghinabigin. Hiren weak mondok elo'lekhogo hilingiti lagep mene andoma onggore An nen hit hinoba ambisangma hilinghinobagagin weregat.

HOSEA 4:1

Tuhan he, afuni o yi werek mene inom wene werego. Enggere Israel mene yi sani, Aren ane ikherek mene andoma furogo holhi logoni o, ”O kweang yiba re tiphogo hilingitu mene inom, inendawi hundik hilingitu mene inom werek lek. It afuni oma werek mene nen ogo An Allah iluk eberogo inambeba nen fageri'lagwi mondok legat.

HOSEA 4:9

Ma re, afuni inoba enggin-fenggin hili'lagwi andem higit he hirogo a'nogoat hogoin o! Nen hiren hilingiti lagep andem higithogo re An nen unggum hinoba wokhisagain aro.

AMOS 2:4

Tuhan nen ikhi logolik he, ”It afuni Yehuda mene re hundik-handik weagenek hilingitu weregen he, An nen eberogoat unggum inoba fagain o. It he An nen nane yi'nogo hilingi'no ti'nogo hilingi'no iluk yagaisikhi lagi mene taganetfigik, An nen yagaisikhi lagi mene a'nogo futfigi'lek hilingitik, hilingiri'lagwi. It he it inombawi nen kembu ilah amu mene apne wanhi lagaukwa mene nineisena ebe yi aro iluk, fogerari'lagwi andiba inebe lalinaferek andi.

MIKHA 6:2

Hit tom inom kweang huli werek mene inom, Tuhan nen wene hinoba hikhibet hisageluk ili'lago mene andi holini o. Allah nen he againafuri Israel mene unggum inoba fagain iluk hilingiri'lago andi.

ROMA 9:11

It ap inebe pire andi, inebe ta'lagi'lek inobabut fano hilingitik, weak hilingitik, igi'lek werek kwelek, at Allah endawimo nen anggaluk wendeberogo fisasikhe andi ebe asimbik logouwageluk,