HOSEA 12:1 - Allah Wene Fano Wene Hupla Inane

¹ Tuhan nen ikhi logolik he, ”It afuni inunggulenu Israel mene nen he An nebe haningisogo kwelaknarek logolik, ineranhogo wene nek igik, inunggulenu Yehuda mene re An Allah nebe horek mondok logolik tiphogo nek hilingiti lagi mene a'nogo nane sagalogo hilingitik, ugu mondok logolik lalogo nobagali'lagwi.

HOSEA 12:1 ပူးပေါင်းရင်းမြစ်များ

KEJADIAN 41:6

Nen, ekhe re, gandum ero misigat hunogo meneba enggen ebe 7 nenat sogoi aganhan weak mene nen enggen saweret fesikhemo amusu lek puget fesikhe mene, igisogo wulabi wagunem hasikheat.

2 RAJA-RAJA 15:19

Afuni Asyur mene inoe raja Pul a'nogo it afuni Israel mene were'ma weim sineli kwi wagaikhemo at Menahem en he, ’An afuni Israel mene inoe hilingi'mo andoma nebe nomamerogo melalinafi logogin,’ iluk hun Pul andi nen legeisogo nobagauwak, iluk he perak 34.000 kilogram en mene wogetikhe.

2 TAWARIKH 21:11

At Yehoram en he it Yehuda inap werekwe tomkwe omanogo tugwi kembu fogerati logogun kwe wurik lagaikhe andiba re, it afuni Yehuda mene inom Yerusalem mene inom Tuhan elokhoma weak hilingiti lagaukwa.

MAZMUR 78:36

Oba nen he, iren At oba henarogo nek hilingitu logolik, it inane ugu mene ogore ineranhogo wene nek ikhi lagaukwa.

YEREMIA 2:36

Hit he, afuni inunggulenu ekhe mene inandugwi kembu omanogo nen lebethisoageluk weak-weak laga lagep. Ma re, eberogo nen hit he afuni Asyur mene nen hinenggali warogo hinobagasukwa hak, it Mesir mene nen ogo hinenggali wasugunat andi o.

YEREMIA 22:22

Andiba re hit hinogogwi fethinarek mene andoma re sogoien futhugunem hangge funhogo legasugun o. Nen, ap hit hinom sebeti lagep mene andoma re hele warogo woginarek logoin, hit hinawi kota re hiren hinanini mene hilingiti lagep andiba re inalitnorogo enggali warogo fogoin.

YEREMIA 7:15

An nen hit hinagaila'lak hinerugwi Israel mene mugusogo wulaginafigi hak, hit ogo An nelokhoma nen mugusogo wulak hinobagagin aro,” iluk ikhe o, isikhe.

RATAPAN 5:6

Nit he o Mesir laluk kino-kinongge mene aga lago, nit nunggu mene re Asyur mene inoba kinosi laga lago.

YEHEZKIEL 17:10

Eberogo nen at ebe omanggen ninghogo yago werek, oba nen he at a'nogo wilifu mondok logolik sagarik lagu mondok logou hak nogo a? Sogoi timur fikhiren funha wesumo nen he pugasu lek hak nogo? Nen at ebe yakfuguba aremnogo nen pugasu lek hak nogo? Pugasu hak aro,” iluk ikhe.

HOSEA 11:9

An nebe Allah aro. Afuni hanggere lek, andi nen he An nen na'mage hit hinoba het-periluk, wene hinoba figirek andi hak fagain lego. An nebe tegelek mondok welagirek mene a'nogo hinebe fethinarek mondok logolik, na'mage hinoba het-perikhi logogin lego,” iluk yagaisasikhe.

HOSEA 4:15

Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.

HOSEA 4:19

Andiba it inebe re sogoien furisugunem hakhogo legasugun. Iren kembu dewa obaget warogo wogeti logogun mene omanogo faget he, inenggali asugun o,” iluk ikhe.

HOSEA 5:13

Hit afuni hinunggulenu Israel mene inom, Yehuda mene inom, weak welagep andi futfembik he, hit Israel mene nen afuni Asyur mene inoe raja lego welagarek mene ekhe nen telhinabuagaluk ayonggo lagep meneat he, aren telhinafik, hinebe fano logobagaigeluk hiligisogo hinobagagik, u re, elo'legat aga andi.

HOSEA 7:1

A'nogo isikhesik Tuhan nen ikhi logolik, ”Hundik-handik An nen nagainafuri Israel mene inebe fano hilinginafik, inambotkwe pugunhogo fisigik, hilingisigin iluk hilingitu sambul aremnogo isikhi lagimo re, weak hilingisugun mene inom, inaniniba hilingisugun mene inom enek hilingiri'lagwi. Iren he, ineranhogo wene lalalengge hilingitik, afuni inaiba yogot hinasi kwigik, ebekhe kwe nen telogo heligik, hilingiri'lagwi andi.

HOSEA 7:11

Israel he, sue yalma mongol mene nen lagik wagik ikherek hak hilingiri'lagwi. Attak he iren Mesir mene nen lebetninapni o iluk kino lagaikha. Andi nen hobuk he Asyur mene nen lebetninapni iluk yagaisa lagaikha!

HOSEA 8:7

An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.