HOSEA 11:4 - Allah Wene Fano Wene Hupla Inane

⁴ An nen at ebe nendawirati lagarik, noba lomborogo logouwageluk fei wagagisik, oba enggin-fenggin were'ma An nen lebethigik, nendawi sakhoregen at nunggungge ninggi logouwageluk wogotik, ikhi lagi meneat he,

HOSEA 11:4 ပူးပေါင်းရင်းမြစ်များ

2 SAMUEL 7:14

At andi eisenare anat hilinglagik, nen athe an namlogo hilinglagik, ugun o. Halok he, at weak ekhe hilingite halok, ineisugwi nen inagainafuri inelu asuageluk wene inoba fagarek a'nogo hak, An nen at oba wene fikhi logogin.

MAZMUR 105:40

Allah kino yagatukwama, sue yomalmal hangge lakfisa wagaikhe. Sumburu roti pogoroba nen pelagisa wagunem it inalabut ninghogo ninggi lagaukwa.

KELUARAN 16:32

At Musa nen he, ”Tuhan nen hinagainafuri tagomangge hinombalagen en he, ninombalak ineisena Tuhan o Mesir en woginarek wulibi wagaikhesik o leimo afuni le'ma waga logolik inamburu Manna wogisasikhemo ninggi lagaukwa ebe yi mene, iluk ineilenggen hikhi logouwageluk sumburu Manna iwak elema 2 liter mene kwalogo feino o,” iluk yagaisasikhe.

KIDUNG AGUNG 1:4

Raja neisena, an nebe wo'narek o senggelek hat nogokhi lagen oba andoma weak-weakhogo kwilan o. Hat faget nit mondogaren ninagaiyegeti lago, Hendawi hundik hilingiti lagen mene andi re anggur agai sebelek hak oba nen andi nek he mondok esin hilingi'mo re, helime silerigen hat hobaget inendawinggen nunggunem hoba eiselek mondok werek andi re hilingisu hak hilingiri'lagwi o.

YESAYA 63:9

it inoba enggin-fenggin hagarek mene a'nogo re At oba aga. Tuhan ebe nenat it inebe telinabi waga, nen inobali'mo iluk ap yonggo lakfisagarek andi hak lak fisa wagi'lek. At amu nenat it inelagaik isaluk endawi hundik hilinginafikhesik he fikhalogo fisasikhe. Attagen engge Aren hambogoisogo woginafik, agaumo felikhogo woginarek lagik ikhi laga.

HOSEA 2:8

Hit hinagaisa andi re, An nen gandum inom, anggur inom, e zaitun enggen amusu inom, uang emas mene inom, perak mene inom, sik pikhogo wogotik, ikhi lagiba nen he, Allah nen wo'nete o, iluk ambeba nen fakhogo igi'lek logolik, uang omanogo re aren andugwi kembu Baal fogerasigeluk, helikherek andi.

IMAMAT 26:13

Hit ap inamingmingengge logogun lek iluk, inomameba sebelhinarek welaga mene a'nogo omame leget fuluk, fikhalogo hinobagagirik o Mesir en wokhinarek wulibi wagagi mene, hineisena Tuhan Allah a'nogo Nebe Anaro,” iluk yagaisasikhe.

YOHANES 12:32

An nebe kweangma yoma mennobagaumo re, an nen afuni mondogat lithigik woginarek nonggwarek noba fisa wesigin o,” iluk yagaisasikhe.

2 KORINTUS 5:14

At Kristus nit ninebe endawit ninaferek andi nen fetninarek welagarek. At alegat nit mondogat faget wa'lagaikhe andi. Halok he, nit mondogat wa'lagagu aro, iluk futfikhi lago.

ULANGAN 32:12

At nineisena Tuhan onggwaregenat againafuri woginarek nikherek, Ap pok mene ekhe nen, neisena ebe andiat iluk, ikherek mene andi nen, woginarek nikharek lek.

ULANGAN 32:14

Inanggo sapi kambing domba eilak amusu hokhorogo welagik, it inanggo fano mondok welagik, It mene gandum anggur enggen, amusu fano mondok logouwageluk hilingfisasikhe.