HOSEA 11:11 - Allah Wene Fano Wene Hupla Inane

¹¹ It he sue nen tarogo lagarek hak o Mesir en weak-weak wesugun, nen o Asyur en he sue fibe nen elang paluk lagarek hak wesugun. A'nogo wagunem he An nen it inebe sugulogo woginarek it inonggwarek inailoba fisa lagain, iluk An Tuhan nen nane mondogat igi o,” ikhe isikhe.

HOSEA 11:11 ပူးပေါင်းရင်းမြစ်များ

YESAYA 11:11

Linggene andi sambul he Tuhan en at omameba againafuri alinlan logogun mene o Asyur inom Mesir inom, o Patros kweang oba inom, Sudan inom, Elam inom, Babel inom, Hamat inom, i alonggen kwe yathogo werek mene omanogo mondogat woginarek inambotkwe sugulogo wesugun.

YESAYA 60:8

Ohena hakhogo tari'logongge andi re nena mene nogo, sue abiang hak mene aiba tarogo lageluk hangge andi re nena mene nogo?

YEREMIA 31:12

It he punu Sion oba waga logolik, An nen gandum inom, amusu inom, anggur inom, sapi inom domba inom, wogisagain mene andoma faget inelokhe heanerogo waga logolik inagaiyek oba wuni warik wesugun. It inebere yabu i amusu werekwe hilingik welagarek hakhogo hilingik logolik, iren yi mene ti mene inelokhoma werekhogo nek logogun.

YEHEZKIEL 34:27

E wilibik mene enggen itik, yi mene ti mene yabukwe yago mene enggen itik, ugunem afuni mondogat he it inanggweang inonggwaregen meneba inendawinggen yamukhogo logogun. Posiemanggen An nagainafuri homaginarek mene andi re An nen lebek isigik, nen ap inamingmingengge hilingfisaluk welagaikharek oba andoma nen fikhalogo wulaginabi wagik umo re, An nebe Tuhan welagirek mene a'nogo inelu asugun.

YEHEZKIEL 34:28

It he ap inunggulenu An inonggot mene nen hele warogo woginarek lagik, athe mene olomene nen senggelinafik, igin lek. It he inendawinggen serogo were'ma re ap misigen iluk ogo ekhe inailot fisikhi logogun mondok lek.

YEHEZKIEL 37:21

Andi nen it inoba ikhi logolik, ’An Tuhan Lego Mondok welagirek mene nen he it An nunggulenu mene andoma mondogat o kweang ekhema-ekhema it lagaikhasik werekwe andoma nen woginabigin. An nen andogorogo woginarek he nekhengge sugulogo it inanggweang oba fisa wesigin.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

HOSEA 7:11

Israel he, sue yalma mongol mene nen lagik wagik ikherek hak hilingiri'lagwi. Attak he iren Mesir mene nen lebetninapni o iluk kino lagaikha. Andi nen hobuk he Asyur mene nen lebetninapni iluk yagaisa lagaikha!

OBAJA 1:17

Allah nen ekhe inom ikhi logolik, ”A'nogo hilinglasugun oba nen he tom Sion oba andoma nen it fenakwe nek he inagap telinabigin o, nen tom andiba re An nonggwarek nandom hilinglasigin. Andi nen he it Yakub en tagongge mene omanogo re inanggweang inonggwaregen mene omanogo hobuk ambotkwe helogoin aro.

ZAKHARIA 10:10

O Mesir en inom Asyur en inom An nen it inaiba sugulogo woginarek wesigin. A'nogo fisa wesimbik, it inonggwarek inanggweang oba andoma fisamo logogun. An nen o Gilead inom Libanon inom ogo woginarek wesumo, o kweang andomaba mondogat it mene nek hoporek logogun o.

ZAKHARIA 8:7

An nen he, nagainafuri o ekhema-ekhema it felelenghogo woginarek lagaukwakwe omanogo nen inagap telinabimbik,

ZAKHARIA 8:8

it inebe mo ero fikhiren inom, erumbul fikhiren inom woginarek wesumo re, it inebe nekhengge o Yerusalem logogun. It he An nagainafuri asumo re An he it ineisena Allah logogin. An nen he it inoba tiphogo hilingfisigik, higithogo ferinarek welagik ikhi logogin, ikhe ino,” iluk yaganete.